गलातिया 6:1 - Korwa Bible

¹ ईंगरिकुःआ अजी बोपोहकूतिंग, सुद बिरुवा अपे अगुवाइवापेतना। हनालगा अपे अते तोनोंगीग होड़ कसूरगोड दो, अपे सुधा होड़कू इया सताय दूर अगीपे कुदा अगूय। मनदो अपे कसूररे अलोपे बझाः लगा सवासितीपे दोहोन।

गलातिया 6:1 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:29

ईंग सुधा इदानिंगा अरू ईंग इनिंगते हुडिंगिंग ओंगलुःता। हनालगा ईंगराः जुवट अपे सेरमोपे रेमया अरू ईंग अतेपे चेडुः दो, अनपेराः जीव लोड़ोनता।

मती ओजाःतेरा भगवानराः नपाय सरवन 26:69

हनमेला पतरस बहरी राचरेय दुड़ुःकुःआ। दो मी होड़ सेवकियायीन हाँय एचेरेय वेजेडा। अरू पतरसे कतावाःआ, “आम हों दो गलील छतररीग ईसू सुदाम दोहोना।”

मती ओजाःतेरा भगवानराः नपाय सरवन 26:75

हनन मेला पतरस ईसू हाँय एचेरेय कतातेरा हनाय उहियार अगूतेरा, कुकुड़ा कुकूड़चुः अते मड़ंग आम पेय तुरहाम आड-बेकारवायिंगता, माःआन। अरू हाँय बहरी उडुंगनेनखन गोंघाड़ोमे इयामा।

मती ओजाःतेरा भगवानराः नपाय सरवन 9:13

ईंग बेगर गारबार होड़कू राः लगा कोवान, मनदो कसूर होड़कू राः लगायिंग वेगकिया। अपे भगवानराः कागदरे ओजाःतो इदा हना कता नपायतेपे चिडुः, ईंग बलिदान मेरिंग चहाःतना, मनदो होड़कू सोगागोड होड़ेंगकू लगायिंग चहाःतना।”

रूमी 14:1

ईंगरिकुःआ अजी बोपोहकूतिंग, बिसवासरे अबड़ इदानकुःआ, हँकुःआ होड़कू अहापे आड-बेकारवाकू अरू हँकू जाःता हना कताकून बदीरे, अपे अहापे अड़ा-चउकीःआ।

रूमी 15:1

ईंगरिकुःआ अजी बोपोहकूतिंग, अबू बिसवासरे बड़ियाड़ इदानबुःआ। हनालगा अबू अँननबू अबू अलोबू ननायगुः। मनदो बिसवासरे अबड़कू दोहोनता हँकुःआ होड़कू, सहाव घड़ीन संघरावाकू लगा इदा।

रूमी 8:6

कसूर लूर-नेवन इयाकुःआ होड़कू भगवान अते एटाःकियानखनकू गोएग जुवाःता। मनदो सुद बिरुवाराः ओंगोल इयाकुःआ होड़कू सलसत जीव अरू ओरो टुटीगनेना हना जीवकू पनावाःता।

1 कुरिंती 10:12

हनालगा अपे, बिसवासरे बड़ियाड़ इदानलेःआ माःआनपे बड़वारता हँकू, बिसवासरे अनउरपे बड़ियाड़गुः। निही दो अपे हों हनानाः कसूररेपे पराव जुवाःता।

1 कुरिंती 14:37

तोनोंगीग होड़ ओंगलुः, ईंग भगवानराः बड़रा कतायीग होड़ हवे, माःआन सहे हाँय ओंगलुः, ईंग सुद बिरुवाराः अगुवाइतेयिंग सलाःता, माःआन। दो, हाँय ईंग ओओजाःतना हना कता भगवानराः हुकुम हवे माःआने सुनुदीबाःका।

1 कुरिंती 2:15

सुद बिरुवा इदानीग होड़, नपाय अरू बेलूर कताकूने बुझाव अवेनता, मनदो एटाः होड़कू हाँयग होड़ मेनेरकू बुझाव अवेनता।

1 कुरिंती 3:1

ने ईंगरिकुःआ अजी बोपोहकूतिंग, ईंग अपे सुदायिंग दोहोन मेला, सुद बिरुवा अगुवाइवाकूता हँकुःआ होड़कू सुदायिंग बुतुड़ुता इया अपे सुदा मेरिंग बुतुड़ु अवेगान। मनदो ईसू मसी एचेरे बिसवास बदीरे बती लइंकू इया अँननकूराः मनबिदियारेकू सलाःता हँकुःआ होड़कू एचेरेकू बुतुड़ुतान इया, अपे एचेरेयिंग बुतुड़ुःआ।

1 कुरिंती 4:21

दो अपे चिलापे चहाःतना? ईंग सुटी साबकेडखन अपे एचेरेयिंग सेन, जा मया घड़ीन दुलारते अपे एचेरेयिंग सेन?

