गलातिया 6:2 - Korwa Bible

² अपे कटसिया मेला जमा इयातेपे संघरा होड़ेंगगोड ञवन अरू नाःआ इया अपे जमालेःआते मसीराः हुकुमपे मनाःता।

गलातिया 6:2 ပူးပေါင်းရင်းမြစ်များ

मती ओजाःतेरा भगवानराः नपाय सरवन 8:17

नाःआ कता भगवानराः बड़रा कता होड़ एसयाह मड़ंगरेय कतातेरा, हनन इया होयायान, “हाँय अबूराः अबड़ावतो अते अरू जमा इयाःआ हसूतेय नपायगोतेडबुःआ।”

लूका 11:46

दो ईसू हाँय एचेरेय कताया, ने नियम चेडदार होड़कू, अपे होँपे ठीकयान। होड़कू मेरकू रेम अवेयता हना बोझा हँकू चोटरेपे मंडावगोडता। अरू अपे निःईमिन हों हँकू मेरपे संघरावाकूता।

एहुना 13:34

ईंग अपे लगा मीटोंग नँवा हुकुमिंग एमेयतना। ईंग अपेयिंग अलार-दुलारतना, हनन इया अपे होँपे अलार-दुलार होड़ेंगगोड ञवन।

एहुना 15:12

ईंगराः हुकुम ननाः हवे, ईंग अपेयिंग अलार-दुलारता। हनन इया अपे होँपे अलार-दुलार होड़ेंग।

रूमी 15:1

ईंगरिकुःआ अजी बोपोहकूतिंग, अबू बिसवासरे बड़ियाड़ इदानबुःआ। हनालगा अबू अँननबू अबू अलोबू ननायगुः। मनदो बिसवासरे अबड़कू दोहोनता हँकुःआ होड़कू, सहाव घड़ीन संघरावाकू लगा इदा।

रूमी 8:2

अबू ईसू मसीरिकुःआ होड़कू हवे। हनालगा भगवानराः बिरुवा नँवा जीवे एमेकेरा अरू हाँय अबू कनासूर जीवते एचे अड़ाःकेडबूखन गुनुजुःतेय सडावकेडबुःआ।

1 कुरिंती 9:21

मोसेसराः नियम मेरकू पवावगना हँकुःआ होड़कू तलारे ईंग दोहोन मेला, हँकुःआ होड़कू इयायिंग बड़ाँवनेना, जेमहा हँकू ईसू एचेरेकू बिसवास अवेय। ईंग मोसेसराः नियम टड़ावीग होड़ कोवायिंगा, मनदो ईसू मसी चेडकिरिंगा हनन इया हना नियमिंग मनाःता।

गलातिया 6:5

अपेराः जीवराः जिमेवारी अँननपे एचेरे इदा। हनालगा अँननपेराः लूर-नेवन एटाः होड़कूराः लूर-नेवन सुदा अहापे तउलावगे।

1 तिसलूनिका 5:14

ने अजी बोपोहकूतिंग, अले अपे एचेरेले असेयतना कुड़ही होड़कूपे सेताव, पोंकाहा होड़कूराः जीवपे बड़ियाड़गोड, सतवास होड़कूपे संघरावा अरू कटराहा होड़कू इया अहापे होयाः।

एकूब 1:25

मनदो अजइतबूता हना उडु-बुडूत नियम ओंगोल बुझावगोड ञवनता, अरू अयूमकेडखन मेरकू लिड़िंगेता, अरू हनन इयाःकू सलाःता, हँकुःआ होड़कू भगवान भलायवाकूता।

एकूब 2:12

भगवान होड़कूय अजइतगेता, हनानाः नियमते अपेराः बड़रा अरू बुता लगा भगवान अपेय फड़ियावपेता।

एकूब 2:8

जमा नियमकून अते मइद नियम नानाः हवे, अपे अँननपेरिकुःआ परुसीकू अँननपे इयापे अलार-दुलारकू। अपे नाःआ नियमपे मनाःतना दो नपायपे एचेतना।

1 पतरस 2:24

हाँय अनँयग देहरे अबूराः कसूरे लदाव गोःतेडखन कुरूसरेय गोएगनेना, जेमहा कसूर बदीरे गोएगतोबू दोहोन, अरू भगवानराः ओंगोल इया नपाय जीवबू जियाव अवेन। हाँयराः घाँवकूनते अबूराः जमा बरानाः बेमरियाकून नपाययना।

2 पतरस 2:21

हँकू भगवानराः सताय अरू बेगर गारबारतेःआ दूर सुदीकेडखन सुद जीव जियाःराः हुकुमकू आड-बेकारवा अते, हँकू हनानाः दूर कहियो अहाकू सुदीकेः दो, हँकू लगा अरू नपाय दोहोकुःआ।

2 पतरस 3:2

भगवानराः बड़रा कता होड़कू मड़ंगरेकू कतातेरा हना कता, अरू अबूरीग परबू अरू सडावदार ईसू अपे एचेरेय वारतेडकुःआ हँकुःआ मूक चेलाकूतेय एमेकेरा, हनानाः हुकुमपे उहियारगोड ञवन।

1 एहुना 4:21

भगवान अबू लगा नाःआ इयाय हुकुमकेरा, भगवान सुदाय दुलारता हाँयग होड़ एटाः बिसवासी होड़कू हों अलार-दुलारकू लगा इदा।