गलातिया 4:24 - Korwa Bible

²⁴ नाःआ कहड़ीरे मीटोंग अउल-तउल कता इदा। नँकिनाः बनर अइमीकिन भगवान होड़कू सुदाय एचेयकेरा हना बनर कता-जमकावतो इया इदनकिना। मीटोंग सीनाई पहाड़रे मोसेसते एहूदाकू सुदा भगवान एचेतेरा हना कता-जमकावतो हवे। अरू हान हजीरा हवे अरू हाँयरिकुःआ लइंकू जमाकू बेगारी होड़कू हवे।

गलातिया 4:24 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:35

जेमहा भगवानराः बड़रा कतायीग होड़ कतातेरा हना सरवन होया जुवाः, “ईंग अपे सुदा अउल-तउल कहड़ीकूनिंग कतायता, चउंदीसराः बुँहड़ीन अते ओकोत इदा हना कताकून अपेयिंग उदुःवापेता।”

रूमी 8:15

अपे सुद बिरुवापे पवावकियानते पोंकाहा बेगारी होड़कू इया दोहोन लगा कोवानेःआ, मनदो भगवान आँयगराः बिरुवाते अनँयग लइंकू इयाय समुटावकेडपेःआ। नाःआते अबू हाँय, ने अबबा, ने अपांग, माःआन चइड़ घड़ीनबू राःगेयता।

1 कुरिंती 10:11

अबू इसराएल होड़कू इया अलोबू होयाः लगा नाःआ जमाकून हँकू जीवरे होयानेना। अबू टुटीगगुः अते मड़ंग बेलारे इदानबुःआ। नाःआ जमाकून अबू लगा ओजाःतो इदा, जेमहा अबू सवासितीबू दोहोन।

1 कुरिंती 10:4

अरू हँकू टयंगाब ततेरतेकू सेन मेला हँकू तयोम तयोम ओतोंग सेनेडा हना मीटोंग मरंग चटइन अते सेरमो देसराः दाः ञूय लगाय एमेवातेडकुःआ। अरू हना चटइन ईसू मसी दोहोना।

गलातिया 4:25

हजीरा अरब देसराः सीनाई पहाड़ इया इदानिया अरू हना पहाड़ चउंदीसराः एरुसलेम सहरते अउल-तउलतो इदा। अरू हँकुःआ एहूदाकू हों नियमकूनकू मनाः घड़ीन बेगारी होड़कू इया इदानकुःआ।

गलातिया 4:3

हनन इया अबू हों हँकुःआ लइंकू इया नाःआ चउंदीसराः रिता-रिता चेडतो इयाबू सलाःआ।

गलातिया 5:1

अबू अजइत जुवाः लगा ईसू मसी अबूय सडावकेडबुःआ। हनालगा अपे बड़ियाड़कियानखन नियमकूनराः आड़रे अहापे बहुरावगुः।

इबरानी 11:19

इबराहीम आँयग जीवरेय ओंगोल दोहोबाःगोतेड, भगवान गोएगतो होड़कू जियाव रेमकू लगा जंगरदार इदानिया, माःआन। अरू भगवान रोंकावगोतेडीग अते अउल-तउल इया हाँय गोएगतो अते जिनियाव रेमतो इसहाके पवावनेना।

इबरानी 12:24

अरू हाबीलराः बलंगी अते मसीराः मुरुक नाय नपाय इरचीत बलंगी हों हंडा इदा। अरू नँवा कता-जमकावतोरीग बिच-बिचवाई होड़ इदानिया हाँयग ईसू हों हंडा इदानिया।

इबरानी 13:20

दो सलसत एमेयीग भगवान, भेड़ाकूरीग मूक सरवाहा अबूरीग परबू ईसू, सगर सइट दोहोनता हना कता-जमकावतोराः बलंगीते गोएगतो अतेय जियाव रेमकिरिया।

इबरानी 7:22

नाःआ किरिया भगवान जोमतेरा अते ईसू नाय नपाय कता-जमकावतोरीग आभा पुरावदारे बड़ाँवनेना।