इपीसी 6:20 - Korwa Bible

²⁰ ईसू मसीराः सेवा लगाय वारकिरिंगा अरू ननानाः बदीरे ईंग तोलतो इदानिंगा। हनालगा करा इया बेगर बोरते नपाय सरवन ईंग कताय लगा इदा, हनन इया कता अवेय लगा होँपे अरजीगोड ञवन।

इपीसी 6:20 ပူးပေါင်းရင်းမြစ်များ

मूक चेलाकू 21:33

हाँयग हातपात होड़ वेगवाडखन पउलूसे साबतेरा अरू हाँय बारटोंग सिकिड़ीते तोलेय लगाय हुकुमतेरा। हनते हाँय होड़कू एचेरेय होंबोरतेरा, “नाँय इये हवे अरू नाँय चिलाय एचेकेरा?”

मूक चेलाकू 26:29

दो पउलूस कतातेरा, “हुडिंग सहे बगरा बेलाते आम एकला कोवान, मनदो ईंगराः बड़राकू अयूमता, हँकुःआ जमा होड़कू नाःआ सिकिड़ीकून अड़ाःकेडखन ईंग इयाकू होया जुवाः लगा ईंग भगवान एचेरेयिंग अरजीतना।”

मूक चेलाकू 28:20

हनालगा ईंग अपे सुदा जुमाः लगा अरू बुतुड़ु लगायिंग राःकेडपेःआ। इसराएल होड़कू मसी लगाकू असरागोड ञवनतना, अरू हाँय एचेरेयिंग बिसवासकेड अते नुँहू ईंग तोलतो इया इदानिंगा।”

मूक चेलाकू 28:31

हंडा हाँय एचेरेकू सेना, हँकुःआ होड़कूय नेत-नेवारा। हाँय मुरुक डीड़ अरू बेगर रोंकावते भगवानराः राइज बदीरे परसारगेःआ अरू परबू ईसू मसीराः कताय चेडकुःआ।

मूक चेलाकू 5:29

दो पतरस अरू एटाः मूक चेलाकू कतातेरा, “अले होड़कूराः कता मनाः अते बगरा भगवानराः कता मनाः लगा इदा।

2 कुरिंती 3:12

दो अले एचेरे नाःआ इयाःआ नाय नपाय असरा इदान अते डीड़कियानखनले कतायता।

2 कुरिंती 5:20

दो अले राजारिकुःआ बराहीलकू इया मसी बदीरेले कतायतना। भगवान अलेतेय असेयतान इयाय कतायतना, अरू मसी लगा अपेले असेतना, जेमहा भगवान सुदापे हेल-मेल जुवाः।

इपीसी 3:1

ईंग पउलूस, अपे बेगर एहूदाकू एचेरे ईसू मसी बदीरे परसारगे अते जेहेलरे सींगतो इदानिंगा।

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

इपीसी 6:19

ईंग भगवानराः नपाय सरवन कताय मेला, डीड़ते हना सरवनराः ओकोत कताकूनिंग कता अवे लगा, ईंग लगा होँपे अरजी।

पिलिपी 1:20

ईंगराः चहाः अरू असरा ननानाःरे टक-टक इदा, ईंग भगवान मड़ंगरे कहियो ओरोयिंग गियूनेना, मनदो ईंग ईसू मसीराः बदीरे डीड़कियानखनिंग जियाव अवेन, जेमहा ईंग गुजुः सहे जीयतिंग दोहोन, ईंगराः जीवते, ईसू मसीराः मान मरजइत नुँहू अरू मड़ंगरे हों होनोयागोड ञवन।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

कुलूसी 4:3

ईंग नपाय सरवन परसार बदीरे जेहेलरे इदानिंगा। हनालगा अले ईसू मसीराः ओकोत सरवन उदुःगे लगा भगवान अले बेलाय एमेवाले लगा,

कुलूसी 4:4

अरू अले उउदुः लगा इदा, हनन इया थित-थितारले उदुः अवेय लगा होँपे अरजीगोड ञवन।

1 तिसलूनिका 2:2

अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।

2 तिमुतियूस 1:16

उनेसिपुरुस कइन तुरहा ईंग जीवे कता बहालकेरा। ईंग जेहेलरेयिंग दोहोना हनारे हों हाँय ईंग बदीरे मेरेय गियूगान। हनालगा हाँय ओड़ाःरिकुःआ होड़कू भगवान सोगावाकू लगायिंग अरजीतना।

2 तिमुतियूस 2:9

अरू हनानाः सरवन लगा कटसिया सहाव घड़ीन ईंग जेहेलरे इदानिंगा। मनदो भगवानराः सरवन तोलतो कोवानेःआ।

पिलेमोन 1:10

ईंग बेटा इया इदानिया अरू ईंग अगीते जेनेहेलरे ईसू मसी एचेरेय बिसवासकेरा हाँयग उनेसिमूस संघरावाय लगा ईंग आम एचेरेयिंग असेयतना।

पिलेमोन 1:9

मनदो ईंग, सनायाड़ डोकरा पउलूस, नुँहू परसार बदीरे जेहेलरे इदानिंगा, आम एचेरे दुलार घड़ीन असे लगायिंग चाहाःतना।

1 एहुना 3:16

ईसू मसी अबू लगाय गोएगनेना अरू अबूय एचे उदुःवाडा करा इया होड़कू अलार-दुलाररे दोहोन इदा। हनन इया अबूरिकुःआ बिसवास वपक बोपोहकू लगा अबू हों अबूराः जीव एएमे इदा।

जूदा 1:3

ईंगरिकुःआ सउंगताकू, भगवान ईसू मसीते अबूय सडावकेरा हना बदीरे ओजाःगे लगा जमा बरानिंग कुरनिसतेरा। मनदो बिसवासी होड़कू एचेरे भगवान मिनी तुरहाय जिमावातेरा हना बिसवासपे संभाड़गे लगा जमा बरानाः कुरनिसगे लगा इदा। अरू नाःआ कता बदीरे अपे लगा ओजाःकेडखन अपे एचे कता बहालपे लगा नुँहूयिंग ओंगोल दोहोकेरा।