गलातिया 6:12 - Korwa Bible

¹² अपे खतनापे लगाकू रेनहापेता, हँकुःआ होड़कू एटाः होड़कू एचेरे अँननकू अँकू बदीरे ईंग मरंग इदानिंगा, माःआन उदुःगुः लगाकू चहाःतना। ईसू मसीराः कुरूसराः गुजुः एकलाते होड़कू सडाव जुवाःता, माःआन परसारगे अते एहूदाकू हँकूकू संतावकूता। हनालगा हँकू अपे खतनापे लगाकू रेनहापेता।

गलातिया 6:12 ပူးပေါင်းရင်းမြစ်များ

मती ओजाःतेरा भगवानराः नपाय सरवन 23:27

ने पचघुचिया नियम चेडदार होड़कू अरू फरीसी होड़कू, अपे दोपे ठीकयना। अपे बहरी बहरी नपायते गुरीत, सुघर मड़गट इया इदानपेःआ, मनदो हना मड़गट पेंदारे गोएगतो होड़कूराः जांग अरू जमा बरानाः मइलावतो इदा।

मती ओजाःतेरा भगवानराः नपाय सरवन 23:28

हनन इया अपे हों एटाः होड़कू एचेरे नपाय धरमिया होड़कू इयापे ञिलुःता, मनदो अपेराः इनिंदरी इंदरीरे जमा बरानाः गारबार अरू पचघुचियाते पेरेगतो इदा।

मती ओजाःतेरा भगवानराः नपाय सरवन 23:5

अरू हँकू अँनकूराः जमा बुता, होड़कू ञेलले, माःआनते होड़कूकू बुता उदुःवाता। हँकू अँनकूराः अरजी बकसाकून सकड़कू तुलायता अरू हँकूराः अरजी पंछाराः असरा लंबी लंबीकू तुलायता।”

मती ओजाःतेरा भगवानराः नपाय सरवन 5:10

नपाय बुताकू बुतातान अते संतावरेकू पराःता हँकुःआ होड़कूराः जीव भगवान भलावाडखने नपायगेयता, अरू भगवानराः राइजरे हँकू बोलो अवेनता।

मती ओजाःतेरा भगवानराः नपाय सरवन 6:16

अपे उपासपे दोहोन मेला, पचघुचिया होड़कू इया अपेराः सुरइत अलोपे उतरावगे। अले उपासरे इदानलेःआ, माःआन होड़कू एचे उदुःवा लगा अँनकूराः सुरइतकू उतरावगोडता। अपे ईंगपे अयूम! हँकू हनाराः जमा इमानकू पवावयना।

मती ओजाःतेरा भगवानराः नपाय सरवन 6:2

हनालगा अपे गरीब होड़कू लगा तोनोंगाः संघरापे एमे मेला, एटाः होड़कू उदुःकेडखन अलोपे एमेय। पचघुचिया होड़कू अरजी ओड़ाःकूनरे अरू दोफा दूरकूनरे गरीब होड़कूकू संघरावाता, जेमहा एटाः होड़कू अँननकूकू मान मरजइत। अपे ईंगपे अयूम! हँकू हनाराः जमा इमानकू पवावयान।

मती ओजाःतेरा भगवानराः नपाय सरवन 6:5

अपे अरजी मेला, पचघुचिया होड़कू इया अलोपे अरजी। हँकू एटाः होड़कू उदुःवा लगा अरजी ओड़ाःकूनरे अरू दोफा दूरकूनरे चड़ाँकियानखन अरजी लगाकू मंजूरवाता। अपे ईंगपे अयूम! हँकू जमालेःआ हनाराः इमानकू पवावयना।

लूका 16:15

दो ईसू हँकू एचेरेय कताया, “अपे एटाः होड़कू मड़ंगरे नपाय होड़कू इयापे एचे अडिगतना। मनदो भगवान अपेराः जीव जमाय सुदीतना। होड़कू मरंगकू ओंगलेता हना जिनिस भगवान मरंग मेरेय ओंगलेता।

लूका 20:47

रंडियाहीनकू एचेरेकू अडिग जोमता अरू होड़कू उदुःवाकू लगा हँकू मुरुककू अरजीता। मनदो भगवान हँकुःआ होड़कू मुरुके डंडियावकूता।”

एहुना 7:18

अनँयग ओंगोलतेय कतायता हाँयग होड़ अनँयग मान मरजइतगुः लगाय चहाःता। मनदो तोनोंगीग हाँये वारकेरा हनाँय मान मरजइतगे लगाय चहाःता दो, हाँय सताय होड़ हवे अरू हाँय एचेरे तोनोंगाः गारबार मेर दोहोनता।

