इपीसी 1:13 - Korwa Bible

¹³ अपे सडावता हना नपाय सरवनराः सताय कता अपे हों अयूमकेडखनपे बिसवासकेरा अरू हनमेला भगवान जबानतेरा हाँयग सुद बिरुवा अपे जीवरे मीटोंग मोहोर इया लगावतेडखन ईसू मसीते आँयगरिकुःआ निकता होड़कूय बड़ाँवकेडपेःआ।

इपीसी 1:13 ပူးပေါင်းရင်းမြစ်များ

लूका 11:13

अपे कसूर होड़कू इदानपे हों अँनपे लइंकू लगा नपाय नपाय जिनिसकूनपे एमेयता। दो अपे अते अगम नपाय अपेरीग सेरमो देसरीग अपांग एचेरे सुद बिरुवापे असेय दो, अपे लगा चिला लगा मेरेय एमेकेःआ?”

लूका 24:49

ईंग अपांग जबानकेरा हाँयग सुद बिरुवायिंग वारेयता। अरू हाँय अते अपे सेरमो देसराः जंगर अरीनपे पवाः वरी ननानाः सहररेपे दोहो हताड़।”

एहुना 1:17

भगवानराः नियम मोसेसतेय एमेकेरा मनदो ईसू मसीते भगवान अबूय मयावारा अरू अनँयगराः सताय अबूय एचे उदुःवारा।

एहुना 14:26

मनदो भगवान ईंगराः ञावते संघरादार इदानिया हाँयग सुद बिरुवा अपे एचेरेय वारेयता। अरू हाँयग सुद बिरुवा जमा कताकूने चेडपेता अरू ईंग अपे एचेरेयिंग कता उदुःतेरा हना जमाकूने एचे उहियार अगूपेता।

एहुना 15:26

मनदो संघरादार, ईंग अपांग अगीते अपे एचेरेयिंग वारेयता, हाँय अपे एचेरेय वेग मेला ईंग बदीरेय कता उदुःगेता। हाँय भगवान अगीतेय वेगता हान सतायराः बिरुवा हवे।

एहुना 3:33

भगवानराः कताय मनाःता हाँयग होड़ भगवान सताये कतायता माःआने उदुःबाःकाता।

एहुना 6:27

लुलिग जुवाःता हना जोम जिनिसकून लगा एकला अहापे मिहनइतगे, मनदो ओरो लुलिगनेना अरू ओरो टुटीगनेना जीव एमेयता हना जोम जिनिसकून लगा होँपे मिहनइतगे। हना दो मनुवारीग बेटात अपे लगाय एमेवापेता। हना एमे लगा अपांग भगवान हनाँय एकला हातपाते ओवाडिया।”

मूक चेलाकू 1:4

मी दिन ईसू आँयग चेलाकू सुदा जोजोम मेला हँकू एचेरे नाःआ हुकुमे एमेतेरा, “एरुसलेम सहर अते अपे अहापे सेन। मनदो भगवान जबानकेरा हना पवाः लगा ननंडापे तंगीगोड ञवन। अरू नाःआ कता बदीरे ईंग अपे एचेरे मड़ंगरेयिंग कतातेरा।

मूक चेलाकू 13:26

ने ईंगरिकुःआ वपक बोपोहकूतिंग, इबराहीमरिकुःआ नइड़-बाँस होड़कू अरू भगवानपे मान मरजइतता हँकुःआ जमा बेगर एहूदाकू, सडावबू लगा अबू एचेरे नाःआ सरवन भगवान वारकेरा।

मूक चेलाकू 2:33

हाँय जमाकू अते मरंग तुलाकिडिगखन भगवान आँयग खउना तिःई गतरे हातपात सुदाय एचे दुड़ुःकिरिया। मड़ंगरे अपांग भगवान जबानतेरा हाँयग सुद बिरुवा भगवान अते ईसू पवावनेनखन अपे अयुमेतना अरूपे ञेलतना हना अले एचेरेय वारगोतेडा।

रूमी 1:16

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

रूमी 4:11

इबराहीम खतनानते मनाड़ंग भगवान एचेरेय बिसवासतेरा। हनालगा हाँय भगवानराः ओंगोलरे बेगर गारबार होड़े बड़ाँवनेना अरू अनँयगराः देहरे मीटोंग चिनहा इयाय खतनानेना। बेगर खतनाते हों भगवान एचेरेकू बिसवासकेडखन भगवानराः ओंगोलरे बेगर गारबार होड़कूकू बड़ाँःता हँकुःआ होड़कूरीग खुटिपरिया होड़ इबराहीम बड़ाँवकिया।

रूमी 6:17

अपे मड़ंगरे कनासूर कसूररेपे दोहोना। मनदो नुँहू अपेकू चेडतेरा हनन इया अपे मिनी जीवकियानखनपे मनाःतना। हनालगा ईंग भगवानिंग धनियाबादगेयतना।

