इपीसी 6:19 - Korwa Bible

¹⁹ ईंग भगवानराः नपाय सरवन कताय मेला, डीड़ते हना सरवनराः ओकोत कताकूनिंग कता अवे लगा, ईंग लगा होँपे अरजी।

इपीसी 6:19 ပူးပေါင်းရင်းမြစ်များ

मूक चेलाकू 13:46

दो पउलूस अरू बरनाबास डिनीड़ते हँकुःआ होड़कू एचेरेकिन कता कुदातेरा, “अलिंग अपे एहूदाकू एचेरे भगवानराः सरवन मड़ंगरे ककता दोहोना, मनदो अपे हना सरवनपे टड़ाव एंडाकेरा अरू नाःआते सुदीगोडतापे ओरो टुटीगनेना हना जीव लगा भगवान अपे मेरेय सुनावगाडपेःआ। नुँहू अलिंग बेगर एहूदाकू एचेरे भगवानराः नपाय सरवनलिंग कता उदुःता।

मूक चेलाकू 14:3

मनदो पउलूस अरू बरनाबास हंडा मुरुक दिन वरीकिन दोहोना अरू मुरुक डीड़ते भगवानराः मयाराः सरवनकिन कता उदुःतेरा। ईसू हँकिन मुरुक बयाव जुवाः इयाःआ बुताकून एचे लगाय संघरावाकिना अरू हनाते होड़कू सुदीगोतेड, नाःआ सरवन दो सनाताय हवे माःआन।

मूक चेलाकू 18:26

हाँय बेगर बोरते अरजी ओड़ाःरेय कतागोड ञवना। दो हाँयराः बदीरे पिरिसकी अरू अकिला अयूमतेरा दो हँकिन हाँय अँकिन ओड़ाःरेकिन राःतिरिया अरू भगवानराः दूर अनउर नपायतेकिन कता उदुःवातेडिया।

मूक चेलाकू 19:8

हनते पउलूस पेय महिना वरी हना सहररे एहूदाकूराः अरजी ओड़ाःरे घड़ी घड़ी सेनेडखन बेगर बोतोरतेय कताया अरू भगवानराः राइज बदीरेय कतागोड ञवना।

मूक चेलाकू 2:4

हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

मूक चेलाकू 28:31

हंडा हाँय एचेरेकू सेना, हँकुःआ होड़कूय नेत-नेवारा। हाँय मुरुक डीड़ अरू बेगर रोंकावते भगवानराः राइज बदीरे परसारगेःआ अरू परबू ईसू मसीराः कताय चेडकुःआ।

मूक चेलाकू 4:13

दो हँकुःआ होड़कू पतरस अरू एहुनाराः डीड़कू ञेलतेरा अरू मुरुककू बयावयान। हँकू सुदीबाःगोतेड, नँकिन नियम बदीरे अलीगवार इदानकिना अरू ईसू सुदाकिन दोहोना, माःआन।

मूक चेलाकू 4:29

दो परबू, नुँहू हँकूराः हुड़कावमे अयूम अरू अले आमरिकुःआ सेवकिया होड़कू, मुरुक डीड़ते आमराः सरवन कता उदुः लगाम संघरावाले।

मूक चेलाकू 4:31

हँकू अरजीतेड हना तयोमरे हँकुःआ होड़कू दोहोना हना ततेरराः ओत डोलावनेना। हनते हँकुःआ जमा होड़कूराः जीव भगवानराः सुद बिरुवाते पेरेगयान अरू भगवानराः सरवन होड़कू एचेरे डीड़तेकू कता उदुःतेरा।

मूक चेलाकू 9:27

दो बरनाबास साहूले संघरावातेरा अरू ईसूरिकुःआ मूक चेलाकू एचेरेय अगूतिरिया। हाँय हँकू एचेरेय कतातेरा, “नाँयग साहूल दूररे ईसूय ञेलतेरा अरू परबू नाँय सुदाय बड़रानेना। हना तयोमरे दिमसकूस सहररे बेगर बोतोरते होड़कू एचेरे ईसूराः बदीरेय परसार उदुःतेरा।”

मूक चेलाकू 9:29

उनानी भासीकू बड़राःआ हँकुःआ एहूदाकू सुदाय बड़राःआ अरूय अड़ा-चउकीयान। मनदो हँकुःआ होड़कू हाँयग साहूल ञेड एंडागेय लगाकू ओंगलेःआ।

रूमी 15:30

ने ईंगरिकुःआ अजी बोपोहकूतिंग, अपे परबू ईसू मसी एचेरेपे बिसवासगेतना अरू सुद बिरुवा अपे अलार-दुलार होड़ेंग लगा संघरावापेतना। हनालगा ईंग अपे एचेरे गोड़न पइयन घड़ीनिंग असेयतना, अपे ईंग लगा भगवान एचेरे मिनी जीवकियानखन ईंग सुदापे अरजी ञवन।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

