इपीसी 5:25 - Korwa Bible

²⁵ ने हेपेरेलकू, मसी अनँयग आँयगते गुजुः लगा जिमानेनखन कलसियाय अलार-दुलारकेरा, हनन इया अपे अँननपेरिकुःआ एपेराकूपे अलार-दुलार।

इपीसी 5:25 ပူးပေါင်းရင်းမြစ်များ

मती ओजाःतेरा भगवानराः नपाय सरवन 20:28

मनुवारीग बेटा अनँयग एचे सेवान लगा मेरेय वेगगना। मनदो हाँय जमा होड़कूय सेवा लगा अरू अनँयग जीव एमे अटूकेडखन होड़कू सडावकू लगाय वेगकिया। हनन इया अपे हों एटाःकूपे सेवाकू।”

एहुना 6:51

सेरमो देस अते उतरावकिया, हना जीवराः रुटी इनिंग हवे। तोनोंगीग नाःआ रुटीय जोम दो, हाँय कहियो ओरोय गोएगनेना। अरू चउंदीसरिकुःआ होड़कू जियाः लगायिंग एमेयता, हना रुटी ईंगराः मास हवे।”

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

गलातिया 1:4

नाःआ बेलूर चउंदीसराः जंगरते अबू सडावबू लगा, ईसू मसी अबूरीग अपांग भगवानराः ओंगोल इया, अबूराः कसूर लगा अनँयग आँयग गुजुः लगाय जिमायान।

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

इपीसी 5:24

कलसिया मसीराः आड़रे दोहोनता, हनन इया अइमीकू हों जमा कताकूनरे, अँननकू अँकूरिकुःआ हेपेरेलकूराः आड़रे दोहोन लगा इदा।

इपीसी 5:28

ननन इया मरदकू हों अँननकूरिकुःआ एपेराकू, अँननकूराः देह इयाकू दुलारकू। अनँयग एराते दुलारता, हाँयग होड़ अनँयग आँयग दुलारगुःता।

इपीसी 5:33

ईंग अरूयिंग कतायतना, अपे जनामा मरदकू अँननपेरिकुःआ एपेराकू अँननपे इयापे अलार-दुलारकू अरू जनामा अइमीकू अँननपेरिकुःआ हेपेरेलकूपे मान मरजइत।

कुलूसी 3:19

ने मरदकू, अपे अँननपेरिकुःआ एपेराकूतापेपे अलार-दुलार अरू अपे हँकू सुदा एरंगाहा अलोपे दोहोन।

1 तिमुतियूस 2:6

जमा होड़कू कसूर अते सडावकू लगा हाँय किमइत एमेकेडखन कुरूसरे गुजुः लगा अनँयग आँयग जिमायान। नाःआ सरवन भगवान तोल दोहोतेरा हना बेला चउंदीसरिकुःआ होड़कू एचेरेय उदुःतेरा।

1 पतरस 3:7

ने हेपेरेलकू, अपे हों हनन इया अँननपेरिकुःआ एपेराकू मान मरजइतकूपे अरू अलार-दुलारकू घड़ीनपे तिहाकू। हँकू अपे अते अबड़ इदानकुःआ, मनदो हँकू हों बरोबइर अपे सुदा भगवान एमेकेरा हना नँवा जीवराः दहिन पवाः लगा इताडदारकू इदानकुःआ। नाःआ इयापे एचेय दो, अपे अरजी मेला तोनोंगाः टटी-बेड़ा अपे लगा ओरो होयानेना।

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।

उदुःतो कताकून 5:9

हनते हँकुःआ चूबीसगोटोंग जीव-जंतूकू अरू मी कुड़ी चइरगोटोंग मूक होड़कू, नाःआ नँवा सेरेंगकू सेरेंगा; “ने परबू, आमकू ञेड गोएगतेरा, अरू आमराः बलंगीते जमा देसरिकुःआ होड़कू, अरू एटाः एटाः भासीरिकुःआ होड़कू, अरू जमा जइत होड़कू अरू जमा खमदानरिकुःआ होड़कू, हँकुःआ जमा होड़कू भगवान लगाम सडावगोतेडकुःआ। हनालगा आम नाःआ कोंडोड़तो कागद अरू मोहर लड़ा जुकूर इदानमेःआ।