गलातिया 2:7 - Korwa Bible

⁷ मनदो हँकुःआ होड़कू सुदीगोतेड, नपाय सरवन एहूदाकू एचेरे परसार उदुःगे लगा भगवान पतरसे वारकिरिया। हनन इया बेगर एहूदाकू एचेरे भगवान पउलूसे वारकिरिया, माःआन।

गलातिया 2:7 ပူးပေါင်းရင်းမြစ်များ

मूक चेलाकू 15:12

हना तयोमरे पउलूस अरू बरनाबास, भगवान बेगर एहूदाकू एचेरेय एचेतेरा हना जमा चिनहाकून अरू बयाव जुवाः इयाःआ बुताकूनकिन कता उदुःतेरा दो जमा बिसवासी होड़कू कलेकालयान अरू हँकिनराः बड़राकू अयूमतेरा।

मूक चेलाकू 18:6

मनदो एहूदाकू हाँय मुरुककू घंटावतिडिया, अरू ओपताय घड़ीनकू कतावाया दो, पउलूस आँयगराः सोनहे मीटोंग चिनहा इया हँकूराः बदीरेय कोटातेडखने कताया, “भगवान अपेय डंडियाता हनाराः जिमेवारी अँननपेराः होयाःता। नुँहू वरीते ईंग बेगर एहूदाकू एचेरे भगवानराः नपाय सरवनिंग कता उदुःता।”

मूक चेलाकू 28:28

हनालगा अपे सुदीयापे, भगवान होड़कूय सडावता हना नपाय सरवन नुँहू बेगर एहूदाकू लगा हों इदा अरू हना हँकू बिसवासगेता।”

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

रूमी 11:13

दो नुँहू, अपे बेगर इसराएल होड़कू, ईंगपे अयूम। अपे बेगर इसराएल होड़कू लगा भगवान ईंग मूक चेलाय बड़ाँवकिडिंगा। हनालगा ईंग नाःआ सेवा मरंगिंग ओंगलेतना,

1 कुरिंती 9:17

ईंग इनिंगराः हिछातेयिंग परसारगेतान दो हनाराः इमानिंग पवाःता। मनदो ईंगे जिमेवारा, हनालगा ईंगके पपरसार पनाराःता।

गलातिया 1:16

हनते हाँय अनँयग बेटात ईंगे उदुःवारिंगा, जेमहा ईंग बेगर एहूदाकू एचेरे नपाय सरवनिंग कता उदुःवाकू। ईंग तोनोंगीग होड़ सुदा मेरिंग कता होड़ेंगगना,

गलातिया 1:18

पेय बरिस तयोमरे ईंग पतरस सुदा जुमाः लगा एरुसलेम सहरिंग सेनेडा अरू हाँय सुदा हंडा पंदरह दिनिंग दोहोना।

गलातिया 1:6

अपे ईसू मसीराः मयाते नपाय सरवनपे बिसवासगे लगा भगवान अपेय राःकेरा, अरू हना बिसवास अते अपे हनाली कुदाकियानखन एनेटाः एटाः दूरपे साबकेरा। हनालगा अपे बदीरे, ईंग मुरुकिंग बयावयना।

गलातिया 2:11

पतरस अंतकिया सहररेय वेजेडा दो ईंग घंटावतिडिगखन हाँय एचेरेयिंग कतातेड, आम गारबारकेरा, माःआन।

गलातिया 2:14

मनदो हँकूराः लूर-नेवन सताय नपाय सरवन इया मेरिंग ञेलगाड। दो ईंग जमाकू मड़ंगरे पतरस मंदराव घड़ीनिंग कतावातेरिया, “ने पतरस, आम एहूदा होड़ हवे, मनदो आम बेगर एहूदा होड़ इयाम जियाःतना। दो चिला लगा आम बेगर एहूदाकू, एहूदाकू इया जियाः लगाम रेनहाकूता?”

गलातिया 2:9

कलसियारिकुःआ अगुवा मूक होड़कू हवे माःआनकू कतावाकुःआ, हँकुःआ एकूब, पतरस अरू एहुना, भगवान ईंग लगाय एमेवाडिंगा हना जिमेवारीकू सुदीगोतेड। दो हँकू ईंग अरू बरनाबास, अबूरिकिनाः सेवा देंगवा होड़किन हवे, माःआनकू मनेवातेडलिंगा। नाःआते अलिंग बेगर एहूदाकू एचेरे अरू हँकू एहूदाकू एचेरे सेवाकू लगा मिनी राययानकू।

1 तिसलूनिका 2:4

मनदो भगवान लुंबाड़ दोहोकेडकूखन नपाय सरवन कता उदुःगे लगाय जिमावाडकुःआ हँकुःआ होड़कू इयाले कतातेरा। हनालगा होड़कू एचे ननायकू लगा कोवान, मनदो अबूराः ओंगोले जासता हाँयग भगवान ननायगेय लगाले कतायतना।

1 तिमुतियूस 1:11

अरू अगम नपाय भगवान ईंगे जिमावारा हना जागगेयाः नपाय सरवनते नाःआ नियम खाप जोमता।

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

2 तिमुतियूस 1:11

ननानाः नपाय सरवन लगा भगवान पपरसार होड़, ईसूरीग मूक चेला अरू चेडदार बड़ाँः लगा ईंगे सुनावकेरा।

2 पतरस 3:15

अबूरीग परबू अबू सुदा सहाव घड़ीने दोहोना दो, हना अबू सडावगुःराः बेलाबू बुझाः। ननानाः कता बदीरे अबूरीग बिसवासी वगाबू पउलूस हों हाँय पवावनेना हना कनहून इया अपे लगाय ओजाःकेरा।