इपीसी 1:19 - Korwa Bible

¹⁹ भगवान एचेरेकू बिसवासतेरा हँकुःआ होड़कूराः जीवरे हाँयराः तुमिन मरंग जंगर इदा, हना होँपे सुदी लगायिंग अरजीतना।

इपीसी 1:19 ပူးပေါင်းရင်းမြစ်များ

एहुना 3:6

चउंदीसरे मी होड़ अनँयग एंगात अपाततेय जनमाःता मनदो भगवानराः सुद बिरुवातेय जनमाःता हाँयग होड़ भगवानरीग होड़े बड़ाँःता।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

रूमी 1:16

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

2 कुरिंती 4:7

मनदो अले नाःआ मुरुक किमइतराः दहिन दोहोगेता हना हासराः बटुवा इया इदालेःआ। दो नाःआ अगामाः जंगर अले अगीते कोवान मनदो भगवान अगीतेले पवावकिया माःआन उदुःगेता।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

इपीसी 3:20

तुमिनबू असे अवेयता अरूबू ओंगोल अवेयता, हना अते मुरुक बगरा, अबू जीवरे अनँयगराः जंगरतेय एनेचे अवेयता,

इपीसी 3:7

भगवान अनँयग जंगरते ईंगे मयावारा अरू हना मयाते नपाय सरवन एटाःकू एचेरे कता उदुःगे लगा, ईंग हाँयरीग सेवकिया होड़िंग बड़ाँवयना।

इपीसी 6:10

दो ईंगरिकुःआ अजी बोपोहकूतिंग, टुटीगरे अपे एचेरेयिंग कतायतना, अपे परबूरे हाँयराः अगामाः जंगरते अपेराः जीव बड़ियाड़ इदीन।

पिलिपी 2:13

दो भगवान ननायगुःता हनन इयाबू जियाः लगा अबू जीवरे चहाः अरू जंगरे एमे हड़ाःवाबूता।

पिलिपी 3:21

दो ईसू मसी कुदा वेग मेला अबूराः अबड़ अरू गुजुः इयाःआ देह बदलाकेडखन आँयगराः देह इयाय अगम नपाये तुलागोडता। हाँयके जमा जिया-जउतकून एचेरे हातपात इदा अरू हाँय अनँयग जंगरते अबूराः देहे बदलावगोडता।

कुलूसी 1:29

ननानाः लगा ईसू मसी ईंगे एमेवारा हना जंगरते, मुरुक मिहनइत घड़ीनिंग सेवाकूतना।

कुलूसी 2:12

अरू अपे बतिसमापे गोःतेड मेला, अपे हों मसी सुदापे तीलयना। अरू भगवान अनँयग जंगरते, ईसू मसी गोएगतो होड़कू अतेय जियाव रेमतिरिया माःआनपे बिसवासगेतना। दो नँवा लूर-नेवनते, मसी सुदा अपे होँपे जियाव रेमकिया।

1 तिसलूनिका 1:5

ईसू मसीराः नपाय सरवन अले अते अँननलेराः आहराः बड़रा एकला मेरपे अयूमकेरा, मनदो हान सुद बिरुवाराः जंगरते अरू पका-निका बिसवासते दोहोना। अपे नाःआ होँपे सुदीयतना, अले अपे तलारेले दोहोन मेला अपेके नफा होयाः लगाले जियावनेना माःआन।

2 तिसलूनिका 1:11

दो भगवान अपेय राःकेडपेःआ हनानाः जीव जुकूरेय बड़ाँवगोडपे लगा अरू अनँयग जंगरतेय अपेराः बिसवासराः जमालेःआ नपाय बुता अरू हिछा एचे पुरावगे लगाले अरजीगोड ञवनतना,

एकूब 1:18

हाँय तुलाकेरा हना जमाकून अते अबू बिसवासी होड़कू हाँय एचेरे बुताराः मड़ंग बंटा इया होयाः लगा भगवान चहाःतना। हनालगा हाँय अनँयगराः सताय सरवनते अबू नँवाय तुलाकेडबुःआ।

1 पतरस 4:11

परसारताकुःआ होड़कू भनगवानराः सरवन पपरसार लगा इदा। एटाः होड़कूकू सेवाता हँकुःआ होड़कू, भगवानराः जंगरते सेवाकू लगा इदा, जेमहा नाःआ जमाकून अते ईसू मसीते भगवानराः मान मरजइत होयाः। हनाँय मान मरजइतगे इयायीग अरू सगर सइट वरी अगम जंगरदार इदानिया। आमीन!