इबरानी 11:17 - Korwa Bible

¹⁷ बिनिसवासते इबराहीम, भगवान अंदजावतिडिया हनमेला आँयगरीग मिनीटोंग बेटात इसहाक बलिदान देगगेय लगा सपड़ावयान।

इबरानी 11:17 ပူးပေါင်းရင်းမြစ်များ

एहुना 3:16

“भगवान चउंदीसरिकुःआ होड़कू सुदा मुरुक दुलारकेडखन अनँयगरीग मिनीटोंग बेटाते एमेगोतेड, जेमहा हाँय एचेरेकू बिसवासगे हँकुःआ होड़कू अहाकू लायगुः, मनदो ओरो टुटीगनेना हना जीवकू पवाः।

2 कुरिंती 8:12

तोनोंगीग बिहिरी एमे लगा हाँयराः हिछा इदान दो, आँयग एचेरे कोवानेःआ हना अते कोवान मनदो हाँय एचेरे इदा हनानाः अतेय एमेगोडता दो भगवान हनाए मनेवाता।

इबरानी 11:13

हँकू जमाकू बिसवासकेडखनकू गोएगयान। अरू भगवान जबानतेरा हना हँकू मेरकू पवावगान। मनदो भगवान जबानतेरा हनाकून हँकू लनंकाते ञेलकेडखनकू अहाल बहालयान अरू हँकू अबू चउंदीसरे दुरीन देसरिकुःआ होड़कू इया इदानबुःआ, माःआनकू मनावयान।

इबरानी 7:6

मलकिसिदिक लेवी गोतोररीग होड़ मेरेय दोहोगान। हनारे हों हाँय इबराहीमराः आन-धान अते दस बंटारे मी बंटाय गोःतेरा। अरू हाँय जबान पवावतो इबराहीम भलावातेडखने कताया, आमराः जीव-जहनकून नपाय जुवाः, माःआन।

एकूब 5:11

सहाव घड़ीनकू दोहोनता हँकुःआ होड़कू सनातायरे ननपायबू कतावाकूता। अयूब करा इया कटसियाय सहावगेःआ अरू करा इया परबू हाँय लगा जमाकूने नपायगोतेड, हना कता अपे अनायूमकेरा। नाःआ अते अबू सुनुदीयतना, अबूरीग परबू अबूय सोगावाबूता अरूय मयावाबूता।

1 पतरस 4:12

ने अजी बोपोहकूतिंग, अपे अंदजाव लगा, अपे जीवरे मुरुक गराह-गिराह संताव होयाः मेला, तोनोंगाः अनसिनहार कता होयाःतान इया अपे अहापे बयावगुः।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।