गलातिया 5:10 - Korwa Bible

¹⁰ ईंग परबू एचेरे निठायिंग बिसवासबाःकेरा, अपे बेलूर चेडतो ओरोपे साबतेरा, माःआन। मनदो अपे जीवकू कता बंटागे हँकुःआ होड़कू, हँकू तोनोंयग दोहोन, भगवान डनंडियावकूता।

गलातिया 5:10 ပူးပေါင်းရင်းမြစ်များ

मूक चेलाकू 15:24

अले नाःआ इयाले अयूमकेरा, अले अते तोनोंग तोनोंग होड़कू अपे एचेरे सेनेकियानखन हँकूराः कताते अपेराः जीवकू एचे कुहकावगोतेरा अरू अपेराः जीवकू बहकावगोतेडा। मनदो अले हँकू एचेरे तोनोंग हातपात मेरले एमेवागाडकुःआ।

1 कुरिंती 5:5

हाँयग होड़ कलउ एचेरेपे जिमागोडेय, जेमहा हाँय अनँयगराः बेलूर नेवन अते जीवे कुदा अवे अरू ईसू मसी कुदा वेगता हना दिन हाँयराः बिरुवा बनसाव जुवाः।

2 कुरिंती 1:15

नाःआ असराते ईंग अपे एचेरे मड़ंगिंग सेन लगायिंग ओंगोल दोहोतेरा, जेमहा अपे ईंग सुदा बार तुरहा जुमाः लगा दावपे पवाः।

2 कुरिंती 10:2

तोनोंग तोनोंग होड़कू ओंगोलकूता, पउलूस अरू हाँयरिकुःआ सउंगताकू चउंदीसरिकुःआ होड़कू इयाकू सलाःतना, माःआन। दो ईंग अपे एचेरेयिंग असेयतना, हँकुःआ होड़कू नाःआ इया अलोकू ओंगोलले लगापे कतावाकू, जेमहा ईंग अपे एचेरेयिंग सेन मेला हँकू सुदा डीड़गार अलोयिंग होयाः।

2 कुरिंती 10:6

अपे मसीराः कता जमालेःआपे मनाव पुरावगोड। अरू हना तयोमते हाँयराः कता मेरकू मनाःता हँकुःआ होड़कू डंडियावकू लगा सनपड़ावतो इदानलेःआ।

2 कुरिंती 13:10

ईंग अपे एचेरेयिंग सेन मेला कड़ कड़ाइके कताय लगा अलो पराः। हनमेला अआड लगा कोवान, मनदो ईंग भगवान एमेवारिंगा हना हातपातते तुतुला लगायिंग अवेय। हनालगा ईंग अपे अते तोरे दोहोकियानखन नाःआ इयायिंग ओजाःगेतना।

2 कुरिंती 2:3

ईंग सुनुदीबाःगोतेरा ईंग बहालगुःता हनानाः कताकूनरे अपे होँपे बहालगुःता। ईंग अपे एचेरेयिंग सेन मेला ईंग जीवपे बहालगोडता हँकुःआ होड़कू अते ईंग जीव अलो अदरुजीन। हनालगा ईंग मड़ंगाः चिठीरे नाःआ कता अपे लगायिंग ओजाःतेरा।

2 कुरिंती 2:6

अपे अते मुरुक होड़कू हाँयपे डंडियावतेरा अरू हनानाः डंड हाँय लगा बगरा इदा।

2 कुरिंती 5:16

नुँहू वरीते होड़कूराः ओंगोल इया तोनोंगीग ओरोले फड़ियावतिरिया। मड़ंगरे मसी बदीरे चउंदीसरिकुःआ होड़कू फड़ियावगेःआ हनन इया अले होंले फड़ियावतिरिया। मनदो नुँहू वरीते अले हनन इया ओरोले फड़ियावतिरिया।

2 कुरिंती 7:16

ईंग अपे एचेरे जमा बरानाः लगायिंग भरसा अवेयता। हनालगा ईंग जीव मुरुक बहाल इदा।

2 कुरिंती 8:22

अले मी होड़ होड़, हँकिन सुदाले वारेयतना। अरू अले घड़ी घड़ीले अंदजावतिरिया अरू हाँय मुरुक कताकूनरे ओसताज इदानिया माःआनले सुदीगोतेडिया। अरू अपे एचेरे हाँयके मुरुक भरसा इदा। हनालगा हाँय अनउर ओसताज इदानिया।

