इपीसी 4:15 - Korwa Bible

¹⁵ मनदो सताय कता इया जियाः घड़ीन अँननबू अबू अलार-दुलारकेडखन जमा बरानाःरे, कलसियाराः बोः, ईसू मसी इया, अबू हनारागोड ञवन लगा इदा।

इपीसी 4:15 ပူးပေါင်းရင်းမြစ်များ

एहुना 1:47

हना तयोमते ईसू नतनएल आँयग अगी वेगतो ञेलतिडिगखने हाँय बदीरेय कताया, “ञेलेयपे, नाँय सनातायते इसराएल होड़ हवे अरू नाँय मुरुक सुधिया होड़ इदानिया।”

रूमी 12:9

तोनोंगीग मेड अंजउड़ी अलोपे दुलारगेय; बेलूर कताकूनपे हिनइस-बिनइसवा अरू नपायपे एचेगोड ञवन।

1 कुरिंती 11:3

अपे नाःआ कतापे सुदीबाःगोड लगायिंग चहाःतना। मेमेडटोंग अइमीकूरीग मूक अँननकूरिकुःआ हेपेरेलकू हवे। अरू जमा मरदकूरीग मूक ईसू मसी हवे अरू ईसू मसीरीग मूक भगवान हवे।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

2 कुरिंती 8:8

ईंग अपे मेरिंग हुकुमवापेतना, मनदो एटाः कलसियारिकुःआ होड़कू बिहिरीकू एमे लगा ओसताज इदानकुःआ अरू हनानाः बिहिरी एमे बदीरे अपेराः दुलार सताय इदा जा कोवान हना अउल-तउलगे लगा नाःआ इयायिंग कतायतना।

इपीसी 1:22

हनाते भगवान जमाकून ईसू अतेय हुडिंगगोतेडा अरू कलसियाराः बोःए तुलाकिरिया।

इपीसी 1:4

अबू हाँय मड़ंगरे सुद अरू बेगर गारबारतेबू दोहोन लगा चउंदीसराः बुँहड़ीन अते मनाड़ंग ईसू मसीतेय सुनावकेडबुःआ।

इपीसी 2:21

जमाकू ईसू सुदा जोड़ावकियानखन भगवान लगा मीटोंग सुद ओड़ाःकू बड़ाँःतना।

इपीसी 4:25

अबू मिनी देहराः एटाः एटाः दगलीकून इदानबुःआ। हनालगा अबू लबरा बड़रा अड़ाःकेडखन अँननबू अबू सताय बड़राकून कता होड़ेंग लगा इदा।

इपीसी 5:23

मसी कलसियाराः बोः हवे, हनन इया मरद अइमीराः बोः हवे। कलसिया मसीराः देह हवे अरू हनाँय कलसियारीग सडावदार हवे।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 पतरस 2:2

बती लइंकू इया अपे हों सुद दूद इया इदा हना भगवानराः सरवन लगापे रोयोँन, जेमहा हना सरवनतेपे बड़ियाड़ इदीन अरू जमालेःआतेपे सडाव जुवाः।

2 पतरस 3:18

मनदो अबूरीग परबू अरू सडावदार ईसू मसी अपेय मयावागोड ञवन अरू हाँयराः कनहूनरेपे बडे इदीन। हाँय लगा नुँहू अते सगर सइट वरी मान मरजइत होनोयागोड ञवन। आमीन!

1 एहुना 3:18

ने ईंगरिकुःआ लइंकू इया होड़कू, अपे बनाड़रा बड़राते एकला अलोपे अलार-दुलारकू, मनदो एटाः होड़कू संघरावाकू घड़ीन सतायते अलार-दुलारकू लगा इदा।