गलातिया 2:18 - Korwa Bible

¹⁸ ईंग बिसवासते कसूर अते फड़ियावतो होड़िंग बड़ाँवनेना। अरू हना ईंग अड़ाःकेडखन अरू एहूदाकूराः नियम मनाः लगायिंग सेन दो उलात जोम होड़ इयायिंग बड़ाँःता अरू ईंग इनिंग कसूर होड़ इदानिंगा माःआनिंग उदुःबाःगुःतना।

गलातिया 2:18 ပူးပေါင်းရင်းမြစ်များ

रूमी 14:15

आम तोनोंगाः जिनिस जोम अते तोनोंगीग होड़राः बिसवास अबड़ जुवाःतान दो, आम हाँय मेरेम दुलारगेयता। ईसू मसी हाँयग होड़ लगा होंय गोएगनेना। हनालगा आम तोनोंगाः जिनिस जोम अते हाँयराः बिसवास अलोम लायगे।

रूमी 2:25

आम मी होड़ एहूदा होड़ मोसेसराः नियम इयाम सलाः दो, खतनाराः रिती-बिधीते आमके नफा इदा। मनदो आम नियम इया मेरेम सलाः दो, आम मेरेय खतनागना हनाँयग बेगर एहूदा होड़ अते नपाय कोनोवामेःआ।

रूमी 3:5

मनदो अदोम होड़कू कतायता, अलेराः कसूरते होड़कू सुदीगोडता भगवान तुमिन नपाय इदानिया, माःआन। दो नाःआ कता बदीरे चेले माःआनबू कताय? होड़कू अँनकूराः ओंगोल इयाकू कता अवेयता, हाँय अलेराः कसूर बदलारेय डंडियावले दो हाँयराः फड़ियाव सताय कोवानेःआ, माःआन। (ईंग होड़कूराः ओंगोल इयायिंग कतायतना।)

गलातिया 2:21

नियम मनावकेडखन कसूर अते फड़ियावतो होड़कूबू बनाड़ाँव अवेकुः दो, ईसू मसी अबू लगा गुनुजुः बेगर मतलोब होयाकुःआ। हनालगा भगवानराः मया सदाःआ हवे माःआन, मेरिंग ओंगलेतना।

गलातिया 5:11

ईंगरिकुःआ अजी बोपोहकूतिंग, नुँहू वरी होड़कू खतनान लगायिंग परसारगेता दो एहूदाकूराः संताव बे अहियावते ईंग चिला लगायिंग सहावकेःआ? ईंग ईसूराः कुरूस बदीरे परसारगे अते, होड़कू खतनान लगायिंग परसारगे दो एहूदाकू ईंग एचेरे तोनोंग इयाःआ गारबार ओरोकू ञाम अवेकेःआ।