इबरानी 10:4 - Korwa Bible

⁴ अरू बएल अरू मेरोमकूराः बलंगीते होड़कूराः कसूर कहियो ओरो बराव एंडानेना।

इबरानी 10:4 ပူးပေါင်းရင်းမြစ်များ

मरकूस 12:33

अरू अपेरीग परबू भगवान, जमा जीवते, जमा जंगरते अरू जमा कनहूनतेपे दुलारगेय अरू आमरीग परुसी अनम इयाम अलार-दुलारगेय, दो भगवान लगाकू एमेयता हना जमा बरानाः बलिदानकून अते अगम मइद इदा।”

एहुना 1:29

एटाः दिन एहुना आँयग अगी ईसू वेगतो ञेलतिडिगखने कतातेरा, “ञेलेयपे, चउंदीसरिकुःआ होड़कूराः कसूरे बराव एंडाता भगवानरीग भेड़ा होन ननाँय हवे।

रूमी 11:27

अरू ईंग हँकूराः जमा कसूर बराव एंडाकेडखन हँकू सुदायिंग कता-जमकावगेता।”

इबरानी 10:1

दरवाःआ हना सताय नपाय कताकूनराः उंबूल इया मोसेसराः नियमकून इदा। हनालगा सगर बरिस मिनी बरानाः बलिदान घड़ी घड़ी एमेय लगा भगवान एचेरेकू वेगता, हँकुःआ होड़कू हना बलिदानते कहियो ओरोकू उडु-बुडूनेना।

इबरानी 10:11

दो पुजउरीकू सगर दिन टपइर ओड़ाः पेंदारे चड़ाँकियानखनकू सेवागोड ञवनता अरू हनानाः बलिदानकून घड़ी घड़ीकू देगगोड ञवनता। मनदो हना बलिदानकूनते होड़कूराः कसूरकून कहियो मेर बराव एंडा अवेयता।

इबरानी 10:8

मड़ंगरे हाँय कतातेरा, “आम दान अरू बलिदानकून, बाल लो बलिदान अरू कसूरराः बलिदान, नाःआ जमाकून आम मेरेम चाहावगान अरू हना अते मेरेम ननायगान।” नाःआ बलिदानकून दो मोसेसराः नियम इयाकू एमेयता।

इबरानी 9:9

नाःआ जमा कताकून नाःआ जूगरिकुःआ होड़कू लगा मीटोंग अउल-तउल कता इया इदा। ननानाः अते अबू सुदी अवेयता, भगवानकू जागता हँकुःआ होड़कूराः ओंगोल, दान अरू बलिदान देग अते मेर सुदगुःता।

1 एहुना 3:5

अपे सुदीयतना ईसू मसी अबूराः कसूर चलाःगे लगा नाःआ चउंदीसरेय वेजेडा अरू हाँय एचेरे तोनोंगाः कसूर कोवानेःआ।