इपीसी 5:15 - Korwa Bible

¹⁵ अपे बोको होड़कू इया अहापे होयाः। मनदो कनहूनदारकू इया, जमा कताकून अउल-तउलकेडखनपे जियाः।

इपीसी 5:15 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:16

सवासितीपे दोहोना। रमू बुःआकूराः तलारे भेड़ाकू इयायिंग वारपेतना। हनालगा अपे बींगकू इया कनहूनदारकूपे दोहोन अरू पेरवाँकू इया बेगर गारबारतेपे दोहोन।

मती ओजाःतेरा भगवानराः नपाय सरवन 25:2

हँकू अते पाँचगोटोंग धंगड़ीकू तुंदड़ीकू दोहोना अरू पाँचगोटोंग धंगड़ीकू कनहूनदारकू दोहोना।

मती ओजाःतेरा भगवानराः नपाय सरवन 27:24

पिलातूस सुदीगोतेड, ईंग नाःआरे तोनोंगाः ओरोयिंग एचे अवेतेरा, अरू होड़कू तलारे हलो-गदउड़ी होयाःतना, माःआन। दो हाँय जमा होड़कू मड़ंगरे अनँयग तिःई अचंगनेनखने कताया, “नाँयग होड़ गुजुः दो, ईंगराः तोनोंग जिमा कोवानेःआ। जमा अँननपेराः हवे।”

मती ओजाःतेरा भगवानराः नपाय सरवन 27:4

“ईंग बेगर कसूर होड़ एचे साबतिरिगखनिंग कसूरकेरा।” मनदो हँकू कतातेड, “हनारे अले लगा तोनोंगाः मतलोब कोवानेःआ। हना दो अनम ञेल।”

मती ओजाःतेरा भगवानराः नपाय सरवन 8:4

हनते ईसू हाँय एचेरेय कताया, “नाःआ कता आम तोनोंगीग एचेरे अलोम बड़रा। मनदो आम पुजउरी एचेरे सेनेकियानखन एचे जासगुःमे, अरू आम सुद होयाः लगा मोसेस हुकुमकेरा, हना नियम इया बलिदानमे देगगे, जेमहा जमा होड़कू सुदीगोड, आम नपाययना, माःआन।”

लूका 24:25

दो ईसू हँकिन एचेरेय कताया, “ने बोको होड़किन, भगवानराः बड़रा कता होड़कू कताया हना जमा बड़रा अबा गते-गातबा बिसवासगेतना जा?

1 कुरिंती 14:20

ने ईंगरिकुःआ अजी बोपोहकूतिंग, अपे लइंकू इया अहापे ओंगले। मनदो अपे सयाँड़ होड़कू इयापे ओंगले अरू बती लइंकू इया सुझिया होड़कूपे बड़ाँः।

गलातिया 3:1

ने गलातियारिकुःआ होड़कू, अपे करा उड़ी नाःआ इयापे बोकोयना? ईसू मसी कुरूसरेय गोएगनेना माःआन अपे सनाताय सतायिंग उदुःवातेडपेःआ। दो अपे करा इया पती ञेडतो इयापे होयायना?

गलातिया 3:3

अपे नाःआ इया करा इयापे बोको-डोंडोयना? सुद बिरुवा अपे जीवरेय बुँहड़ीकेरा, हना बुता अपे अँननपेराः ओंगोलते पुरावगे लगापे कुरनिसगेतना जा?

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

इपीसी 5:33

ईंग अरूयिंग कतायतना, अपे जनामा मरदकू अँननपेरिकुःआ एपेराकू अँननपे इयापे अलार-दुलारकू अरू जनामा अइमीकू अँननपेरिकुःआ हेपेरेलकूपे मान मरजइत।

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

कुलूसी 1:9

ननानाः लगा अलिंग नाःआलिंग अयूमकेरा, हना दिन वरीते अपे लगा, भगवान एचेरे अरजीगे लगा मेरलिंग अड़ाःगरा। भगवानराः ओंगोल जमालेःआपे सुदीय लगा, सुद बिरुवाते अपे कनहूनदारकू अरू बुझावदारकू होयाः लगालिंग अरजीगोड ञवनतना,

कुलूसी 4:5

बेगर बिसवासी होड़कू सुदा नपाय ओंगोल बुझाः घड़ीन अपेराः लूर-नेवन होयाः लगा इदा। अरू जमा बेला हँकू लगा नपाय बुता एचेय लगा सपड़ावतोपे दोहोन।

1 तिसलूनिका 5:15

तोनोंगीग अपे सुदा बेलूरे एचेय दो, हान इया अपे बदला अहापे कुदागे। मनदो अपे जमा बेला बिसवासी होड़कू लगा अरू एटाः होड़कू नपाय एचेगोड ञवन लगा ओसताजपे दोहोन।

1 तिमुतियूस 6:9

गिरहत होयाः लगाकू ओंगलेता, हँकुःआ होड़कू एटाः एटाः इयाःआ ललचीराः कसूररेकू दाः जुवाःता अरू बेलूर बेलूर ओंगोल दूररेकू सलाव जुवाःता अरूकू लाय जुवाःता।

इबरानी 12:25

भगवान अपेय कता उदुःवाता हना कता नपायपे अयूम ठुड़ावगे। चउंदीसरे होड़कूय सेतावतेरा हाँयगराः कता मेरकू मनावगान, हँकुःआ होड़कू मेनेरकू बनसावगान। दो सेरमो देस अते अबूय सेतावतना हाँयराः कता मेरबू अयूम ठुड़ावगे दो, अबू बनसाव अवेनता जा?

एकूब 3:13

अपे अते कनहूनदार अरू सुदीगे इयायीग होड़ इये हवे? दो हँकुःआ होड़कू अँननकू अँकू हुडिंग ओंगोलकियानखन कनहून सुदा नपाय लूर-नेवनते जियाः लगा इदा।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

उदुःतो कताकून 19:10

हनते ईंग हाँय जाग लगा हाँयराः काट कुटीरेयिंग तबेरनेना। मनदो हाँय ईंग एचेरेय कतातेड, “नाःआ इया अलोम एचेय। आम अरू एटाः बिसवासी होड़कू इया, ईंग हों ईसूरीग सेवकिया हवे। आम इया ईंग हों ईसूराः हिदइतिंग उदुःता। अरू भगवानराः बड़रा कता होड़कू हों ईसूराः हिदइतकू उदुःता। हनालगा भनगवानमे जाग।”