गलातिया 3:28 - Korwa Bible

²⁸ अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

गलातिया 3:28 ပူးပေါင်းရင်းမြစ်များ

एहुना 10:16

नाःआ गुदड़ीरे कोवाकुःआ ईंगरिकुःआ एटाः एटाः भेड़ाकू हों इदानकुःआ। हँकू हों ईंगराः गुदड़ीरे अअगू इदा अरू हँकू हों ईंगराः अरोकू अयूमता। हनते जमाकू मिनीटोंग खुड़हारेकू दोहोनता अरू हँकूरीग मिनीटोंग सरवाहाय दोहोनता।

एहुना 11:52

एहूदाकू एकला लगा कोवान मनदो सितिर बितिरयनाकू हँकुःआ भगवानरिकुःआ जमा होड़कू एचे जुमावकेडखन मिनीगोडकू लगा होंय गुजुःता।

एहुना 17:11

ईंग नाःआ चउंदीसरे ओरोयिंग दोहोनेना मनदो नँकू चउंदीसरेकू दोहोनता अरू ईंग आम एचेरेयिंग सेनता। ने सुद अपांग भगवान, अलंग मिनी इदानलंगा, हनन इया हँकू हों मिनीकू दोहोन लगा ईंगमे एमेवातेरा अनमराः ञावराः जंगरते हँकूम बनसावगोड ञवन।

रूमी 1:16

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

रूमी 3:22

अरू ईसू मसी एचेरेकू बिसवासगेता हँकुःआ जमा होड़कू भगवान बेगर पाचपटीते आँयगराः ओंगोल इया बेगर गारबार होड़कूय बड़ाँवकूता।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

रूमी 9:24

दो अबू एहूदाकू सहे बेगर एहूदाकू दोहोन अते भगवान मनाड़ंगतेय ओंगोल दोहोकेडखन अबू जमा होड़कूय सुनावकेडबुःआ।

1 कुरिंती 7:14

तोनोंगीग बिसवासी अइमीरीग हेरेलतो मेरेय बिसवासगेतान हों, हाँयग अइमी बिसवासगेतान अते हाँयगरीग हेरेलतो हों सुदे बड़ाँव जुवाःता अरू हनन इया बिसवासी मरदरीग एरात मेरेय बिसवासगेतान हों, हाँयग मरद बिसवासगेतान अते हाँयगरीग एरात हों सुदे बड़ाँव जुवाःता। निही दो अपेरिकुःआ लइंकू सुद ओरोकू दोहोकुःआ, मनदो नुँहू हँकू सुद इदानकुःआ।

1 कुरिंती 7:19

खतनान सहे मेरेय खतनान, बनरते तोनोंगाः मतलोब कोवानेःआ। मनदो भगवानराः हुकुम मनानाः मइद हवे।

गलातिया 3:14

ईसू मसी अबूय सडावकेड अते, भगवान इबराहीमराः जीव-जहने नपायतेरा। हनन इया हाँय बेगर एहूदाकूराः जीव-जहन होंय नपायकेरा, जेमहा भगवान जबानतेरा हाँयग सुद बिरुवा अबू बिसवासकेड अतेबू पवाः।

गलातिया 3:26

ईसू मसी एचेरे बिसवासकेडखन अपे जमाकू भगवानरिकुःआ लइंकूपे बड़ाँवयना।

गलातिया 4:14

ईंग अलपाहानेन मेला अपे लगा बोझा इयायिंग दोहोना। हनते हों अपे ईंग हुडिंग मेरपे ओंगोलवागडिंग अरू मेरपे एरंगवागडिंगा। मनदो अपे ईंग भगवानरीग बराहील सहे इनीसू मसी इया ईंगपे नेत-नेवारतिरिंगा।

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

इपीसी 1:1

ने अजी बोपोहकूतिंग, ईंग पउलूस, भगवानराः हिछाते ईसू मसीरीग मूक चेला हवे। इपीसी सहररे ईसू मसी एचेरे बिसवासगे इयाकू दोहोनता भगवानरिकुःआ सुद होड़कू, अपे लगा नाःआ चिठीयिंग ओओजाःतना।

इपीसी 4:4

भगवान अबूय राःकेडबुःआ दो अबू जीवरे मिनीटोंग असरा इदा। हनन इया अबू जमाकू मिनी देहराः दगलीकून इदानबुःआ अरू अबू जमाकू एचेरे भगवानराः सुद बिरुवा मिनीटोंग इदा।

पिलिपी 1:1

ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।

कुलूसी 1:4

अलिंग अयूमकेरा, अपे ईसू मसी एचेरेपे बिसवासगेतना, अरू भगवानरिकुःआ जमा सुद होड़कू सुदापे अलार-दुलार होड़ेंगतना, माःआन। हनालगा भगवानलिंग धनियाबादता।

कुलूसी 3:11

नाःआ नँवा जीवरे तोनोंग इयाःआ हिगार हटिंग कोवानेःआ। खतनाकू एचेयता हँकुःआ एहूदाकू, सहे मेरकू खतनानता हँकुःआ बेगर एहूदाकू सहे जोडेकू सहे अलीगवारकू, सेवकियाकू सहे मालिककू, अबू तोनोंगीग एटाः कोवाबुःआ। मनदो मसी एकला मनारंग इदानिया अरू हनाँय अबू जमाकूराः जीवरे इदानिया।

1 तिमुतियूस 1:12

ईंग बिसवासगेयीग होड़ ओंगोलवाडिंगखन, परबू ईसू मसी आँयगराः सेवा सेवागे लगा सुनावकिडिंगखन आँयगराः बुता बुतागे लगा जंगरे ओवाडिंगा। हनालगा हाँयिंग धनियाबादतना।

2 तिमुतियूस 1:1

ने तिमुतियूस, ईसू मसी एचेरे बिसवासगेतान अते ओरो टुटीगनेना हना जीवराः जबान पवावनेनखन भगवानराः हिछाते ईसू मसीरीग मूक चेलायिंग बड़ाँवनेना ईंग पउलूस,