गलातिया 2:4 - Korwa Bible

⁴ अदोम होड़कू सनातायते बिसवासी होड़कू मेरकू दोहोगान अरू लबरा बराहीलकू इयाकू दोहोना। ईसू मसी अबूय अजइतगोतेडबुःआ, मनदो हना अजइत अते एहूदाकूराः खतनात नियमकून एचे मनावकेडबूखन बेगारी होड़कू बड़ाँवबू लगाकू चहाःआ।

गलातिया 2:4 ပူးပေါင်းရင်းမြစ်များ

लूका 5:38

हनालगा नँवा रस नँवा बगलीरे सोसोलोंग इदा।

मूक चेलाकू 15:1

अदोम एहूदाकू एहूदिया छतर अते अंतकियारेकू वेजेडा अरू बिसवासी होड़कूकू चेडा, अपे मोसेसराः नियम इया मेरपे खतनान दो, भगवान अपे ओरोय सडावतेडपेःआ, माःआन।

मूक चेलाकू 15:24

अले नाःआ इयाले अयूमकेरा, अले अते तोनोंग तोनोंग होड़कू अपे एचेरे सेनेकियानखन हँकूराः कताते अपेराः जीवकू एचे कुहकावगोतेरा अरू अपेराः जीवकू बहकावगोतेडा। मनदो अले हँकू एचेरे तोनोंग हातपात मेरले एमेवागाडकुःआ।

मूक चेलाकू 20:30

अपे अते तोनोंग तोनोंग होड़कू हों लबरा बड़रा कतावाडखन बिसवासी होड़कू अँकू सुदा बहकावगोडकूताकू।

रूमी 8:15

अपे सुद बिरुवापे पवावकियानते पोंकाहा बेगारी होड़कू इया दोहोन लगा कोवानेःआ, मनदो भगवान आँयगराः बिरुवाते अनँयग लइंकू इयाय समुटावकेडपेःआ। नाःआते अबू हाँय, ने अबबा, ने अपांग, माःआन चइड़ घड़ीनबू राःगेयता।

2 कुरिंती 11:13

नाःआ इयाकुःआ होड़कू लबरा बराहीलकू हवे अरू मसीरिकुःआ मूक चेलाकूराः भेसरे बोबोनाव बुता होड़कू इदानकुःआ।

2 कुरिंती 11:17

ईंगराः नाःआ भल-भलायगुः परबूराः हुकुम इया कोवानेःआ, मनदो ईंग मी होड़ बुयांग होड़ इयायिंग कतायतना।

2 कुरिंती 11:20

हँकू अपे बेगारी होड़कूकू बड़ाँवगोडपेता, अरूकू अडिग एंडागोडपेता, अरू अपे अते नफाकू उडुंगता, अरू अपे मड़ंगरे हँकू अँननकू मरंगकू बड़ाँःता, अरू अपेकू चपड़ता हों अपे हँकूपे सहावयाता।

2 कुरिंती 11:26

कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।

2 कुरिंती 3:17

परबू दो सुद बिरुवा हवे अरू सुद बिरुवा दोहोनता हंडा होड़कू अजइत जुवाःता।

गलातिया 1:7

सनातायरे, अरू एनेटाः दूर कोनोवानेःआ। मनदो तोनोंग तोनोंग होड़कू अपेराः ओंगोल बार जीव होयाः लगा अरू ईसू मसीराः नपाय सरवन अते अपे एटाः दूर अगी गोःपे लगाकू चहाःतना।

गलातिया 4:25

हजीरा अरब देसराः सीनाई पहाड़ इया इदानिया अरू हना पहाड़ चउंदीसराः एरुसलेम सहरते अउल-तउलतो इदा। अरू हँकुःआ एहूदाकू हों नियमकूनकू मनाः घड़ीन बेगारी होड़कू इया इदानकुःआ।

गलातिया 4:3

हनन इया अबू हों हँकुःआ लइंकू इया नाःआ चउंदीसराः रिता-रिता चेडतो इयाबू सलाःआ।

गलातिया 5:1

अबू अजइत जुवाः लगा ईसू मसी अबूय सडावकेडबुःआ। हनालगा अपे बड़ियाड़कियानखन नियमकूनराः आड़रे अहापे बहुरावगुः।

गलातिया 5:10

ईंग परबू एचेरे निठायिंग बिसवासबाःकेरा, अपे बेलूर चेडतो ओरोपे साबतेरा, माःआन। मनदो अपे जीवकू कता बंटागे हँकुःआ होड़कू, हँकू तोनोंयग दोहोन, भगवान डनंडियावकूता।

2 तिमुतियूस 3:6

हँकुःआ होड़कू अते अदोम होड़कू तोनोंगाः ओड़ाःरे बोनाव बोनावकू बोलो जुवाःता। हनते मुरुक कसूरते जंतावतोकू दोहोनता अरू अँनकूराः बेलूर ओंगोलरेकू रोयोँकूता हँकुःआ मेलंग मिचिंग अइमीकू एचेरे सेनेवाडखन अँननकूराः आड़रेकू दोहोगोडकूता।

एकूब 1:25

मनदो अजइतबूता हना उडु-बुडूत नियम ओंगोल बुझावगोड ञवनता, अरू अयूमकेडखन मेरकू लिड़िंगेता, अरू हनन इयाःकू सलाःता, हँकुःआ होड़कू भगवान भलायवाकूता।

1 पतरस 2:16

अपे अजइतयनापे। हनते हों अपे भगवानरिकुःआ सेवकिया होड़कू हवे। हनालगा अपे अजइतयनाले, माःआन ओंगोलकेडखन कसूर जीव जियाः लगा बुइद अहापे तुलाय।

2 पतरस 2:19

तोनोंगाः कसूरे कनासूरगोड ञवनता हाँयग होड़, हनानाः कसूरराः बेगारी होड़े बड़ाँव जुवाःता। अरू हँकू एटाःकू अजइतकू लगाकू जबानगेता, मनदो अँननकू हनानाः कसूरराः बोझारे इदानकुःआ।

1 एहुना 4:1

ने अजी बोपोहकूतिंग, नाःआ चउंदीसरे भगवानराः बड़रा लबराकेडखन कताय होड़कू मुरुक इदनकुःआ। हँकुःआ होड़कूराः कता अपे ओहेन अहापे बिसवासगे। मनदो अपे हँकुःआ होड़कू सतायते भगवानराः बड़राकू कतायता जा कोवान हना नपायते जासवाडखनपे बिसवासगे।

जूदा 1:4

सतायरे बिसवासी होड़कू ना लवे अरू डंडियावकू लगा मड़ंग वरीते भगवान एटाःकेडकुःआ, हँकुःआ तोनोंग तोनोंग होड़कू ओनोक दनंगते अपे सुदाकू मेसायना। हँकुःआ होड़कू भगवान मेरकू मनेवायता अरू भगवानराः मया हुडिंग ओंगोलवाडखन सनहा-सनहीकू एचेता अरू मिनीटोंग परबू भगवान इदानिया, अबूरीग परबू ईसू मसीकू आड-बेकारवायतना।