इबरानी 11:16 - Korwa Bible

¹⁶ मनदो हँकूराः जीव हना अते हों मुरुक नाय नपाय देस, मने, सेरमो देस लगा टक-टक दोहोना। हनालगा भगवान हँकुःआ होड़कूरीग भगवान हवे माःआन एचे कतान लगा मेरेय गियुःता। अरू भगवान हँकू लगा मीटोंग सहरे संजोड़ दोहोकेरा।

इबरानी 11:16 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:34

हनते हाँयग मरंग राजा हाँयराः खउना तिःई गतररेकू चड़ाँनता हँकुःआ होड़कू एचेरेय कतायता, दबूपे, ईंगरीग अपांग भगवान अपेराः जीवे नपायगोतेडा। चउंदीसराः बुँहड़ीन अते भगवान अपे लगाय सपड़ाव दोहोकेरा हना इताडपे पवाः।

मरकूस 12:26

गोएगतो होड़कूराः बदीरेयिंग कतायता, मोसेस ओजाःतेरा हना कागदरे भगवान हाँय सुदा सलगावतो बुदारेय बड़रानेना हना मेरपे बछावगना जा? हनमेला भगवान मोसेस एचेरेय कतातेड, ईंग इबराहीमरीग, इसहाकरीग अरू एकूबरीग भगवान इदानिंगा।

मरकूस 8:38

नाःआ बेलारिकुःआ बेलूर ओंगोल होड़कू अरू कसूर होड़कूराः तलारे ईंग लगा अरू ईंगराः सरवन लगाकू गियुःता हँकुःआ होड़कू सुदा मनुवारीग बेटात, सेरमो देसरिकुःआ सुद बराहीलकू सुदा आँयग अपांगराः जंगरतेय वेगता हनमेला, हँकू एचेरे आँयग होंय गियुःता।”

लूका 12:32

ईसू अरूय कताया, “ने हुडिंग गउदारिकुःआ होड़कू, अपे अलोपे बोर। अपेरीग सेरमो देसरीग अपांग, आँयगराः राइज अपे एमेवापे लगा मंजूररे इदानिया।

लूका 20:37

अपे ईंगपे अयूम, भगवान मोसेस सुदा सलगावतो बुदारेय बड़रानेना। हनमेला भगवान मोसेस एचेरेय कतातेरा, ईंग इबराहीमरीग, इसहाकरीग अरू एकूबरीग भगवान हवे। हना अते मोसेस हों उदुःगेता भगवान गोएगतो होड़कूय जियाव रेमकूता, माःआन।

एहुना 14:2

ईंग अपांग ओड़ाःरे मुरुक छिनाकून दोहोन लगा इदा। हना सताय मेर दोहोकुःआ दो ईंग अपे एचेरेयिंग कतागोडकेःआ। अरू ईंग हंडा अपे दोहोन लगा ततेर तुला लगायिंग सेनतना।

मूक चेलाकू 7:32

ईंग आमरिकुःआ खुटिपरिया होड़कूरीग भगवान हवे; इबराहीमरीग, इसहाकरीग अरू एकूबरीग भगवान। दो मोसेस बोतोरतेय कलपाःआ अरू हाँय हना अगी ञेल लगा मेरेय डीड़ अवेगाड।

पिलिपी 3:20

मनदो अबूराः राइज सेरमो देस हवे अरू सेरमो देस अतेय कुदा वेगता अबूरीग सडावदार परबू ईसू मसी लगाबू टकागोड ञवनतना।

2 तिमुतियूस 4:18

भगवान जमा बेलूर अतेय सडावगींगता अरू आँयगराः सेरमो देसरे नाय नपायतेय गोः सोदोरगिंगताय। हनाँयराः मान मरजइत जमा जूग वरी होनोयागोड ञवन। आमीन!

इबरानी 10:34

जेहेलरेकू दोहोना, हँकुःआ बिसवासी होड़कूराः कटसियारे अपे होँपे कटसियानेना। अपे सुसुदीःआ अबू लगा मुरुक नाय नपाय अरू सगर सइट दोहोनता हना आन-धान सेरमो देसरे इदा, माःआन। हनालगा होड़कू अपेराः आन-धानकू अडिग गोःआ, हनमेला अपे बहालतेपे लुड़ी गोः ओवातेडकुःआ।

इबरानी 11:10

ननन इया भनगवान अनँयग ओंगोल इया बड़ियाड़ते नेवकेडखने तुलातेरा हनानाः सेरमो देसराः सहर लगा इबराहीम टकागोड ञवना।

इबरानी 11:14

नाःआ इयाकू कतायता हँकुःआ होड़कू उदुःगेता, अले अँननलेराः देसले ञामतना, माःआन।

इबरानी 11:40

भगवान हँकू लगा एकला कोवान, मनदो अबू लगा हों मुरुक नाय नपाय कताये ओंगोल दोहोतेरा, जेमहा अबू बेगर हँकू अलोकू उडु-बुडू अवेन।

इबरानी 12:22

मनदो अपे नुँहू सीयोन पहाड़रे अरू जीयत भगवानराः सहर, सेरमो देसराः एरुसलेमरेपे सोदोरकिया।

इबरानी 13:14

नाःआ चउंदीसरे अबूके सगर सइट दोहोन लगा तोनोंगाः सहर कोवानेःआ। मनदो अबू सगर सइट दोनोहोनता हनानाः सहर लगा हमा टक-टक इदानबुःआ।

इबरानी 2:11

होड़कू सुदे बड़ाँवकूता हाँय, अरू सुदकू बड़ाँव जुवाःता हँकू मिनी मइछुवारिकुःआ होड़कू इदानकुःआ। हनालगा ईसू हँकुःआ होड़कू, ईंगरिकुःआ अजी बोपोहकूतिंग माःआन राःकू लगा मेरेय गियुःता।

उदुःतो कताकून 21:2

हनते ईंग सुद सहर, नँवा एरुसलेम भगवान अगीते सेरमो देस अते उतराःतो ईंग ञेलतेरा। हना सहर, अनँयग हेरेल लगा सिंगारकियानखन सुघरे दोहोनता हाँयग कनिया इया दोहोना।