गलातिया 6:17 - Korwa Bible

¹⁷ ईंग ईसूरीग मूक चेला हवे अरू हनाराः चिनहा इया ईंग इनिंग देहरे कटसियाराः जोरोडिंग गोः चुवेरगेता। हनालगा अपे तोनोंगीग नुँहू वरीते ईंग अहापे हलकइनगींग।

गलातिया 6:17 ပူးပေါင်းရင်းမြစ်များ

मूक चेलाकू 15:24

अले नाःआ इयाले अयूमकेरा, अले अते तोनोंग तोनोंग होड़कू अपे एचेरे सेनेकियानखन हँकूराः कताते अपेराः जीवकू एचे कुहकावगोतेरा अरू अपेराः जीवकू बहकावगोतेडा। मनदो अले हँकू एचेरे तोनोंग हातपात मेरले एमेवागाडकुःआ।

2 कुरिंती 1:5

ईसू मसी कटसियाय सहावतेरा हनन इया अलिंग हों कटसियालिंग सहावतना, अरू हिनिनमिन बगरा ईसू मसी अलिंगराः जीवे हड़ियाड़गोडता।

2 कुरिंती 4:10

ईसूकू ञेड एंडातेरा हनन इया अले हों जमा बेला गुजुःराः दूररेले दोहोनता, जेमहा ईसूराः जीव अलेराः देहरे होड़कू ञेल अवेय।

गलातिया 1:7

सनातायरे, अरू एनेटाः दूर कोनोवानेःआ। मनदो तोनोंग तोनोंग होड़कू अपेराः ओंगोल बार जीव होयाः लगा अरू ईसू मसीराः नपाय सरवन अते अपे एटाः दूर अगी गोःपे लगाकू चहाःतना।

पिलिपी 3:10

ईसू मसी जमालेःआते सुदीगेय लगायिंग चहाःतना। ईसू मसी गोएगतो अते भगवान जियाव रेमतिरिया हना जंगर अटकारगे लगा हों ईंग चहाःतना। अरू ईसू मसी करा इया कटसिया सहावतेडखने गोएगनेना हन, ईंग हों बुझावकियानखन अटकारगे लगायिंग चहाःतना,

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

इबरानी 12:15

तोनोंगीग भगवानराः मयाय पवाः अते अनँयग तिःई कुदागे अते सवासितीपे दोहोन। अरू हटी जेर इया तोनोंगाः कताकून अपे तलारे अलो सेडे़याः लगा हों सवासितीपे दोहोन। नाःआ अते होड़कू हलकइन जुवाःता अरू मुरुक होड़कूराः जीव मइलाव जुवाःता।

उदुःतो कताकून 13:16

हाँय जमा होड़कूराः खउना तिःईरे सहे समांगरे मेमेडटोंग चिनहा लगावगे लगाय रेनहातेडकुःआ। मरंग होड़कू अरू हुडिंग होड़कू, गिरहत होड़कू अरू गरीब होड़कू, सेवकियाकू अरू मालिकूतुकू, हँकू जमाकू हना चिनहा गोःगो पराःता।

उदुःतो कताकून 13:17

निही दो तोनोंगीग तोनोंगाः जिनिस ओरोकू किजा अवेतेरा सहे ओरोकू अकिरिंग अवेतेरा। हना चिनहा हाँयग जानरराः ञाव अरू हाँयराः ञावराः नमार उदुःता।