कुलूसी 3:5 - Korwa Bible

⁵ चउंदीसराः बेनेलूराः नेवन इया अलोपे सलाः। बेलूर बुता, सनहा-सनही, अरू बेनेलूर ओंगोल, नाःआ जमाकून अपेराः जीव अते हिर-हिटीपे अनाड़ाः एंडागोड। लुभिया ओंगोल मुरती सेवा इया इदा। हनालगा अपे लुभिया होड़कू अहापे होयाः।

कुलूसी 3:5 ပူးပေါင်းရင်းမြစ်များ

मती ओजाःतेरा भगवानराः नपाय सरवन 15:19

मी होड़ होड़राः इनिंदरीते बेलूर ओंगोल, ञेड गोजेय, सनहा-सनही, जपाल होड़ेंग, इनिग, लबरा हिदइत अरू ओपता बड़रा इयाःआ बेलूर कताकून उडुंगगुःता।

रूमी 1:26

दो भगवान हँकुःआ होड़कू अँकूराः एरंगाः ओंगोल इया एचे लगाय अड़ाः एंडागोतेडकुःआ। अँकूरिकुःआ अइमीकू हों नपाय लूर-नेवन अड़ाःकेडखन, अनइमी अइमीकू गेतेग जुमाःआ।

रूमी 1:29

हँकूराः जीव जमा बरानाः कसूरते, बेलूरते, लुभियाते, टेनसाहाते, इराते, कड़ीगते, ञेड एंडाते, चुबली होड़ेंगते, बेलूर लूर-नेवनते अरू ओपता बड़राते पेरेगतो इदा।

रूमी 6:13

अपेराः देह दगलीकून बेलूर ओंगोल इया कसूरगे लगा अहापे एमेय। अपे कसूरते गोएगतो इयापे दोहोना, मनदो नुँहू अपे नँवा जीवपे पवावकिया। हनालागा अपेराः देह दगलीकून नपाय बुता बुता लगा भगवान एचेरेपे जिमागोड।

रूमी 6:6

अबू मीटोंग कताबू सुसुदीतना, अबूराः जुना जीव ईसू सुदा कुरूसरे ठोंकाव गोएगतो इदा, जेमहा अबूराः कसूर जीव टुटीग जुवाः अरू अबू कसूरराः बोझारे कहियो अलोबू पराः।

रूमी 7:23

मनदो ईंग जीवरे एनेटाः इयाःआ लूर-नेवन इदा, अरू हना भगवानराः नियम अते एटाः इया इदा। हनानाः लूर-नेवनते ईंग जीव बार बंटाकियानखन, ईंग कसूरराः बेगारी होड़ इयायिंग कनासूरगोड ञवनता।

रूमी 7:5

मड़ंगरे अबू कसूर लूर-नेवनतेबू जियाःआ। नियम अहाबू एचे लगा उदुःवाबुःआ, हनानाः एचेगोड ञवन लगाबू चहाःआ। नाःआ अते अबू अरू बगराबू कसूरतेडखन गुजुःबू पवाःता।

रूमी 8:13

अपे हनन इयापे सलाः दो गोएग एंडा जुवाःतापे। मनदो अपे सुद बिरुवाराः जंगरते कसूर लूर-नेवनाः ओंगोलकूनपे अड़ाः एंडागोड दो, अपे जिनियावगोड ञवनता।

1 कुरिंती 5:1

अपे तलारे तोनोंग तोनोंग होड़कू सनहा-सनहीकू एचेयतना माःआन सनातायतेयिंग अअयूमतना। अरू नाःआ इयाःआ बुता बेगर बिसवासी होड़कू हों मेरकू एचेयता। मी होड़ अनँयग हुडिंगीग एंगात सुदाय गेतेगतना।

1 कुरिंती 6:11

अपे अते अदोम होड़कू हनन इयाकुःआ होड़कू दोहोना। मनदो परबू ईसू मसी अपे सडावकेडपे अते अरू भगवानराः सुद बिरुवाराः जंगरते भगवान अपेराः कसूरे बुहाल एंडागोतेरा, अरूय सुदकेडपेःआ अरू आँयग ओंगोलरे बेगर गारबार होड़कूय बड़ाँवगोतेडपेःआ।

