कुलूसी 4:17 - Korwa Bible

¹⁷ अरू अरकिपूस एचेरेपे कताय, “परबू आमे जिमावारा, हना सेवा एचे पुरावगे लगाम ओंगोल दोहोबाःका।”

कुलूसी 4:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:17

हनन इया बारटोंग सोनाराः रिचकी ढिबुवाय पवावनेना हाँयग होड़ हों सेनेडखन अरू बारटोंग सोनाराः रिचकी ढिबुवाय पुंजियावतेरा।

मूक चेलाकू 1:17

हाँय अले मूक चेलाकू अते मी होड़े दोहोना अरू अलेरीग सेवा देंगवा होड़े दोहोना।”

मूक चेलाकू 14:23

पउलूस अरू बरनाबास मेमेडटोंग कलसिया लगा अगुवा होड़कूकिन सुनावतेरा अरू उपास अरू अरजी घड़ीन हँकिन हँकुःआ होड़कू बिसवासतेरा हाँयग परबू एचेरेकिन जिमागोतेडकू।

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

इपीसी 4:11

दो मसी, कलसियारिकुःआ होड़कू सेवा लगाय एमेकेरा हना दहिनकून नाःआ इया इदा। तोनोंग तोनोंग होड़कू ईसूरिकुःआ मूक चेलाकू होयाः लगा, तोनोंग तोनोंग होड़कू भगवानराः बड़रा कता होड़कू होयाः लगा, तोनोंग तोनोंग होड़कू नपाय सरवन परसार उदुः होड़कू होयाः लगा, तोनोंग तोनोंग होड़कू कलसियारिकुःआ अगुवा होड़कू बड़ाँः लगा अरू तोनोंग तोनोंग होड़कू चेडदार होड़कू होयाः लगाय जिमाकेडकुःआ।

1 तिमुतियूस 4:14

भगवानराः बड़रा कता होड़कू कतातेरा हना कता अरू कलसियारिकुःआ अगुवा होड़कू आम बोःरेकू खेपातेड मेला भगवान दहिनवातेडमेःआ, हना दहिन अहम एरांगवा।

1 तिमुतियूस 4:16

आम सवासिती दोहोन घड़ीनमे जियाः अरू होड़कूम चेड। नान इयाम एचेय दो आम अरू आमराः बड़राकू अयुमेता हँकुःआ होड़कू हों आम सुदाकू बनसाव जुवाःता।

1 तिमुतियूस 4:6

नाःआ कताकून जमा बिसवासी होड़कूम चेडगोड ञवन दो, ईसू मसीरीग नपाय सेवकिया होड़मे बड़ाँःता। आम मनाः घड़ीन दरवामेःआ हना बिसवास अरू सताय सरवनराः कताकूनते आमराः पला दरी होनोयागोड ञवनता।

1 तिमुतियूस 6:20

ने तिमुतियूस, भगवान आम एचेरेय जिमाकेरा हना नपायतेम जतन हड़ाःगे। बेगर लूर बड़रा अरू कनहून माःआन लबरातेकू कतनता हना जमा कताकूनते तोनोरेम दोहोन।

2 तिमुतियूस 1:6

हनालगा ईंग आम बोःरे तिःई खेपाकेडखनिंग अरजी मेला भगवान दहिनवाडमेःआ हनाम वेर बडेगे लगा आमिंग एचे उहियारतना।

2 तिमुतियूस 2:2

मुरुक हिदइतदारकू तलारे ईंग अतेम अयूमकेरा हना सरवन बिसवासगेताकू हँकुःआ होड़कू एचेरेम जिमागे, जेमहा हँकू एटाः होड़कू हों नपायतेकू चेड अवेकू।

पिलेमोन 1:2

अबूरीग मेसेबू इया इदानिया हाँयग अपियालिंग सलामगेयतना। अलिंग सुदाय पपरसारतना हाँय अरकिपूस होंलिंग सलामतना। ने पिलेमोन, आम ओड़ाःरे संगइतीरेकू दुड़ुःता, हँकुःआ जमा बिसवासी होड़कू होंलिंग सलामतना।