गलातिया 4:15 - Korwa Bible

¹⁵ ईंग सुदीयतना, होनोयाःकून करे अपे अँननपेराः मेड हों गुड़तीग उडुंगकेडखन ईंग लगापे एमेगोडकेःआ। हनमेला अपे ईंग बदीरे मुरुक बहालतेपे दोहोना। दो नुँहू नाःआ इया करा उड़ीपे बदलावयना?

गलातिया 4:15 ပူးပေါင်းရင်းမြစ်များ

लूका 8:13

दररी ओतरे लोजोरनेना हना बिहान नाःआ इया होड़कू हवे। हँकू भगवानराः कता अयूमकेडखन बहालतेकू मनाःता। अरू हँकू तोनोंग दिन वरी बिसवासरेकू दोहोनता, मनदो जेर नपायते मेर साबगुःता, हनाते तोनोंग तोनोंग इयाःआ कटसिया मेला बिसवासकू अड़ाःगोडता।

रूमी 10:2

ईंग सुसुदीतना, हँकुःआ होड़कू भगवान सेवा लगा मुरुक ओसताज इदानकुःआ। मनदो हँकू भगवानराः ओंगोल इया सेवागे लगा मेरकू सुदीयतना।

रूमी 15:13

दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।

रूमी 5:2

अबू हाँय एचेरेबू बिसवासकेरा हना अते भगवान अबूय मयावातना, जेमहा अबू बड़ियाड़तेबू दोहो ञवन अरू भगवान सुदा मान मरजइतबू पवाः माःआन असरा घड़ीनबू भल-भलायवा।

रूमी 9:3

होया अवेन दो भगवान ईंग सती-सरापतिरिंगखन ईसू मसीतेयिंग एटाः जुवाः, जेमहा हँकुःआ होड़कू हों ईसू मसीराः दुलारकू सुदी अवे।

2 कुरिंती 8:3

ईंग हँकू बदीरे हिदइतिंग एमेयता, हँकू एमे अवेया हनाते मुरुक बगरा मिनी जीवकियानखन बिहिरीकू एमेबाःकातेरा।

गलातिया 3:14

ईसू मसी अबूय सडावकेड अते, भगवान इबराहीमराः जीव-जहने नपायतेरा। हनन इया हाँय बेगर एहूदाकूराः जीव-जहन होंय नपायकेरा, जेमहा भगवान जबानतेरा हाँयग सुद बिरुवा अबू बिसवासकेड अतेबू पवाः।

गलातिया 4:14

ईंग अलपाहानेन मेला अपे लगा बोझा इयायिंग दोहोना। हनते हों अपे ईंग हुडिंग मेरपे ओंगोलवागडिंग अरू मेरपे एरंगवागडिंगा। मनदो अपे ईंग भगवानरीग बराहील सहे इनीसू मसी इया ईंगपे नेत-नेवारतिरिंगा।

गलातिया 4:16

ईंग अपे एचेरे सतायिंग कता उदुःगोड ञवना, दो ईंग अपेरीग मुदइ होड़िंग बड़ाँवयना जा?

गलातिया 4:19

ने ईंगरिकुःआ लइंकू, ईसू मसीराः लूर-नेवन इया अपेराः लूर-नेवन अरीन होयाः वरी, ईंग अपे लगा लरकुरहिया अइमी इया कटसियायिंग सहावगोड ञवनता।

गलातिया 5:22

मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,

गलातिया 6:4

अपे जमाकू अँननपेराः बुता नपायतेपे जासवा, जेमहा अपे एटाः होड़कू बदीरे कोवान, मनदो अपे अँननपे अपे सयाँड़ अवेन।

कुलूसी 4:13

ईंग निठासिंग सुसुदीतना, हाँय अपे लगा अरू लउदिकिया सहररिकुःआ अरू हिरापुलीस सहररिकुःआ होड़कू लगा मुरुके मिहनइतगोड ञवनतना।

1 तिसलूनिका 2:8

अले अपे मुरुकले दुलारपेःआ अरू हनाते भगवानराः नपाय सरवनले कताया, हनमेला अलेराः जीव हों एमेवापे लगा हों सपड़ावतोले दोहोना।

1 तिसलूनिका 5:13

हँकुःआ होड़कू अपे लगा मुरुककू मिहनइतगेता। हनालगा हँकुःआ होड़कूपे दुलारकू अरू मुरुक मान मरजइतकूपे। अपे सलसततेपे दोहो ञवन।