गलातिया 3:19 - Korwa Bible

¹⁹ दो नाःआ नियमकून चिला लगा भगवान अबूय एमेवातेरा? अबू कसूर होड़कू हवे माःआन उदुःगे लगाय एमेतेरा। मड़ंगरे भगवान जबानतेरा हाँयग नइड़-बाँस होड़ अरीने वेग वरी नाःआ नियमकून सलावनेना। अरू नाःआ नियमकून सेरमोरिकुःआ बराहीलकूते मोसेस बिच-बिचवाई होड़ साबतेडखन होड़कू एचेरे भगवान कता उदुःतेरा।

गलातिया 3:19 ပူးပေါင်းရင်းမြစ်များ

लूका 16:31

इबराहीम हाँय एचेरेय कताया, मोसेस अरू भगवानराः बड़रा कता होड़कूराः सरवन हँकू मेरकू मनाः दो गोएगतो होड़कू अते तोनोंगीग जियाव रिमुः हों हँकू कसूर अते जीव ओनोरोकू कुदातेरा।”

एहुना 1:17

भगवानराः नियम मोसेसतेय एमेकेरा मनदो ईसू मसीते भगवान अबूय मयावारा अरू अनँयगराः सताय अबूय एचे उदुःवारा।

एहुना 15:22

ईंग मेरिंग वेगकुःआ अरू हँकू ओरोयिंग कतावाकेकिकुः दो, हँकू एचेरे कसूरराः बोझा ओरो दोहोकुःआ। मनदो नुँहू हँकू ओरोकू कता अवेतेरा, अले मेरले कसूरगरा माःआन।

मूक चेलाकू 7:38

सेरमो देसरीग बराहील सीनाई पहाड़रे मोसेस एचेरेय बड़रानेन मेला मोसेस टयंगाब ततेररे भगवानरिकुःआ होड़कू दोहोना अबूरिकुःआ खुटिपरिया होड़कू सुदाय दोहोना। अरू हाँयग मोसेस भगवान अगीते अबूय एमेवा लगा जीयत सरवने पवावकिया।

मूक चेलाकू 7:53

भगवान सेरमोरिकुःआ बराहीलकूते अपे एचेरे नियमकूने एमेकेरा, मनदो अपे हना नियमकून मेरपे मनावगान।”

रूमी 2:13

नियमकून एकलाय अयुमेता हाँयग होड़ भगवानराः ओंगोलरे बेगर गारबारीग होड़ मेरेय बड़ाँःता। मनदो हना नियम इयाय सलाःता, हनाँयग होड़ भगवान बेगर गारबार होड़ माःआने कतावायता।

रूमी 4:15

होड़कू भगवानराः नियमकून जमालेःआ मेरकू मनाव अवेनतान अते भगवान डंडियावकूताय। मनदो नियमकून मेर दोहोन दो नियमकून टड़ावराः कता करा इया दोहोकुःआ?

गलातिया 3:16

अपे ईंगपे अयूम, इबराहीम एचेरे अरू हाँयरिकुःआ नइड़-बाँस होड़कू अते मी होड़ एचेरे भगवान जबानतेरा। दो भगवानराः कागदरे हना जबान इबराहीमरिकुःआ मुरुक नइड़-बाँस होड़कू एचेरे मेरेय जबानगाड, मनदो मिनी होड़ एचेरेय जबानतेरा, अरू हनाँय हवे सडावदार मसी।

इबरानी 2:2

सेरमो देसरिकुःआ बराहीलकूते भगवान कतातेरा हना सरवन तोल दोहोत दोहोना, अरू हना सरवनकू टड़ावतेरा हँकुःआ होड़कू, बेगर गारबारतेःआ फड़ियावराः डंडकू पनावावनेना।

इबरानी 2:5

दरवाःआ हना चउंदीस बदीरेबू कतायतना दो, हना तोनोंगीग सेरमो देसरिकुःआ बराहीलकूराः आड़रे भगवान मेरेय जिमागरा।