कुलूसी 3:23 - Korwa Bible

²³ तोनोंग बुताकूनपे बुता दो अपे, अले होड़कू लगाले बुतातना, माःआन अलोपे ओंगले। मनदो अले परबू लगाले बुतातना, माःआन ओंगोलकेडखन अनंगेर अंगेरतेपे बुता।

कुलूसी 3:23 ပူးပေါင်းရင်းမြစ်များ

मती ओजाःतेरा भगवानराः नपाय सरवन 6:16

अपे उपासपे दोहोन मेला, पचघुचिया होड़कू इया अपेराः सुरइत अलोपे उतरावगे। अले उपासरे इदानलेःआ, माःआन होड़कू एचे उदुःवा लगा अँनकूराः सुरइतकू उतरावगोडता। अपे ईंगपे अयूम! हँकू हनाराः जमा इमानकू पवावयना।

रूमी 14:6

अरू तोनोंगीग तोनोंगाः मी दिन परबू जाग लगाय मनाःता दो, हन हाँय परबू मान मरजइतगे लगाय एचेयता। तोनोंगाः जिनिसे जोमता हाँयग होड़, भगवान जाग घड़ीन परबू मान मरजइतगे लगाय जोमता। अरू तोनोंगाः जोम जिनिस मेरेय जोमता हाँयग होड़, भगवान जाग घड़ीन परबू मान मरजइतगे लगा मेरेय जोमता।

रूमी 14:8

अबू जमाकू परबूरिकुःआ होड़कू हवे। हनालगा अबू जीयतबू दोहोन, दो परबू लगाबू जियाःता अरूबू गोएग जुवाः दो, परबू लगाबू गुजुःता।

इपीसी 5:22

ने अइमीकू, अपे परबू ईसू मसीराः आड़रेपे दोहोनता हनन इया, अपे अँननपेरिकुःआ हेपेरेलकूराः आड़रेपे दोहोन।

कुलूसी 3:17

अपे तोनोंगाः बुतापे बुता सहे तोनोंगाः कतापे बड़रा हना जमाकून ईसू मसी लगापे एचेय, अरू हाँयते अपांग भगवानपे जागगोड ञवन।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 पतरस 2:13

ईंगरिकुःआ सउंगताकू, अपे परबू लगा जमा हातपात होड़कूराः आड़रेपे दोहोन। मरंग राजा जमा होड़कू एचेरेय हातपातगेता। हनालगा अपे हाँयराः हुकुमपे मनाः।

1 पतरस 2:15

भगवान चहाःतना, अपे नपाय बुतापे एचेगोड ञवन दो, बेगर लूरतेकू बड़राता हँकुःआ बोको होड़कूराः आह रिपूट जुवाःता।