1 कुरिंती 6:13

अरू तोनोंगीग कतायता, जोम-ञूय जिनिस दोंगे लगा अरू दोंगे जोम-ञूय जिनिस लगा इदा। मनदो ईंग कतायता, भगवान बनरे लाय एंडागोडता। अरू अबूराः देह दगलीकून सनहा-सनही एचेय लगा कोवानेःआ। अबूराः देह दगलीकून परबूराः हवे। हनालगा अबूराः देह दगलीकून परबू सेवा लगा उपयोतगे लगा इदा अरू हनाँय हवे अबूरीग मालिक।

1 कुरिंती 6:18

अपे सनहा-सनही बुताकून अनाड़ाः एंडाबाःगोडपे। नाःआ कसूर अड़ाःकेडखन जमा बरानाः कसूरकून देह दगलीराः बहरी दोहोनता। मनदो तोनोंगीग सनहा-सनहीकूने एचेयतान दो हाँय कसूरकेडखन अनँयग देहे आडगोडता।

2 कुरिंती 12:21

ईंग बोरतना, अपे एचेरे अरूयिंग सेन दो होयाःकून करे अपे मड़ंगरे भगवान ईंगे एचे गियूगोडिंग। अपे अते मुरुक होड़कू मड़ंगरेकू एचेया हना सनहा-सनही, लमचोर-लिमचोर अरू बेलूर बुताकून अड़ाःकेडखन भगवान अगी जीव मेरकू कुदागरा। अरू हँकुःआ होड़कू हनानाः बुताकून एचे घड़ीनकू जियाःतना। दो ईंग हँकुःआ होड़कू लगा मुरुक फिकिराः पराःता करे?

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

इपीसी 4:19

हँकू बेगर गियुःते बेलूर ओंगोलरे तीलकियानखन बेलूर बेलूर बुताकून बेगर रोंकावतेकू एचेगोड ञवनता।

कुलूसी 2:11

अपे मसी सुदापे मिनीयना, दो हाँय अपेराः बेनेलूराः नेवन चलाः एंडाकेडखने खतनाकेडपेःआ। नाःआ तोनोंगीग होड़ मेरकू एचेगरा, मनदो मनासी हमा एचेकेरा।

1 तिसलूनिका 4:3

अपे सुदपे बड़ाँः लगा भगवान चहाःतना। हनालगा अपे सनहा-सनहीते तोरेपे दोहोन।

1 तिसलूनिका 4:5

अरू भगवान मेरकू सुदीयतना अरू मुहावकियानखन बेलूर ओंगोलरेकू दोहोनता हँकुःआ होड़कू इया अपे अहापे होयाः।

1 तिमुतियूस 6:10

ढिबुवाराः ललचीरेय दोहोनता हाँयग होड़, जमा इयाःआ बेलूर बुताकूने एचेगोड ञवनता। नाःआ अते मुरुक होड़कू बिसवासकू अड़ाःगोतेडा अरू हँकूराः जीवरे एटाः एटाः इयाःआ सिकिसता होयायना।

इबरानी 12:16

अपे अते तोनोंगीग सनहा-सनही होड़कू सहे एसाव इया गारबार होड़कू अलोपे होयाः। दो मरंग बेटाकू पवाःता हना हातपात एसाव मी जुवारराः जोम जिनिस लगाय अकरिंग एंडागोतेड।

इबरानी 13:4

सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।

इबरानी 13:5

ढिबुवाराः ललचीरे अलोपे दोहोन अरू अपे एचेरे जेमिन इदा हनानाःतेपे संतोकगे। भगवान कताकेरा, “ईंग आम कहियो ओरोयिंग अड़ाःतेडमेःआ, अरू कहियो ओरोयिंग लिड़िंगतेडमेःआ।”

एकूब 4:1

चिला लगा अपे तलारे कड़ीग अरू बेलूर कता होड़ेंग होयाःता? अपेराः जीवरे इदा हना बेलूर बेलूर ओंगोलते अपे जमा इयाःआ कसूरपे एचेयता।

1 पतरस 2:11

ने ईंगरिकुःआ सउंगताकू, अपे नाःआ चउंदीसरे दुरीन देसरिकुःआ होड़कू इयापे दोहोनतना। हनालगा अपे एचे कसूरगे लगा लहरावपेता हना बेलूर ललची ओंगोलकून अड़ाः एंडाय लगा गोड़न-पइयनकेडपेखनिंग असेयतना।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।