इबरानी 10:27 - Korwa Bible

²⁷ मनदो नाःआ इयाकू एचेयता हँकुःआ होड़कू भगवान फनड़ियावकूताय अरू आँयगरिकुःआ मुदइ होड़कूय डंडियावता हना हितकाःतो सेंगेलरे हँकू होंय डनंडियावकूता।

इबरानी 10:27 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:42

अरू हँकू नरगराः सेंगेलरेकू तेके बोलोकूता। हना ततेररे होड़कू मुरुक इयाम घड़ीन रेटेग-रेटेग तिरिंगकू कड़रावता।

मती ओजाःतेरा भगवानराः नपाय सरवन 13:50

अरू हँकुःआ कसूर होड़कू हितकाःतो सेंगेलरेकू तेके बोलोगोडकूता। हँकूके हंडा तिरिंग रेटेग-रेटेग कड़राव घड़ीन इयाम पराःता।”

मती ओजाःतेरा भगवानराः नपाय सरवन 25:41

हनते दिरही तिःई गतररिकुःआ होड़कू एचेरेय कतायता, ने सती-सरापतो होड़कू, मड़ंग वरीते कलउ अरू हाँयरिकुःआ बराहीलकू लगा संजोड़तो इदा अरू कहियो ओरो इड़ीगनेना हना संगेलरेपे सलाव जुवाः।

मती ओजाःतेरा भगवानराः नपाय सरवन 3:10

नुँहू सींग दूब घींग लगा वके सपड़ावतो इदा। नपाय जोःओ मेर जोःता हना जमा सींग दूबकून, घींगकेडखन सेंगेलरेकू बाल लोगोडता।

मती ओजाःतेरा भगवानराः नपाय सरवन 3:12

अनँयग गोहोम खनहियाड़ अतेय तेय अमिंग लगा अरू अकिडकेडखन पलारे दोहोय लगा हाँयराः हटाः अनँयग तिःईरे इदा। मनदो कहियो मेर इड़ीगगुःता हना सेंगेलरे कुटाय बालगेता।”

मती ओजाःतेरा भगवानराः नपाय सरवन 8:29

अरू हँकिन खिररीकियानखन ईसू एचेरेकिन कताया, “ने भाबी भगवानरीग बेटात, आम अले करेगले लगाम चहाःतना? भगवान अले लगाय तोल दोहोकेरा हना बेला अते मड़ंग आम अले हलकइनले लगाम वेगकिया जा?”

लूका 16:24

दो हाँय कताया, ने अपांग इबराहीम, ईंग नरगराः सेंगेलरेयिंग तड़पाःतना। हनालगा ईंग सोगावाडिंगखन लाजर ईंग एचेरेम वारगेय, जेमहा हाँय आयँगराः अंगरी दाःरे तोपोवाडखन ईंग अलंगरे दाःए जोरो लड़ेगींग।

लूका 19:27

हनते मालिक कताया, “ईंग अँकूरीग राजा बड़ाँवगींग लगा मेरकू चहाःआ हँकुःआ मुदइ होड़कू नंडापे अगूकू अरू ईंग मड़ंगरेपे ञेड एंडाकू, माःआन।”

लूका 21:26

बेर, बांगो अरू सेरमोरे विड़चेड़ता हना जंगरकून डोलाव जुवाःता। नाःआ चउंदीसरे होयाःता हना गराह-गिराह ञेल ञेल बोतोरते होड़कूराः आधा-जीव उडुंग जुवाःता।

लूका 23:30

हनमेला होड़कू पहाड़कू कतावाता, अले सेरमोम रुबुः अरू टुंगरीकू कतावाता, अलेम दाब रेड।

एहुना 5:29

नपाय बुताकू एचेतेरा, हँकू भगवान अते ओरो टुटीगनेना हना जीव पवाः लगाकू जियाव रिमुःता अरू बेलूर बेलूर बुताकूनकू एचेतेरा, हँकू भगवान अते डंडियाव पवाः लगाकू जियाव रिमुःता।”

इबरानी 12:25

भगवान अपेय कता उदुःवाता हना कता नपायपे अयूम ठुड़ावगे। चउंदीसरे होड़कूय सेतावतेरा हाँयगराः कता मेरकू मनावगान, हँकुःआ होड़कू मेनेरकू बनसावगान। दो सेरमो देस अते अबूय सेतावतना हाँयराः कता मेरबू अयूम ठुड़ावगे दो, अबू बनसाव अवेनता जा?

इबरानी 12:29

अरू अबू अलोबू लिड़िंगगेय, अबूरीग भगवान लाय एंडायीग सेंगेल हवे।

इबरानी 2:3

भगवान अबूय सडावता हना मुनुरुक मरंग सरवनबू आड-बेकारवा दो, करा इयाबू बनसाव अवेनता? नाःआ सडावराः सरवन मड़ंगरे परबू ईसू कतातेरा, अरू हाँय अतेकू अयूमतेरा हँकुःआ होड़कू हना सरवन सताय हवे माःआनकू पनकियाबाःगोतेरा।

इबरानी 9:27

होड़कू मिनी तुरहाकू गुनुजुःता अरू हना तयोमरे भगवान हँकूय फनड़ियावकूता,

एकूब 5:3

अपेराः सोना अरू चाँदीकून हों किचियावयना। सेंगेलते मास लो ओब जुवाःता हनन इया अपेराः जीव लायगोडता अरू अपेराः सोना चाँदीकूनराः किचियावतो अपे बदीरे हिदइत इया दोहोनता। हनते हों अपे चउंदीसराः टुटीगगुः बेलारे आन-धानपे बटुड़ावकेरा।

उदुःतो कताकून 20:15

अरू तोनोंगीग होड़राः ञाव जीवराः कागदरे ओजाःतो मेर दोहोगान, हँकुःआ होड़कू सेंगेलराः हुडिंग समुंदररेकू रेमगे बोलोगोतेडकू।