गलातिया 1:7

सनातायरे, अरू एनेटाः दूर कोनोवानेःआ। मनदो तोनोंग तोनोंग होड़कू अपेराः ओंगोल बार जीव होयाः लगा अरू ईसू मसीराः नपाय सरवन अते अपे एटाः दूर अगी गोःपे लगाकू चहाःतना।

गलातिया 2:4

अदोम होड़कू सनातायते बिसवासी होड़कू मेरकू दोहोगान अरू लबरा बराहीलकू इयाकू दोहोना। ईसू मसी अबूय अजइतगोतेडबुःआ, मनदो हना अजइत अते एहूदाकूराः खतनात नियमकून एचे मनावकेडबूखन बेगारी होड़कू बड़ाँवबू लगाकू चहाःआ।

गलातिया 2:6

होड़कू अदोम मूक होड़कू बदीरे मरंग होड़कू माःआनकू ओंगोलकूता। मनदो भगवान तोनोंगीग मेरेय पाचपटीगेयता। हनालगा नाःआ अते ईंगके कही आँच ओरो लगावनेना, अरू ईंग परसारतेरा हना सरवनरे तोनोंग इया मेरकू बदलाव अवेगाड।

गलातिया 3:1

ने गलातियारिकुःआ होड़कू, अपे करा उड़ी नाःआ इयापे बोकोयना? ईसू मसी कुरूसरेय गोएगनेना माःआन अपे सनाताय सतायिंग उदुःवातेडपेःआ। दो अपे करा इया पती ञेडतो इयापे होयायना?

गलातिया 4:11

दो अपे लगा ईंग सेसा-दुराकिया, हना सदाःआ होया जुवाःता माःआन ओंगोल खोबराः घड़ीन, अपे बदीरे ईंग जीव कुहकाःतना।

गलातिया 4:17

हँकुःआ लबरा चेडदार होड़कू अपे लहराव फुसलावकेडखन सउंगताकूपे बड़ाँः लगाकू चहाःतना। मनदो हँकूराः ओंगोल नपाय कोवानेःआ अरू अपे ईंगराः चेड अते हिगार गोःपे लगाकू चहाःतना, जेमहा अपे हँननकूराः चेडतो बहालतेपे मनाव ञवन।

गलातिया 4:20

ईंग अपे बदीरे ओंगोल खोबराः घड़ीनिंग कुहकाःतना। हनालगा ईंग अपे एचेरे ओहेन सेन लगा अरू मुहा-मुही बुतुड़ु लगायिंग चहाःतना।

गलातिया 5:12

अरू अपेराः जीवकू कता बार बंटागेता, हँकुःआ होड़कू खतनान लगा एकला कोवान मनदो अँननकू अँकू खसियावगुः दो नपाय इदा।

गलातिया 5:7

अपे बिसवासरे नपायतेपे सनालावगोड ञवना, दो इये अपे सताय सरवन मनाः अतेय रोंकावकेडपेःआ?

गलातिया 6:17

ईंग ईसूरीग मूक चेला हवे अरू हनाराः चिनहा इया ईंग इनिंग देहरे कटसियाराः जोरोडिंग गोः चुवेरगेता। हनालगा अपे तोनोंगीग नुँहू वरीते ईंग अहापे हलकइनगींग।

पिलिपी 3:15

अबू अते, भगवानराः ओंगोल इया जमालेःआते उडु-बुडूत इदानबुःआ, अबू नाःआ इयाःआ ओंगोलरे सनालावगोड ञवन लगा इदा। मनदो तोनोंगीग एचेरे एटाः इयाःआ ओंगोल इदान दो, भगवान हँकूराः हना ओंगोल ननपायतेय एचे सुदीगोडकूता।

2 तिसलूनिका 3:4

अले अपेले हुकुमवाता, हना अपे मनाःतना। अरू मड़ंग दिनरे होँपे मनानावगोड ञवनता। ननानाः कता बदीरे परबू एचेरे अलेके भरसा इदा।

1 तिमुतियूस 1:20

बहकावतो होड़कू अते बार होड़ हुमिनियुस अरू सिकंदर हवे। दो नँकिनाः होड़किन ईंग कलउ तिःईरेयिंग जिमागोतेडकिना, जेमहा हँकिन भगवान ओपताकेडखन अहा कताय लगाकिन चिडुः।

पिलेमोन 1:21

ईंग असेकेरा हनाम एनेमेयता माःआनिंग भरसागेतना। हना लगायिंग ओजाःगेतना। हा, ईंग सुनुदीयतना, ईंग ओंगलेतना हनाते हों आम बगराम एचेयता।