गलातिया 3:24 - Korwa Bible

²⁴ ईसू मसी एचेरे बिसवासकेडखन भगवानराः ओंगोलरे बेगर गारबार होड़कू अरीनबू बड़ाँः वरी अगुवाइवाबू लगा अरू संघरावाबू लगा नाःआ नियमकून भगवान एमेतेरा।

गलातिया 3:24 ပူးပေါင်းရင်းမြစ်များ

रूमी 10:4

ईसू मसी मोसेसराः जनामा नियमकूने पुराव एंडागोतेडा। हनालगा हाँय एचेरेकू बिसवासगेता हँकुःआ होड़कू भगवानराः ओंगोलरे बेगर गारबार होड़कूकू बड़ाँव जुवाःता।

रूमी 9:30

दो नाःआ बदीरे चेले माःआनबू कताय? बेगर एहूदाकू भगवानराः ओंगोल इया बेगर गारबार होड़कू बड़ाँः लगा मेरकू कुरनिसगेःआ। मनदो हँकू बिसवासकेडखन भगवानराः ओंगोल इया बेगर गारबार होड़कूकू बड़ाँवयना।

1 कुरिंती 4:15

अपे ईसू मसी बदीरेकू चेडपे लगा दस हजार चेडदारकू दोहोन हों, अपेरीग मिनीटोंग अपांग इदा। अपे एचेरे नपाय सरवनिंग कता उदुःतेरा अरू अपे ईसू मसी सुदापे मिनीयान अते ईंग अपेरीग अपांगिंग बड़ाँवयना।

गलातिया 2:16

तोनोंगीग होड़ एहूदाकूराः नियमकून मनाः अते भगवान हाँय कसूर अते फड़ियावतो होड़ मेरेय बड़ाँवगेयता। मनदो हाँय ईसू मसी एचेरेय बिसवासगेता दो, हनानाः अते भगवान हाँय कसूरते फड़ियावतो होड़े बड़ाँवगेयता, माःआनले सुनुदीयतना। हनालगा अले एहूदाकू हों नियमकूनले मनाःता हना अते कोवान, मनदो ईसू मसी एचेरेले बिसवासगेता हना अते भगवान अले कसूर फड़ियावतो होड़कूय बड़ाँवकेडलेःआ।

गलातिया 2:19

ईंग मेरिंग मनाव अवेगान हनानाः नियमते ईंग कसूर बदीयना। दो ईंग हना नियम मनाव पुरावगे लगायिंग अड़ाःगोतेडा, जेमहा ईंग भगवान लगायिंग जियाव अवेन। ईंग मसी सुदा कुरूसरे गोएगतो इदानिंगा,

गलातिया 3:25

नुँहू ईसू मसी वेगकिया अरू अबू हाँय एचेरेबू बिसवास अवेयता। हनालगा अबू नुँहू नियमकूनराः आड़रे कोवाबुःआ।

कुलूसी 2:17

नाःआ जमा रिती-बिधीकून दरवाःआ हना कताकूनराः उंबूल इया इदा, मनदो सताय कता ईसू मसीरेबू पवाःता।