इबरानी 10:23 - Korwa Bible

²³ अबूय जबानवारा हाँयग भगवान बिसवासगेयीग इदानिया। हनालगा अबू कबुलावकिया हना असरा, बेगर हिटोः डोबोःते नपायतेबू संभाड़ ञवन।

इबरानी 10:23 ပူးပေါင်းရင်းမြစ်များ

1 कुरिंती 1:9

भगवान बिसवासगेयीग इदानिया अरू हाँय अपे अनँयगरीग बेटात अबूरीग परबू ईसू मसी सुदा मिनी जुवाः लगाय राःकेडपेःआ।

1 कुरिंती 10:13

जमा होड़कू अंदजावरेकू पराःता, अरू हनन इया अपे लगा हों अंदजाव होयाःता। भगवान भरसागे इयायीग हवे। अपे सहाव अवेयता, हना अते बगरा अंदजावरे ओरोय पराव ओवातेडपेःआ। मनदो अपे जीवरे अंदजाव होयाः मेला, अपे ससहाव लगा हों भगवान अपे दूरे उदुःवापेता, जेमहा अपे अलोपे कसूरगे।

2 कुरिंती 9:13

नाःआ सेवाते होड़कू सुदीगोडता अपे मसीराः नपाय सरवन बिसवास घड़ीनपे मनावगोड ञवनतना अरू अपे गरीब होड़कू अरू एटाः बिसवासी होड़कू संघरावाकू लगा ओसताज इदानपेःआ, माःआन। अरू हना अते हँकू भगवानकू जागता।

1 तिसलूनिका 5:24

अपेय राःकेरा हाँयग भगवान बिसवासगेयीग इदानिया अरू हाँय हनन इयाय एचेयता।

2 तिसलूनिका 3:3

मनदो परबू बिसवासगेयीग इदानिया। हनालगा हाँय अपेराः बिसवासे बड़ियाड़गेता अरू कलउ अते अपेय बनसावपेता।

तितूस 1:2

अरू कहियो मेरेय लबराता हाँयग भगवान मुनुरुक जूग परियारेय जबानतेरा ओरो टुटीगनेना हना जीव लगाकू असरागे।

इबरानी 11:11

बिनिसवासते साराह डुकरीयाने, हनारे हों जबानकेरा हाँयग भगवान बिसवासगेयीग इदानिया माःआने सुदीबाःकातेरा अरू हाँयके लँइग होयायान।

इबरानी 3:1

ने सुद अजी बोपोहकूतिंग, भगवान ईंगे राःकेरा हनन इया अपे होंय राःकेरा। हनालगा भगवानरीग बराहील अरू मूक पुजउरी हवे माःआनबू कबुलाःता हाँयग ईसू एचेरे अपेराः ओंगोलपे टक-टकगोड।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

इबरानी 4:14

भगवानरीग बेटात ईसू सेरमो देसरे अबू लगा मरंगीग मूक पुजउरी इदानिया। हाँय अँननबू इया जमालेःआ अंदजावरेय परावनेना, मनदो तोनोंगाः मेरेय कसूरगाड।

इबरानी 6:18

दो भगवान अबू सुदाय जबानकेरा, अरू मीटोंग किरिया होंय जोमकेरा। भगवान कहियो ओरोय लबरा अवेनेना। हनालगा नाःआ बनर कहियो ओरो टगावनेना। अरू अबू हाँय एचेरे दांगगुः लगाबू बतकावकिया दो, मुरुक डीड़कियानखन अबू मड़ंगरे इदा हना असराबू पवाव अवेन।

एकूब 1:6

तोनोंगीग भगवान एचेरे कनहूने असेय दो हाँय बिसवासते अअसे इदा अरू बार जीवकियानखन अलोय असेय। बार जीवकियानखने असेयता हाँयग होड़ होयते सलाःता अरू तुकड़ाःता हना समुंदरराः लहरा इया इदानिया।

उदुःतो कताकून 3:11

ईंग ओनोहेन वेग लगा इदानिंगा। अपे एचेरे इदा, हना बिसवासरेपे सनालावगोड ञवन, जेमहा तोनोंगीग अपेराः पगरी अलोकू उतराव अवेय।