मूक चेलाकू 15:1

अदोम एहूदाकू एहूदिया छतर अते अंतकियारेकू वेजेडा अरू बिसवासी होड़कूकू चेडा, अपे मोसेसराः नियम इया मेरपे खतनान दो, भगवान अपे ओरोय सडावतेडपेःआ, माःआन।

मूक चेलाकू 15:5

दो मड़ंगरे फरीसी होड़कूरिकुःआ गउदारेकू दोहोना हँकुःआ बिसवासी होड़कू अते अदोम होड़कू कताया, बेगर एहूदाकू बिसवासरे वेग लगा इदान दो हँकू मड़ंगरे एचे खतनान लगा इदा अरू मोसेस एमेतेरा हना जमा नियमकून हँकू मनावगे लगा इदा, माःआन।

2 कुरिंती 10:12

अँननकू भल-भलायगुःता हँकुःआ होड़कू सुदा अले एचे गँड़ाः लगा सहे एचे अउल-तउलगुः लगा मेरले चहाःता। हँकुःआ होड़कू अँननकू अँकू अउल-तउल होड़ेंगतान अते हँकू बुयांगकू बड़ाँव जुवाःता।

2 कुरिंती 11:13

नाःआ इयाकुःआ होड़कू लबरा बराहीलकू हवे अरू मसीरिकुःआ मूक चेलाकूराः भेसरे बोबोनाव बुता होड़कू इदानकुःआ।

गलातिया 2:14

मनदो हँकूराः लूर-नेवन सताय नपाय सरवन इया मेरिंग ञेलगाड। दो ईंग जमाकू मड़ंगरे पतरस मंदराव घड़ीनिंग कतावातेरिया, “ने पतरस, आम एहूदा होड़ हवे, मनदो आम बेगर एहूदा होड़ इयाम जियाःतना। दो चिला लगा आम बेगर एहूदाकू, एहूदाकू इया जियाः लगाम रेनहाकूता?”

गलातिया 2:3

तितूस बेगर एहूदा होड़े दोहोना। हनते हों एरुसलेमरे ईंग सुदाय दोहोन मेला, हाँय खतनागेय लगा मेरकू रेनहागडीग।

गलातिया 5:11

ईंगरिकुःआ अजी बोपोहकूतिंग, नुँहू वरी होड़कू खतनान लगायिंग परसारगेता दो एहूदाकूराः संताव बे अहियावते ईंग चिला लगायिंग सहावकेःआ? ईंग ईसूराः कुरूस बदीरे परसारगे अते, होड़कू खतनान लगायिंग परसारगे दो एहूदाकू ईंग एचेरे तोनोंग इयाःआ गारबार ओरोकू ञाम अवेकेःआ।

गलातिया 6:13

खतनाकिया हँकुःआ होड़कू, अँननकू मोसेसराः जमा नियमकून मेरकू मनाःता। मनदो हँकू अपे एचे खतनाकेडपेखन अँननकू बड़वार लगाकू रेनहापेता।

पिलिपी 1:15

तोनोंग तोनोंग होड़कू ईंगराः इराते अरू अड़ा-चउकीते ईंग अते अँननकू मरंग बड़ाँः लगा नपाय सरवनकू परसारगेतना। मनदो एटाः होड़कू नपाय ओंगोलतेकू परसारगेतना।

पिलिपी 2:4

अपे अँननपे लगा एकला अलोपे ओंगोलगोड ञवन, मनदो एटाः होड़कू लगा होँपे ओंगोलगोड ञवन।

पिलिपी 3:18

ईंग मड़ंगरे अपे एचेरे मुरुकिंग कता उदुःवाडपेःआ अरू नुँहू हों ईंग अपे एचेरे इनियाम घड़ीनिंग कता उदुःगेतना, मुरुक होड़कू मसीराः कुरूसरिकुःआ मुदइ होड़कू इयाकू जियाःतना।

कुलूसी 2:23

नाःआ जमा नियमकून नपाय कनहून इया ञिलुःता। अरू होड़कू अँननकूराः ओंगोलते भगवानकू जागता अरू अँननकू हुडिंग अडिगता अरू अँननकूराः देह-जंगरकू कटसीयाता। मनदो नाःआ इयाते होड़कूराः जीवराः बेलूर ओंगोल ओरोकू चलाः एंडा अवेतेरा।