1 कुरिंती 7:5

तोनोंग इया होयाः, अलोपे बरजाव होड़ेंग। मनदो तोनोंग बेला वरी, अरजी लगा मी रायकियानखन एटाः एटाःरेपे दोहो अवेनता। हना तयोमते अपे मिनीरेपे जुमाव जुवाः, अरू अपे संभाड़गुः घड़ीनपे दोहोन अते कलउ अपे अरोय अंदजाव अवेतेडपेःआ।

2 कुरिंती 10:1

अदोम होड़कू कतायता, पउलूस दुरहियाते चिठीय ओजाःतान मेला मुरुके डीड़गार जुवाःता मनदो अबू मड़ंगरे पोंकाहा इदानिया, माःआन। दो ईंग इनिंग पउलूस मसी इया सुधा अरू हुडिंग ओंगलुः घड़ीन अपे एचेरेयिंग गोड़न-पइयनतना।

2 कुरिंती 2:7

दो नुँहू हाँय अनँयगराः गारबारे कबुलावनेना। हनालगा अपे हाँयराः गारबार अपेराः ओंगोलतेपे बराव एंडागोड अरू हाँयराः जीवपे हड़ियाड़गोड, जेमहा हाँय मुरुक बगरा अलोय अदरुजीन।

2 कुरिंती 2:8

हनालगा ईंग अपे एचेरेयिंग असेयतना, अपेराः दुलार हाँयपे एचे सुदीबाःगोडेय।

गलातिया 5:23

सुधा होड़कू अरू जमा बरानाः ओंगोल समझाः होड़कूबू बड़ाँःता। नाःआ इयाःआ लूर-नेवन बदलारे, तोंनोंगाः नियमकून कोवानेःआ।

गलातिया 6:18

ईंगरिकुःआ अजी बोपोहकूतिंग, परबू ईसू मसी अपेराः जीवे मयावा। आमीन!

1 तिसलूनिका 4:1

टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

2 तिसलूनिका 3:15

हनारे हों हँकुःआ होड़कू मुदइ होड़कू इया अहापे ओंगोलकू मनदो हँकू नपाय वपक बोपोहकूतापे इयापे सेतावकू।

2 तिमुतियूस 2:25

अरू घघंटाव होड़कू बेगर रीसते मंदरावकू लगा इदा। होनोयाःकून करे भगवान हँकूराः जीवकून कसूर अतेय एचे कुदायता अरू हँकुःआ होड़कू तयोमरे सनाताय कताकू सुदी अवेयता,

इबरानी 12:13

अरू अपे सोएग दूररेपे सलाः, जेमहा लंगड़ा इया इदानकुःआ हँकुःआ होड़कू अलोकू अइठाः, मनदो नाय नपायकू होया जुवाः।

इबरानी 13:3

जेहेलरे सींगतोकू दोहोनता हँकुःआ होड़कू अपे, अले हों सींगतो इदानलेःआ, माःआन ओंगोलकेडखन उहियारगोड अरू अले अँननले संतावतो इदानलेःआ माःआन ओंगोलकेडखन संतावतोकू दोहोनता हँकुःआ होड़कूपे उहियारगोड ञवन।

एकूब 3:13

अपे अते कनहूनदार अरू सुदीगे इयायीग होड़ इये हवे? दो हँकुःआ होड़कू अँननकू अँकू हुडिंग ओंगोलकियानखन कनहून सुदा नपाय लूर-नेवनते जियाः लगा इदा।

एकूब 3:2

अबू जमाकू मुरुक गारबारबू एचेयतना। मनदो अनँयग आहे संभाड़ अवेयता हाँयग होड़ बेगर गारबारीग होड़ दोहोनता। अरू उरिगकूराः तोतोँड़ाकू तोलकूता हनन इया हाँय अनँयग आँयगराः जमा देहे संभाड़ अवेयता।

1 पतरस 3:15

मनदो अपे ईसू मसी अँननपेरीग परबू हवे माःआन अकूसपे मनावगेय। अरू तोनोंगीग अपे जीवरे इदा हना असरा बदीरेय होंबरे दो, जमा बेला अँननपे अपे हुडिंग ओंगोलकियानखन, एटाःकू मान मरजइत घड़ीन कता कुदागे लगा, सपड़ावतोपे दोहोन।

1 एहुना 5:16

तोनोंगीग होड़ गुजुःमिन मेरेय कसूरगरा हना आम ञेलकेरा दो हाँयग होड़ लगा भगवान एचेरेम अरजी अरू भगवान हाँयराः कसूर बराव एंडाकेडखन जीवे एमेयता। मनदो तोनोंग तोनोंग कसूर, होड़कू एचेयता दो हँकू गोएग जुवाःताकू। गुजुःमिन कसूरकेरा हँकुःआ होड़कू लगा भगवान एचेरेपे अरजी लगा मेरिंग कतायतना।