इपीसी 6:1 - Korwa Bible

¹ ने लइंकू, अपे परबूरिकुःआ हवे। हनालगा अपेरिकुःआ एंगा-अपाकूराः कताकूनपे मनाःतान अते ननपायपे एचेयतना।

इपीसी 6:1 ပူးပေါင်းရင်းမြစ်များ

लूका 2:51

हना तयोमरे ईसू एंगात अपात सुदा नसरेतरेय कुदा सेनेडा। अरू हाँय हँकिनराः जमा कताय मनवेःआ। मरियम हना कता मेरेय लिड़िंगाड अरू अनँयग जीवरेय ओंगोल दोहोगोतेड।

रूमी 12:2

अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।

रूमी 16:2

हाँय ईंग लगा अरू मुरुक बगरा होड़कू लगा होंय संघरावातेडलेःआ। हनालगा हाँय अपे एचेरेय सेन मेला नपायतेपे नेत-नेवारगेय अरू अपे भगवानरिकुःआ सुद होड़कूपे मान मरजइतता हनन इया हाँय होँपे संघरावा।

रूमी 7:12

हनते हों हना नियमकून सुद इदा अरू हुकुमकून जमा नपाय, सताय अरू सुद इदा।

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

1 तिमुतियूस 5:4

मनदो तोनोंगीग रंडियाहीनरिकुःआ बेटा बिटीकू सहे कोपोड़ारकू इदान दो हँकू अँननकू ओड़ाःरिकुःआ होड़कू पला दरीकू लगा इदा। अरू एंगत अपात अरू जीयात-ततात अँकूकू पला दरीतेरा हनन इया हँकुःआ होड़कू भगवान सेवागेय लगाकू चिडुःता, जेमहा भगवान जुकूरकू बड़ाँव जुवाः।

1 पतरस 2:13

ईंगरिकुःआ सउंगताकू, अपे परबू लगा जमा हातपात होड़कूराः आड़रेपे दोहोन। मरंग राजा जमा होड़कू एचेरेय हातपातगेता। हनालगा अपे हाँयराः हुकुमपे मनाः।