1 कुरिंती 1:5

अपे ईसू मसी सुदापे मिनीयान अते भगवान अपेराः जीवे उडु-बुडूगोतेडा, जेमहा अपे नपायतेपे बुतुड़ु अवेन अरू जमा बरानाःपे बुझाव अवेन।

1 कुरिंती 2:7

मनदो अले, चउंदीस बुँहड़ीन अते मनाड़ंग अबूराः मान मरजइत होयाः लगा, भगवान ओंगोल दोहोकेरा हनानाः ओकोत कनहूनले परसार उदुःगेतना।

1 कुरिंती 4:1

ननन इया इदान दो अपे अलिंग ईसू मसीरिकिनाः सेवकियाकिन अरू भगवानराः ओकोत कनहून जिमात होड़किन इयापे ओंगोल दोहोलिंग।

2 कुरिंती 1:11

हना अते भगवान अलिंगे बनसावगोड ञवनता माःआनलिंग अनसराबाःगोड ञवनतना। दो मुरुक बगरा होड़कूराः अरजीतेलिंग पवावकिया हना दहिनते, अलिंग बदीरे मुरुक होड़कू भगवानकू धनियाबादगेयता।

2 कुरिंती 3:12

दो अले एचेरे नाःआ इयाःआ नाय नपाय असरा इदान अते डीड़कियानखनले कतायता।

2 कुरिंती 6:11

ने कुरिंती सहररिकुःआ वपक बोपोहकूतिंग, अले अपे एचेरे जमालेःआले कता उदुःकेरा अरू मिनी जीवतेले अलार-दुलारकेडपेःआ।

2 कुरिंती 7:4

ईंग मीटोंग ऊबमिनाः कता हों ईंग जीवरे दोहोकेडखन अपे एचेरे मेरिंग कता उदुःगेतना। ईंग अपे बदीरे भल-भलायतो इदानिंगा। अपे बदीरे ईंग अहाल-बहाल इदानिंगा अरू ईंगराः जमा कटसियारे ईंग मुरुक बनाहालते इदानिंगा।

2 कुरिंती 8:7

अपे बिसवासरे बड़ियाड़ इदानपेःआ, नपायतेपे बुतुड़ुता अरू कनहूनदारकू इदानपेःआ। अपे जमालेःआ लगा ओसताज इदानपेःआ अरू अले मुरुकपे दुलारलेता। नाःआ जमा कताकूनरे अपे उडु-बुडू इदानपेःआ। हनन इया अपे नाःआ बिहिरी उतरावगेराः बुतारे होँपे उडु-बुडू इदीन।

इपीसी 1:9

भगवान अनँयगराः ननपाय ओंगोल इया ईसू मसीते एचेय लगाय ओंगोल दोहोतेरा अनँयगराः ओकोत दोहोना हनानाः हिछा अबूय एचे सुदीकेडबुःआ।

इपीसी 3:9

जमाकूरीग तुलादार भगवान, मुरुक जूग वरीतेय ओको दोहोकेरा हना कता जमाकू एचेरे थित-थितार कता उदुःगे लगा हों ईंगे सुनावकेरा।

कुलूसी 2:2

हँकूराः जीव हड़ियाड़कियानखन अलार-दुलारते मिनी जुमूटगे लगायिंग चहाःतना, जेमहा भगवानराः ओकोत बुइद, ईसू मसी बदीरे, नपायते बुझावकियानखनकू सुनुदीबाःगे।

कुलूसी 4:3

ईंग नपाय सरवन परसार बदीरे जेहेलरे इदानिंगा। हनालगा अले ईसू मसीराः ओकोत सरवन उदुःगे लगा भगवान अले बेलाय एमेवाले लगा,

1 तिसलूनिका 2:2

अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।

1 तिसलूनिका 5:25

ने अजी बोपोहकूतिंग, अले लगा होँपे अरजीगोड ञवन।

2 तिसलूनिका 3:1

टुनुटीगरे ईंगरिकुःआ अजी-बोपोहकूतिंग, ईंग अपे एचेरे मीटोंग बड़रा अरूयिंग कतायतना। परबू ईसूराः नपाय सरवन अपे तलारे सेड़यावनेना। हनन इया परबूराः नपाय सरवन जमा ततेररे ओहेनले सेड़याव अवेय लगा अरू हना सरवन होड़कू मान मरजइतगे लगा अपे अरजीगोड ञवनपे।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

पिलेमोन 1:22

अरू मीटोंग बड़रा आम एचेरे ककाता इदा। आमराः ओड़ाःरे मी छिना ईंग लगाम जोः अमिंगका। ईंग असरातना, भगवान अपेराः अरजी अयूमवाडखन जेहेल अते एचे उडुंगकिडिंगखन आम एचेरेय सेने ओवायिंगता।

इबरानी 13:18

अले लगापे अरजीगोड ञवन। अले सुनुदीबाःगोतेरा, अलेराः ओंगोल सुद इदा अरू अले जमालेःआरे नपाय लूर नेवनते सलाः लगाले चहाःतना, माःआन।