गलातिया 6:5 - Korwa Bible

⁵ अपेराः जीवराः जिमेवारी अँननपे एचेरे इदा। हनालगा अँननपेराः लूर-नेवन एटाः होड़कूराः लूर-नेवन सुदा अहापे तउलावगे।

गलातिया 6:5 ပူးပေါင်းရင်းမြစ်များ

मती ओजाःतेरा भगवानराः नपाय सरवन 16:27

मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।

1 कुरिंती 3:8

रोपायता हाँयग होड़ अरू दहवेता हाँयग होड़, हँकिन बना होड़राः ओंगोल मिनी दोहोनता, अरू जमाकू अँननकूराः बुता इया बनीकू पवाःता।

1 कुरिंती 4:5

दो परबू अरीने कुदा वेग वरी, अपे तोनोंगीग अलोपे फड़ियावगेय। हनाँय अंदरारे ओकोत इदा हना कताकून मरसलरेय एचे उदुःगोडता अरू होड़कूराः ओंगोलकूने एचे उदुःगोडता। हना तयोमते भगवान मेमेड होड़ अँननकूराः बुता इयाय भल-भलायकूता।

उदुःतो कताकून 2:23

ईंग हाँयरिकुःआ लइंकूयिंग ञेड एंडाकूता। हना अते जमा कलसियारिकुःआ होड़कू ईंग बदीरेकू सुदीयता, जमा होड़कूराः इंदरी अरू ओंगोल जासीग हनाँय हवे अरू अबू जमा होड़कू अँननबूराः बुता इयाय एमे कुदावाबूता, माःआन।

उदुःतो कताकून 22:12

हनते ईसू अरूय कतातेरा, “अपे ईंगपे अयूम! ईंग हनालियिंग कुदा वेगता। अरू जमाकू अँनकूराः बुता इया बदला एमेवाकू लगा ईंग एचेरे इमान इदा।