गलातिया 3:8 - Korwa Bible

⁸ मड़ंग जूग वरीते भगवानराः कागदरे नाःआ इया ओजाःतो इदा, बेगर एहूदाकू भगवान एचेरेकू बिसवासगे अते, कसूर अते फड़ियावतो होड़कूय बड़ाँवकूता। अरू भगवान नाःआ सरवन इबराहीम एचेरेय कतातेरा, “आम अते चउंदीसरिकुःआ जमा जइत होड़कू नपाय जीव-जहनतेकू दोहोनता।”

गलातिया 3:8 ပူးပေါင်းရင်းမြစ်များ

एहुना 19:37

अरू एटाः ततेररे नाःआ इया ओजाःतो इदा, हाँयकू सोबोःतेरा, हँकुःआ होड़कू हाँय अगीकू ञेलता।

एहुना 7:38

भगवानराः कागदरे ओजाःतो इदा हनन इया ईंग एचेरेय बिसवासगेता हाँयग होड़राः इंदरी अते मेर टुटीगगुःता जीव एमेता हना दाः, नईराः दाः उड़ी तूःता।”

एहुना 7:42

भगवानराः कागदरे ओजाःतो कोवानेःआ जा, मसी दाऊद राजारीग नइड़-बाँस अते अरू दाऊद दोहोना हना एहूदिया छतरराः बेतलहेम सहर अतेय वेगता, माःआन।”

मूक चेलाकू 2:35

आमराः काट चोडुः लगा अरीनिंग तुलाकू वरी ईंगराः खउना तिःई गतर दुडुःकियानखन आम ईंग सुदाम राइजकू।

रूमी 9:17

भगवानराः कागदरे भगवान मिसिरी राजा पिरोन एचेरेय कतायतना, “ईंग आम राजायिंग बड़ाँवकेडमेःआ, अरू ईंगराः जंगर आमिंग उदुःवारा जेमहा चउंदीसरिकुःआ जमा होड़कू ईंग जाग घड़ीनकू मान मरजइतगिंग।”

रूमी 9:30

दो नाःआ बदीरे चेले माःआनबू कताय? बेगर एहूदाकू भगवानराः ओंगोल इया बेगर गारबार होड़कू बड़ाँः लगा मेरकू कुरनिसगेःआ। मनदो हँकू बिसवासकेडखन भगवानराः ओंगोल इया बेगर गारबार होड़कूकू बड़ाँवयना।

गलातिया 3:16

अपे ईंगपे अयूम, इबराहीम एचेरे अरू हाँयरिकुःआ नइड़-बाँस होड़कू अते मी होड़ एचेरे भगवान जबानतेरा। दो भगवानराः कागदरे हना जबान इबराहीमरिकुःआ मुरुक नइड़-बाँस होड़कू एचेरे मेरेय जबानगाड, मनदो मिनी होड़ एचेरेय जबानतेरा, अरू हनाँय हवे सडावदार मसी।

गलातिया 3:22

मनदो भगवानराः सरवन नाःआ इया कतायता, जमा होड़कू कसूरगोड ञवनताकू, अरू ईसू मसी एचेरेकू बिसवासगेता, हँकुःआ होड़कूराः जीव-जहन भगवान आँयगराः जबान इयाय नपायगेता।

गलातिया 4:30

मनदो नियमकून कागदरे चेले माःआन ओजाःतो इदा? अजइततो अइमीरीग बेटात सुदा बेगारी अइमीरीग बेटात इताडदार ओरोय बड़ाँवनेना। हनालगा बेगारी होड़ अरू आँयगरीग बेटात उडुंगगोडकिनपे।

इबरानी 4:2

हँकुःआ होड़कू अयूमतेरा हना नपाय सरवन अबू हों अयूमकेराबू। हँकुःआ होड़कू हना सरवन अयूमतेडखन बिसवास घड़ीन अँनकूराः जीवरे मेरकू दोहोगाड। हनालगा हँकू अयूमतेरा हना सरवनते हँकूके तोनोंगाः नफा मेर होयागान।

उदुःतो कताकून 11:15

हनते सात नमाररीग सेरमो देसरीग बराहील मरंग सोहनाईए ओंगतेड दो, सेरमो देसरे मुरुक सटी अरो अयमुःआ। हँकू कतातेरा, “चउंदीसराः राइजकून अबूरीग परबू भगवानराः अरू आँयगरीग मसीराः होयाकिया। अरू हाँय सगर जूग वरीय राइजगोड ञवनता।”