2 कुरिंती 1:22

हाँय अबू अनँयगरिकुःआ हवे माःआन मीटोंग चिनहा इया अनँयगराः मोहोर लगावकेडखन अबूराः इंदरीरे सुद बिरुवा बयान इयाय एमेवाडबुःआ।

2 कुरिंती 6:7

अले भगवानराः जंगरते सताय कताले कता उदुःगेःआ अरू बेगर गारबारतेःआ जीव जियाः लगा बनर तिःईरे अवजारकून साबतोयीग होड़ इया इदानलेःआ।

गलातिया 3:14

ईसू मसी अबूय सडावकेड अते, भगवान इबराहीमराः जीव-जहने नपायतेरा। हनन इया हाँय बेगर एहूदाकूराः जीव-जहन होंय नपायकेरा, जेमहा भगवान जबानतेरा हाँयग सुद बिरुवा अबू बिसवासकेड अतेबू पवाः।

इपीसी 4:21

अपे हाँय बदीरेपे अयूमबाःकेरा अरू चेडदार होड़कू अपेकू चेडतेरा, हना कता ईसू मसीराः सनाताय चेडतो हवे।

इपीसी 4:30

सुद बिरुवाराः चिनहाते टुटीगगुःराः दिन भगवान अपे जमालेःआतेय सडावपेता। दो सुद बिरुवा अहापे एचे अदरुजीगे।

1 तिसलूनिका 2:13

अले अपे एचेरेले परसारतेरा हना नपाय सरवन होड़कूराः सरवन इया मेरपे ओंगोलगाड, मनदो भगवान कतातेरा हना सताय सरवन इयापे ओंगोलतेरा अरूपे मनाःआ। हननलगा अपे लगा अले भगवानले धनियाबादगोड ञवनतना अरू भगवानराः नाःआ सरवनरेकू बिसवासगेता अपेराः इंदरीरे बुतागोड ञवनता।

2 तिमुतियूस 2:15

तोनोंग कतारे गियुः मेर पराःता अरू भगवानराः सताय सरवन ननपायतेय चेडकूता भगवान जुकूरे दोहोनता हाँयग सेवकिया होड़ इया अनम आम जिमान लगा मिहनइत घड़ीनमे कुरनिसगे।

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

2 तिमुतियूस 3:15

लनँइग वरीते नपायतेम सुदी अगूयतना हना सरवन भगवानराः कागदरे ओजाःतो इदा। हनानाः सरवन ईसू मसी एचेरे बिसवासकेडखन सडाः लगा कनहून एमेवामता।

तितूस 2:11

भगवान जमा होड़कू सडावकू लगाय मयावातेडकुःआ। हनालगा नाःआ इयाम चेडगोड ञवन,

इबरानी 2:3

भगवान अबूय सडावता हना मुनुरुक मरंग सरवनबू आड-बेकारवा दो, करा इयाबू बनसाव अवेनता? नाःआ सडावराः सरवन मड़ंगरे परबू ईसू कतातेरा, अरू हाँय अतेकू अयूमतेरा हँकुःआ होड़कू हना सरवन सताय हवे माःआनकू पनकियाबाःगोतेरा।

एकूब 1:18

हाँय तुलाकेरा हना जमाकून अते अबू बिसवासी होड़कू हाँय एचेरे बुताराः मड़ंग बंटा इया होयाः लगा भगवान चहाःतना। हनालगा हाँय अनँयगराः सताय सरवनते अबू नँवाय तुलाकेडबुःआ।

एकूब 1:21

हनालगा अपेराः जमालेःआ लेटाव-पेटाव अरू बेलूर नेवन अपे जीव अतेपे चलाः एंडागोड अरू अँननपे अपे हुडिंग ओंगोलकियानखन भगवान अपे बनसाव लगा अपे जीवरे हुड़ू इयाय रोपाकेरा हना सरवनपे मनाः।

1 पतरस 2:10

“मड़ंगरे अपे हाँयरिकुःआ होड़कू मेरपे दोहोगान, मनदो नुँहू अपे हाँयरिकुःआ निकता होड़कूपे बड़ाँवयना; मड़ंगरे भगवान अपे मेरेय मयावागाडपे, मनदो नुँहू हाँय अपेय मयावारा।”

उदुःतो कताकून 7:2

हँकुःआ बराहीलकू ओत अरू समुंदर लायगे लगा हातपातकू पवावनेना। हनते अरू मीटोंग बराहील पुरुब अगीते सेरमो अगी सेनतो ईंग ञेलतिरिया। हाँय जीयत भगवानराः मोहरे साबकातेरा। हाँय ओत अरू समुंदर लायगे लगा हातपातकू पवावकिया हँकुःआ चइरगोटोंग बराहीलकू एचेरे मुरुक सटी खिररीनेनखने कतातेरा,