गलातिया 2:20 - Korwa Bible

²⁰ अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

गलातिया 2:20 ပူးပေါင်းရင်းမြစ်များ

मती ओजाःतेरा भगवानराः नपाय सरवन 20:28

मनुवारीग बेटा अनँयग एचे सेवान लगा मेरेय वेगगना। मनदो हाँय जमा होड़कूय सेवा लगा अरू अनँयग जीव एमे अटूकेडखन होड़कू सडावकू लगाय वेगकिया। हनन इया अपे हों एटाःकूपे सेवाकू।”

मती ओजाःतेरा भगवानराः नपाय सरवन 4:3

हनते कलउ वेगनेनखन हाँय एचेरेय कतातेड, “आम भगवानरीग बेटा हवे दो, नाःआ दिरिकून रुटी बड़ाँः लगाम हुकुमगोड।”

एहुना 1:49

नतनएल कतातेरा, “ने गुरुजी, आम भगवानरीग बेटा अरू इसराएल जइत होड़कूरीग राजा हवे।”

एहुना 10:11

नपाय सरवाहा ईंग हवे। नपाय सरवाहा आँयगरिकुःआ भेड़ाकू लगा गुजुः लगा हों सपड़ावतो दोहोनता।

एहुना 15:13

तोनोंगीग होड़ अनँयग सउंगताकू लगा जीवे एमे दो नाःआ अते मरंग दुलार तोनोंगीगराः कोवानेःआ।

एहुना 17:21

ने अपांग, आम ईंग सुदा मिनी इदानमेःआ अरू ईंग आम सुदा मिनी इदानिंगा, हनन इया हँकुःआ होड़कू हों जमाकू अँननकू अँकू मिनी जुवाः। नाःआते चउंदीसरिकुःआ होड़कू बिसवासगेता अनम ईंगमे वारकेरा।

एहुना 3:16

“भगवान चउंदीसरिकुःआ होड़कू सुदा मुरुक दुलारकेडखन अनँयगरीग मिनीटोंग बेटाते एमेगोतेड, जेमहा हाँय एचेरेकू बिसवासगे हँकुःआ होड़कू अहाकू लायगुः, मनदो ओरो टुटीगनेना हना जीवकू पवाः।

एहुना 3:35

अपांग भगवान अनँयग बेटाय अलार-दुलारता अरू जमा जिनिसकून हनाँय एचेरेय जिमाकेरा।

एहुना 6:57

जीयत इदानिया ईंग अपांग ईंगे वारकेरा अरू हाँय अते ईंग जीयत इदानिंगा। हनलगा ईंगे जोमता हाँयग होड़ ईंग अगीते जिनियतेय दोहोनता।

एहुना 6:69

अले आम एचेरे बिसवासकेडखनले सुदीगोतेडा भगवानरीग सुद होड़ अनम हवे, माःआन।”

मूक चेलाकू 8:36

दो हँकिन सेनेन सेन दूररे हना संडक कुटीरे दाः दोहोना। दो हाँयग मरंग हातपात होड़ कतातेरा, “ञेलमे नंडा दाः इदा। ईंग बतिसमा एमे अते तोनोंग टटी-बेड़ा इदा जा?”

मूक चेलाकू 9:20

हनते साहूल तोनोंग दिन दिमसकूसरिकुःआ चेलाकू सुदाय दोहोना।

रूमी 1:17

भगवानराः कागदरे ओजाःतो इदा, “भगवान बेगर गारबारीग होड़े बनाड़ाँवकिरिया, हाँयग होड़ बिसवासतेय जियावगोड ञवनता।” हनन इया नपाय सरवनरे बुँहड़ीन अते टुटीग वरीय बिनिसवासगोड ञवनता, हनाँयग होड़ भगवान बेगर गारबारीग होड़े बड़ाँवगेयता।

रूमी 14:7

अबू अते तोनोंगीग होड़ अनँयग लगा मेरेय जियाःता, सहे हाँय अनँयग लगा मेरेय गुजुःता।

रूमी 3:22

अरू ईसू मसी एचेरेकू बिसवासगेता हँकुःआ जमा होड़कू भगवान बेगर पाचपटीते आँयगराः ओंगोल इया बेगर गारबार होड़कूय बड़ाँवकूता।

रूमी 4:25

ईसू मसी अबूराः कसूर बदलारे गुजुः लगा अनँयग आँयग जिमायान अरू भगवान अबू एचे मनावबू लगा ईसू मसी गोएगतो होड़कू अतेय जियाव रेमकिडिया।

