इबरानी 1:9 - Korwa Bible

⁹ आम सताय कताम मंजूरवाता अरू बेलूर कताम हिनइस-बिनइसवाता। हनालगा भगवान, अनमरीग भगवान, बनाहालते सुनावकेडमेखन आमरिकुःआ सउंगताकूताम अते राजाय बड़ाँवकेडमेःआ।”

इबरानी 1:9 ပူးပေါင်းရင်းမြစ်များ

लूका 4:18

भगवानराः सुद बिरुवा ईंग एचेरे इदा। हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा। तोलतो होड़कू लड़ाकू लगा अरू अंधा होड़कू एचे ञेल लगा अरू संतावतो इदानकुःआ हँकुःआ होड़कू सडाव लगा

एहुना 1:41

मड़ंगरे हाँय आँयग वगात सिमोन सुदा जुमावनेनखने कताया, “अलंग मसी सुदालंग जुमावयना।” (इबरानी भासीरे मसीराः मतलोब सुनावतो होड़ हवे।)

एहुना 10:17

ईंग गुजुः लगा ईंगराः जीविंग एमेगोडता अरू हनते अरूयिंग जियाव रिमुःता। हनालगा ईंग अपांग ईंगे दुलारता।

एहुना 20:17

हनते ईसू कतातेड, “ईंग अपांग भगवान एचेरे अरीनिंग सेना। हनालगा आम ईंग अहम साब रहावकायिंग। मनदो आम ईंगरिकुःआ वपक बोपोहकूतिंग एचेरे सेनेकियानखन हँकू एचेरेम कता उदुःगोड, ईंगरीग अरू अपेरीग अपांग अरू ईंगरीग अरू अपेरीग भगवान एचेरे सेरमोयिंग सलाःतना, माःआन।”

एहुना 3:34

भगवान अनँयग सुद बिरुवा मिनी जीवकेडखने एमेयता। हनालगा भगवान वारकिरिया हाँयग होड़, भनगवानराः कताकूने कता उदुःता।

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

मूक चेलाकू 4:26

चउंदीसरिकुःआ राजाकू अरू हातपात होड़कू, भगवान अरू आँयग मसी बदीरे कड़ीग लगाकू मिनी जुमूटयना।

मूक चेलाकू 4:27

सनातायरे हरदोस राजा अरू एहूदिया छतररीग मरंग हातपात होड़ पुंतियूस पिलातूस, बेगर एहूदाकू अरू नाःआ सहर एरुसलेमरिकुःआ इसराएल होड़कू सुदा जुमावनेनखन आम सुनावतेरा आमरीग सुद सेवादार ईसू, एचे ञेड गोएगगेय लगाकू ओंगोलतेरा।

रूमी 12:9

तोनोंगीग मेड अंजउड़ी अलोपे दुलारगेय; बेलूर कताकूनपे हिनइस-बिनइसवा अरू नपायपे एचेगोड ञवन।

रूमी 15:13

दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।

1 कुरिंती 1:9

भगवान बिसवासगेयीग इदानिया अरू हाँय अपे अनँयगरीग बेटात अबूरीग परबू ईसू मसी सुदा मिनी जुवाः लगाय राःकेडपेःआ।

2 कुरिंती 11:31

होड़कू सगर सइटकू जागगोड ञवनता अबूरीग परबू ईसूरीग अपांग भगवान सुसुदीतना ईंग मेरिंग लबरातना।

गलातिया 5:22

मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,

इपीसी 1:3

सेरमो देसराः जमा बरानाः कताकून ईसू मसीते अबूराः जीवे भलावाडबुःआ अबूरीग परबू ईसू मसीरीग अपांग भगवानराः जाग होयाः।

पिलिपी 2:9

हनालगा भगवान हाँय मनारंग हातपात ओवाडिगखन हाँयराः ञाव जमाकूराः ञाव अते जगलेय बड़ाँवकेरा,

इबरानी 2:11

होड़कू सुदे बड़ाँवकूता हाँय, अरू सुदकू बड़ाँव जुवाःता हँकू मिनी मइछुवारिकुःआ होड़कू इदानकुःआ। हनालगा ईसू हँकुःआ होड़कू, ईंगरिकुःआ अजी बोपोहकूतिंग माःआन राःकू लगा मेरेय गियुःता।

इबरानी 2:9

मनदो अबू ईसूबू ञेलता। दो गुनमिन बेला लगा हाँय सेरमो देसरिकुःआ बराहीलकू अते भगवान हुडिंगे बड़ाँवतिरिया, जेमहा हाँय भगवानराः मयाते जमाकू लगा गुजुःए अटकार अवे। अरू नुँहू हाँय गुजुः सहावतेडखन मान मरजइते पवावकिया अरू मरंगे बड़ाँवयना।

इबरानी 7:26

इनीसू हमा अबू जुकूर मरंग मूक पुजउरी। हाँय सुद अरू बेगर गारबार अरू बेगर कसूरीग इदानिया। नुँहू हाँय सेरमो देसरे मुरुक मान मरजइत सुदा इदानिया।

1 पतरस 1:3

अबूरीग परबू ईसू मसीरीग अपांग भगवानिंग जागगेयता। हाँय अबू मुरुके मयावाडबुःआ अरू ईसू मसी गोएगतो होड़कू अतेय जियाव रेमकिडिगखन अबू लगा नँवा जीवे एमेकेरा, जेमहा अबू एचेरे, ओरो टुटीगनेना हना असरा दोहोन।

1 एहुना 1:3

अले ञेलकेरा अरूले अयूमकेरा, हनानाः अपे एचेरे होंले कतायतना, जेमहा अपे अले सुदापे मिनी जुवाः। अरू अले हों अबूरीग अपांग भगवान अरू आँयगरीग बेटात ईसू मसी सुदा मिनी इदानलेःआ।

उदुःतो कताकून 2:15

हनन इया अपे अते अदोम होड़कू निकुलाय होड़कूराः चेडतोकू मनाःता।