गलातिया 4:26 - Korwa Bible

²⁶ मनदो सेरमो देसराः एरुसलेमते अउल-तउलतो इदानिया हाँयग साराह अजइत इदानिया अरू हाँय अबूरीग एंगाबू हवे।

गलातिया 4:26 ပူးပေါင်းရင်းမြစ်များ

एहुना 8:36

दो बेटात अपेय अजइतगोड दो सनातायरेपे अजइत जुवाःता।

रूमी 6:14

अपे नियम इयापे सलाःआ हना अते भगवान अपे मेरेय सडावगाडपेःआ, मनदो हाँय अपेय मयावाडपेखने सडावकेडपेःआ। हनालगा अपे अँननपेराः जीव, बेलूराः कसूर ओंगोल इया अलोपे सलाव ओवा।

रूमी 6:18

अपे कसूर जीव जियाः लगापे अड़ाः एंडागोतेडा अरू बेगर गारबार जीव जियाः लगापे जिमायना।

गलातिया 4:22

भगवानराः कागदरे ओजाःतो इदा; इबराहीमरिकिनाः बार होड़ लइंकिन दोहोना। मी होड़रीग एंगात बेगारी होड़, हजीरा दोहोना। अरू मी होड़रीग एंगात इबराहीमरीग अइमी, साराह दोहोना अरू हाँय बेगारी होड़ कहियो मेरेय दोहोगान।

गलातिया 4:25

हजीरा अरब देसराः सीनाई पहाड़ इया इदानिया अरू हना पहाड़ चउंदीसराः एरुसलेम सहरते अउल-तउलतो इदा। अरू हँकुःआ एहूदाकू हों नियमकूनकू मनाः घड़ीन बेगारी होड़कू इया इदानकुःआ।

गलातिया 5:1

अबू अजइत जुवाः लगा ईसू मसी अबूय सडावकेडबुःआ। हनालगा अपे बड़ियाड़कियानखन नियमकूनराः आड़रे अहापे बहुरावगुः।

पिलिपी 3:20

मनदो अबूराः राइज सेरमो देस हवे अरू सेरमो देस अतेय कुदा वेगता अबूरीग सडावदार परबू ईसू मसी लगाबू टकागोड ञवनतना।

इबरानी 12:22

मनदो अपे नुँहू सीयोन पहाड़रे अरू जीयत भगवानराः सहर, सेरमो देसराः एरुसलेमरेपे सोदोरकिया।

1 पतरस 2:16

अपे अजइतयनापे। हनते हों अपे भगवानरिकुःआ सेवकिया होड़कू हवे। हनालगा अपे अजइतयनाले, माःआन ओंगोलकेडखन कसूर जीव जियाः लगा बुइद अहापे तुलाय।

उदुःतो कताकून 12:1

हनते सेरमो देसरे मीटोंग मरंग चिनहायिंग ञेलतेरा। मी होड़ अइमी बेरे ओयोकातेरा। बांगो हाँयराः काट पेंदा दोहोना अरू हाँयराः बोःरे बारहगोटोंग इपीलकूते सिंगारतो पगरी दोहोना।

उदुःतो कताकून 17:5

अरू हाँयराः समांगरे नाःआ ओकोत इयाःआ ञाव ओजाःतो दोहोना, मरंग सहर बाबील, जमा चउंदीसरिकुःआ सनही अइमीकूरीग एंगात अरू जमा बरानाः एरंगवाताकू हना जिनिसकूनराः सूती।

उदुःतो कताकून 21:2

हनते ईंग सुद सहर, नँवा एरुसलेम भगवान अगीते सेरमो देस अते उतराःतो ईंग ञेलतेरा। हना सहर, अनँयग हेरेल लगा सिंगारकियानखन सुघरे दोहोनता हाँयग कनिया इया दोहोना।

उदुःतो कताकून 3:12

जितावबाः जुवाः हाँयग होड़ ईंग भगवानराः ओड़ाःराः मीटोंग खुंटायिंग बड़ाँवगेयता, अरू हाँय हना ओड़ाः अड़ाःकेडखन कहियो ओरोय सेनेडा। ईंग ईंगरीग भगवानराः ञाव हाँय इंदरीरेयिंग ओजाःगेता। अरू हाँय इंदरीरे भगवानराः सहरराः ञाव होयिंग ओजाःगेता। हना सहरराः ञाव, नँवा एरुसलेम हवे अरू हन ईंगरीग भगवान अगीते सेरमो देस अते उतराव वेगता। अरू ईंगराः नँवा ञाव हाँय चोटरेयिंग ओजाःगेता।