रूमी 5:2

अबू हाँय एचेरेबू बिसवासकेरा हना अते भगवान अबूय मयावातना, जेमहा अबू बड़ियाड़तेबू दोहो ञवन अरू भगवान सुदा मान मरजइतबू पवाः माःआन असरा घड़ीनबू भल-भलायवा।

रूमी 5:6

अबू अबड़बू दोनोहोन मेला, भगवान तोल दोहोतेरा हनानाः बेला, ईसू मसी अबूराः कसूर बदलारेय गोएगनेना।

रूमी 5:8

मनदो भगवान अनँयग दुलार नाःआ इयाय उदुःतेरा, अबू कनासूर कसूररेबू दोहोन मेला, मसी अबू लगाय गोएगनेना।

रूमी 6:13

अपेराः देह दगलीकून बेलूर ओंगोल इया कसूरगे लगा अहापे एमेय। अपे कसूरते गोएगतो इयापे दोहोना, मनदो नुँहू अपे नँवा जीवपे पवावकिया। हनालागा अपेराः देह दगलीकून नपाय बुता बुता लगा भगवान एचेरेपे जिमागोड।

रूमी 6:8

अबू ईसू मसी सुदाबू गोएगकियान दो अबू बिसवासगेतना, अबू हों हाँय सुदा जिनियतबू दोहोनता।

रूमी 8:10

नुँहू ईसू मसी अपे जीवरे इदानिया दो, अपेराः देह कसूर बदीरे गोएगतो इया इदा। मनदो भगवान अपे बेगर गारबार होड़कूय बड़ाँवकेडपे अते, अपेराः बिरुवा जिनियत इदा।

रूमी 8:37

मनदो नाःआ इयाःआ जमा कताकूनरे, अबूय दुलारकेरा हाँयग ईसू मसीते, अबू जिनितावबाः जुवाःता।

1 कुरिंती 6:17

मनदो परबू सुदाय जुटाःता हाँयग होड़राः बिरुवा, परबूराः बिरुवा सुदा मिनी जुवाःता।

2 कुरिंती 1:24

अपे बिसवासरे बड़ियाड़ इदानपेःआ। हनालगा अपेराः बिसवास बदीरे अपे एचेरे हातपातगे लगा मेरले चहाःतना। मनदो अपे बहालगुःता हनारे संघरावापे लगाले चहाःतना।

2 कुरिंती 10:3

अले चउंदीसरेले दोहोनतान हों चउंदीसरिकुःआ होड़कू इया मेरले कड़ीगता।

2 कुरिंती 11:10

मसीराः सताय कता इयायिंग कतायतना। हनालगा ईंग ननन इयायिंग भल-भलायगुःता हना कता बदीरे जमा अकाया देसरिकुःआ होड़कू अते तोनोंगीग ईंगराः आह ओरोकू रिपूट अवेतेरा।

2 कुरिंती 13:3

हनालगा ईंग कुदा वेग जुवाः दो, ओनोरोयिंग अड़ाःतेडकुःआ। मसी डंडियावपे लगा अबड़ कोवाया, मनदो हाँय अनँयगराः अगम जंगरते अपे एचेरे इदानिया।

2 कुरिंती 13:5

अपे बिसवासरे बड़ियाड़ इदानपेःआ जा कोवान, हना अँननपे अंदजावगुः अरूपे जासगुः। अपे मेरपे सुदीयतना जा मसी अपे जीवरे इदानिया माःआन? निही दो अपे हाँयरिकुःआ होड़कू कोवापेःआ।

2 कुरिंती 5:14

जे हों सकालाःले एचेयता हना अले मसीराः दुलारतेले एनेचेयता अरूले सुदीबाःगोडता, मसी जमाकू लगाय गोएगनेना, माःआन। हनालगा अबू जमाकू हाँय सुदाबू गोएगयना।

2 कुरिंती 5:15

अरू मसी जनामाकू लगाय गोएगनेना दो जीयत इदानकुःआ हँकुःआ होड़कू अँननकू लगा कोवान, मनदो भगवान गोएगतो अतेय जियाव रेमतिरिया हाँय लगा जियाः इदा।

2 कुरिंती 5:7

नुँहू अले ञेनेल मेड मेरले सलाःतना, मनदो अले बिनिसवासकेडखनले सलाःतना।

गलातिया 1:4

नाःआ बेलूर चउंदीसराः जंगरते अबू सडावबू लगा, ईसू मसी अबूरीग अपांग भगवानराः ओंगोल इया, अबूराः कसूर लगा अनँयग आँयग गुजुः लगाय जिमायान।

