गलातिया 3:5 - Korwa Bible

⁵ ईंग अपे एचेरे अरूयिंग होंबरेतना। भगवान अपे सुद बिरुवाय ओवाडपेःआ अरू अपे तलारे बयाव जुवाः इयाःआ बुताकूने एचेकेरा। अपे नियमपे मनाः अते भगवान नाःआ जमाकूने एचेकेरा जा? कोनोवान। अपे ईसू मसीराः नपाय-सरवनपे बिसवासकेड अते भगवान नाःआ जमाकूने एचेकेरा।

गलातिया 3:5 ပူးပေါင်းရင်းမြစ်များ

मूक चेलाकू 14:3

मनदो पउलूस अरू बरनाबास हंडा मुरुक दिन वरीकिन दोहोना अरू मुरुक डीड़ते भगवानराः मयाराः सरवनकिन कता उदुःतेरा। ईसू हँकिन मुरुक बयाव जुवाः इयाःआ बुताकून एचे लगाय संघरावाकिना अरू हनाते होड़कू सुदीगोतेड, नाःआ सरवन दो सनाताय हवे माःआन।

रूमी 10:17

दो तोनोंगीग होड़ बिसवासगे लगा इदान दो, हाँय मड़ंगरे मसी बदीरे नपाय सरवन अअयूम लगा इदा।

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।

1 कुरिंती 12:10

अरू एटाः होड़कू बयाव जुवाः इयाःआ बुताकून एचे लगा अरू एटाः होड़कू भगवानराः बड़रा कता होड़कू होयाः लगा सुद बिरुवा दहिन एमेवाकूता। तोनोंग तोनोंग होड़कू सुद बिरुवाराः बड़रा अरू भूतकूराः बड़रा अंदजाव लगा अरू तोनोंग तोनोंग होड़कू अनबुझ भासीकून बड़रा लगा अरू तोनोंग तोनोंग होड़कू अनबुझ भासीकूनराः अरत बुझाः लगा दहिनकू पवाःता।

2 कुरिंती 10:4

अले चउंदीसरिकुःआ होड़कूराः ओंगोलकून अरू बेलूर कता होड़ेंग लाय एंडाय लगा भगवान अगीते जंगरले पवाःता। हनालगा अले नाःआ चउंदीसराः अवजारकून लड़ाइ लगा मेरले उपयोतगेता।

2 कुरिंती 12:12

बयाव जुवाः इयाःआ बुताकून अरू चिनहाकून सहाव घड़ीन ईंग अपे तलारेयिंग एचे उदुःतेरा। हना अते अपे सुदीगोतेडपे जा, हाँय हों मी होड़ मूक चेला हवे, माःआन?

2 कुरिंती 13:3

हनालगा ईंग कुदा वेग जुवाः दो, ओनोरोयिंग अड़ाःतेडकुःआ। मसी डंडियावपे लगा अबड़ कोवाया, मनदो हाँय अनँयगराः अगम जंगरते अपे एचेरे इदानिया।

2 कुरिंती 3:8

दो सुद बिरुवाराः सेवा मड़ंगाः कता-जमकावतोराः सेवा अते अरू नाय नपायते चिला लगा मेर होयाकुःआ?

2 कुरिंती 9:10

भगवान वेवेर होड़ लगा बिहाने एमेता अरू जोम जिनिस होंय एमेता। हाँय अपे हों बिहाने एमेवापेता अरूय बनाड़हावगोड ञवनता, जेमहा जरूरइतरे इदानकुःआ हँकुःआ होड़कू लगा अरू नाय नपायतेपे एमे अवेय।

गलातिया 3:2

मीटोंग कता ईंगपे उदुःवा। अपे भगवानराः सुद बिरुवा करा इयापे पवावकिया, नियम मनावकेडखन जा, नपाय सरवन बिसवासकेडखन?

पिलिपी 1:19

दो ईंग सुसुदीतना, अपेराः अरजीते अरू ईसू मसीराः सुद बिरुवाराः संघराते, ईंग जीवरे होयाकिया नाःआते भगवान ईंगे सडावता।