इबरानी 11:10 - Korwa Bible

¹⁰ ननन इया भनगवान अनँयग ओंगोल इया बड़ियाड़ते नेवकेडखने तुलातेरा हनानाः सेरमो देसराः सहर लगा इबराहीम टकागोड ञवना।

इबरानी 11:10 ပူးပေါင်းရင်းမြစ်များ

एहुना 14:2

ईंग अपांग ओड़ाःरे मुरुक छिनाकून दोहोन लगा इदा। हना सताय मेर दोहोकुःआ दो ईंग अपे एचेरेयिंग कतागोडकेःआ। अरू ईंग हंडा अपे दोहोन लगा ततेर तुला लगायिंग सेनतना।

2 कुरिंती 5:1

ईंगरिकुःआ अजी बोपोहकूतिंग, चउंदीसरे अबूराः देह बडे दिन मेर दोहोनता हना कुंबा इया इदा। मनदो हान लाय एंडा जुवाः दो, भगवान अगीते सेरमो देसरे अबू लगा मीटोंग ओड़ाः इदा। सगर सइट लगा दोहोनता हना ओड़ाः होड़कूराः तुलात ओड़ाः ना लवे।

पिलिपी 3:20

मनदो अबूराः राइज सेरमो देस हवे अरू सेरमो देस अतेय कुदा वेगता अबूरीग सडावदार परबू ईसू मसी लगाबू टकागोड ञवनतना।

इबरानी 11:16

मनदो हँकूराः जीव हना अते हों मुरुक नाय नपाय देस, मने, सेरमो देस लगा टक-टक दोहोना। हनालगा भगवान हँकुःआ होड़कूरीग भगवान हवे माःआन एचे कतान लगा मेरेय गियुःता। अरू भगवान हँकू लगा मीटोंग सहरे संजोड़ दोहोकेरा।

इबरानी 12:22

मनदो अपे नुँहू सीयोन पहाड़रे अरू जीयत भगवानराः सहर, सेरमो देसराः एरुसलेमरेपे सोदोरकिया।

इबरानी 12:28

मेर झिकोड़गुःता हना राइजबू पवावतना। हनालगा भगवानबू धनियाबाद अरू हाँयबू मान मरजइत अरू अकूस मनाः घड़ीन हाँय ननाँय जुवाः इयाबू जागगेय।

इबरानी 13:14

नाःआ चउंदीसरे अबूके सगर सइट दोहोन लगा तोनोंगाः सहर कोवानेःआ। मनदो अबू सगर सइट दोनोहोनता हनानाः सहर लगा हमा टक-टक इदानबुःआ।

इबरानी 3:4

जनामा ओड़ाः तुला लगा तोनोगीग दोनोहोनता, मनदो जमाकूनरीग तुलादार भगवान हवे।

उदुःतो कताकून 21:2

हनते ईंग सुद सहर, नँवा एरुसलेम भगवान अगीते सेरमो देस अते उतराःतो ईंग ञेलतेरा। हना सहर, अनँयग हेरेल लगा सिंगारकियानखन सुघरे दोहोनता हाँयग कनिया इया दोहोना।