गलातिया 2:14 - Korwa Bible

¹⁴ मनदो हँकूराः लूर-नेवन सताय नपाय सरवन इया मेरिंग ञेलगाड। दो ईंग जमाकू मड़ंगरे पतरस मंदराव घड़ीनिंग कतावातेरिया, “ने पतरस, आम एहूदा होड़ हवे, मनदो आम बेगर एहूदा होड़ इयाम जियाःतना। दो चिला लगा आम बेगर एहूदाकू, एहूदाकू इया जियाः लगाम रेनहाकूता?”

गलातिया 2:14 ပူးပေါင်းရင်းမြစ်များ

मूक चेलाकू 10:28

दो पतरस हँकू एचेरेय कतातेरा, “अपे नपायतेपे सुदीयतना अले एहूदाकू तोनोंगीग एटाः जइत सगा होड़ सुदा मेरले दोहोनता सहे हाँयग होड़राः ओड़ाःरे मेरले बोलता। मनदो ईंग तोनोंगीग होड़ सदाःआ अरू सुद कोवाया माःआन अलो कतावाय लगा भगवान ईंग एचेरेय एचे कताकेरा।

मूक चेलाकू 15:1

अदोम एहूदाकू एहूदिया छतर अते अंतकियारेकू वेजेडा अरू बिसवासी होड़कूकू चेडा, अपे मोसेसराः नियम इया मेरपे खतनान दो, भगवान अपे ओरोय सडावतेडपेःआ, माःआन।

मूक चेलाकू 15:24

अले नाःआ इयाले अयूमकेरा, अले अते तोनोंग तोनोंग होड़कू अपे एचेरे सेनेकियानखन हँकूराः कताते अपेराः जीवकू एचे कुहकावगोतेरा अरू अपेराः जीवकू बहकावगोतेडा। मनदो अले हँकू एचेरे तोनोंग हातपात मेरले एमेवागाडकुःआ।

मूक चेलाकू 15:5

दो मड़ंगरे फरीसी होड़कूरिकुःआ गउदारेकू दोहोना हँकुःआ बिसवासी होड़कू अते अदोम होड़कू कताया, बेगर एहूदाकू बिसवासरे वेग लगा इदान दो हँकू मड़ंगरे एचे खतनान लगा इदा अरू मोसेस एमेतेरा हना जमा नियमकून हँकू मनावगे लगा इदा, माःआन।

रूमी 14:14

परबू ईंगे एचे सुदीबाःगोतेरा, तोनोंगाः जिनिस अँनपनते बेलूर मेर होयाःता। मनदो तोनोंगीग ओंगलेता, नाःआ जिनिस बेलूर इदा, माःआन, दो हन हनाँय लगा बेनेलूर होयाःता।

गलातिया 1:18

पेय बरिस तयोमरे ईंग पतरस सुदा जुमाः लगा एरुसलेम सहरिंग सेनेडा अरू हाँय सुदा हंडा पंदरह दिनिंग दोहोना।

गलातिया 1:6

अपे ईसू मसीराः मयाते नपाय सरवनपे बिसवासगे लगा भगवान अपेय राःकेरा, अरू हना बिसवास अते अपे हनाली कुदाकियानखन एनेटाः एटाः दूरपे साबकेरा। हनालगा अपे बदीरे, ईंग मुरुकिंग बयावयना।

गलातिया 2:3

तितूस बेगर एहूदा होड़े दोहोना। हनते हों एरुसलेमरे ईंग सुदाय दोहोन मेला, हाँय खतनागेय लगा मेरकू रेनहागडीग।

गलातिया 2:5

अपे सनातायते नपाय सरवनपे सुदीगे लगाले चहाःतना। हनालगा अले हँकुःआ बराहीलकूराः कता गुनमिन बेला वरी हों मेरले मनावगान।

गलातिया 2:7

मनदो हँकुःआ होड़कू सुदीगोतेड, नपाय सरवन एहूदाकू एचेरे परसार उदुःगे लगा भगवान पतरसे वारकिरिया। हनन इया बेगर एहूदाकू एचेरे भगवान पउलूसे वारकिरिया, माःआन।

गलातिया 2:9

कलसियारिकुःआ अगुवा मूक होड़कू हवे माःआनकू कतावाकुःआ, हँकुःआ एकूब, पतरस अरू एहुना, भगवान ईंग लगाय एमेवाडिंगा हना जिमेवारीकू सुदीगोतेड। दो हँकू ईंग अरू बरनाबास, अबूरिकिनाः सेवा देंगवा होड़किन हवे, माःआनकू मनेवातेडलिंगा। नाःआते अलिंग बेगर एहूदाकू एचेरे अरू हँकू एहूदाकू एचेरे सेवाकू लगा मिनी राययानकू।

गलातिया 6:12

अपे खतनापे लगाकू रेनहापेता, हँकुःआ होड़कू एटाः होड़कू एचेरे अँननकू अँकू बदीरे ईंग मरंग इदानिंगा, माःआन उदुःगुः लगाकू चहाःतना। ईसू मसीराः कुरूसराः गुजुः एकलाते होड़कू सडाव जुवाःता, माःआन परसारगे अते एहूदाकू हँकूकू संतावकूता। हनालगा हँकू अपे खतनापे लगाकू रेनहापेता।

कुलूसी 1:5

दो भगवान अपे लगा सेरमो रइजरेय दोहोकेरा, हना नपाय जीव जहन लगापे असरागोड ञवनतना। नाःआ असरा बदीरे भगवानराः सताय नपाय सरवनतेपे अयूमकेरा।

1 तिमुतियूस 5:20

कसूरगेताय हाँयग मूक होड़ जमा होड़कू तलारे आम चड़ाँकियानखन डंटावगेयमे अरूम मंदरावगेय, जेमहा एटाः होड़कू कसूरगे लगाकू बोरो जुवाः।

इबरानी 12:13

अरू अपे सोएग दूररेपे सलाः, जेमहा लंगड़ा इया इदानकुःआ हँकुःआ होड़कू अलोकू अइठाः, मनदो नाय नपायकू होया जुवाः।

इबरानी 9:10

नाःआ जमा नियमकून जोम ञूय अरू एटाः एटाः रिती-बिधी इयाःआ बुहालगुःराः बदीरे एकला दोहोना। अरू नाःआ नियमकून, नाःआ अते तोनोंगाः नपाय इलम अरीन होयाः वरी लगा एकला दोहोना।