गलातिया 2:16

तोनोंगीग होड़ एहूदाकूराः नियमकून मनाः अते भगवान हाँय कसूर अते फड़ियावतो होड़ मेरेय बड़ाँवगेयता। मनदो हाँय ईसू मसी एचेरेय बिसवासगेता दो, हनानाः अते भगवान हाँय कसूरते फड़ियावतो होड़े बड़ाँवगेयता, माःआनले सुनुदीयतना। हनालगा अले एहूदाकू हों नियमकूनले मनाःता हना अते कोवान, मनदो ईसू मसी एचेरेले बिसवासगेता हना अते भगवान अले कसूर फड़ियावतो होड़कूय बड़ाँवकेडलेःआ।

गलातिया 3:11

भगवानराः कागदरे नाःआ इया हों ओजाःतो इदा, “भगवान बेगर गारबारीग होड़े बड़ाँवकिरिया हाँयग होड़, बिनिसवासतेय जियावगोड ञवनता।” हनालगा तोनोंगीग होड़ जमा नियमकून मनावकियानखन भगवान ओरोय ननाय अवेतिरिया।

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

गलातिया 6:14

मनदो ईंग तोनोंग इयायिंग भल-भलायगुः दो, ईसू मसीराः कुनुरूस बदीरे एकलायिंग भल-भलायगुःता। ईसू मसी कुरूसरेय गोएगनेना, हनालगा ईंग चउंदीसराः ओंगोलकून लगा गोएगतो इदानिंगा अरू चउंदीसराः ओंगोलकून ईंग जीवरे गोएगतो इदा।

इपीसी 3:17

अपेराः बिसवासते ईसू मसी अपेराः इंदरीरेय डेरान लगायिंग अरजीतना। जेर गहीर सेनेकियानखन सींग बड़ियाड़गेता अरू ओड़ाः खुंटा बड़ियाड़गेता, हनन इया अपेराः जीव अलार दुलारते बड़ियाड़ जुवाः लगा होयिंग अरजीतना।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

इपीसी 5:25

ने हेपेरेलकू, मसी अनँयग आँयगते गुजुः लगा जिमानेनखन कलसियाय अलार-दुलारकेरा, हनन इया अपे अँननपेरिकुःआ एपेराकूपे अलार-दुलार।

पिलिपी 1:21

दो ईंग जीयतिंग दोहोन दो मसी लगायिंग दोहोनता अरू ईंग गुजुः दो ईंग लगा अरू नफा होयाःता।

पिलिपी 4:13

ईसू मसी ईंगराः जीवे बड़ियाड़गेतान अते ईंग जमालेःआयिंग एचे अवेयता।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

1 तिसलूनिका 1:10

अरू गोएगतो अते भगवान जियाव रेमकिडिया आँयगरीग बेटात भगवानराः दरवाःआ हना डंडियाव अतेय सडावबूता हनाँयग ईसू सेरमो देस अतेय कुदा वेगता, हाँयकू टकागोड ञवनतना, माःआन।

1 तिसलूनिका 5:10

जेमहा अबू गोएग जुवाः सहे जीयतबू दोहोन, अबू सगर सइट हाँय सुदाबू दोनोहोन।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

इबरानी 8:3

जमा मूक पुजउरीकू दान अरू बलिदान देग लगा सुनावतोकू दोहोनता। हनालगा नाँयग मूक पुजउरी ईसू एचेरे हों दान अरू बलिदान एएमे लगा तोनोंगाः होनोयाः इदा।

1 पतरस 1:8

अपे नुँहू वरी ईसू मसी मेरपे ञेलगडिया। हनते हों अपे हाँयपे दुलारतना। अपे नुँहू हों हाँय मेरपे ञेलेयतना, हनते हों अपे हाँय एचेरेपे बिसवासगोड ञवनतना, अरू ओरोपे उदुः चबा अवेतेरा हना मुरुक बगरा बहालते इदानपेःआ।

1 एहुना 1:7

मनदो भगवान मरसल इदानिया अरू अबू मरसल इया नपायबू जियाःता दो, अबू अँननबू अबू मिनी इदानबुःआ अरू भगवानरीग बेटात ईसूराः बलंगीते अबूराः जीव अते जमा कसूरकूने बुहाल अमिंगगोडता।

1 एहुना 4:14

भगवान आँयगरीग बेटात चउंदीसरिकुःआ जमा होड़कू सडाव लगाय वारकिरिया। अले हाँय अँननले मेडतेले ञेलतिरिया अरू हिदइतले एएमेयतना।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।

उदुःतो कताकून 3:20

ञेलपे, ईंग अपेराः इंदरीराः दुवाररे चड़ाँकियानखनिंग टोकोःगोड ञवनता। तोनोंगीग ईंगराः अरो अयूमकेडखन दुवारे गीग, दो ईंग हाँय एचेरे बोलोकियानखन हाँय सुदालिंग जोम ञूयता।