कुलूसी 3:11 - Korwa Bible

¹¹ नाःआ नँवा जीवरे तोनोंग इयाःआ हिगार हटिंग कोवानेःआ। खतनाकू एचेयता हँकुःआ एहूदाकू, सहे मेरकू खतनानता हँकुःआ बेगर एहूदाकू सहे जोडेकू सहे अलीगवारकू, सेवकियाकू सहे मालिककू, अबू तोनोंगीग एटाः कोवाबुःआ। मनदो मसी एकला मनारंग इदानिया अरू हनाँय अबू जमाकूराः जीवरे इदानिया।

कुलूसी 3:11 ပူးပေါင်းရင်းမြစ်များ

एहुना 14:23

दो ईसू कतातेड, “अपे तोनोंगीग ईंगपे अलार-दुलार दो, हाँय ईंगराः सरवने मनेवाता। ईंग अपांग हाँये अलार-दुलारता अरू अलिंग हाँय एचेरे सेनेकियनखन हाँय सुदालिंग दोहोनता।

एहुना 15:5

ईंग अंगूर दूब हवे अरू अपे नइड़तो हवे। ईंग हाँय सुदा अरू हाँय ईंग सुदा मिनीय दोहोनता दो, हाँय मुरुक नपाय बुताय बुता अवेता। मनदो ईंग अड़ाःकेडखन हाँय कहिसाः नपाय बुता ओरोय एचे अवेतेरा।

एहुना 17:23

आम ईंग सुदा मिनी इदानमेःआ अरू ईंग हँकू सुदा मिनी इदानिंगा, जेमहा हँकू जमालेःआतेकू मिनी जुवाः। हनाते चउंदीसरिकुःआ होड़कू सुदीयता अनम ईंगमे वारकेरा अरू आम ईंगमे दुलारकेरा हनन इया हँकू होंम दुलारकूतना।

मूक चेलाकू 15:17

नाःआते एटाः जइत होड़कू हों ईंगकू ञामता, अरू ईंगराः ञावकू सुदीयता हँकुःआ बेगर एहूदाकू होंकू ञामिंगता।

मूक चेलाकू 28:2

हंडाकुःआ होड़कू अले सुदा अले मेरले ओंगोलगाड हना इया नपायतेकू मयावातेडलेःआ। हनमेला मुरुक ररंग दोहोना अरू दाः उयुःआ। हनालगा हँकू सेंगेलकू जगारतेडखन अले जमाकूकू नेत-नेवारतेरा।

मूक चेलाकू 28:4

हंडाकुःआ होड़कू बींग पउलूसराः तिःईरे वकातोकू ञेलतिरिया दो अँननकू अँकू कता होड़ेंगा, “नाँयग होड़ दो ञेड एएंडा होड़ हवे। नाँय समुंदर अते बनसाव उडुंगकियान अते हों फड़ियावदार देबी जीयत ओरोय दोहो ओवातिरिया।”

रूमी 1:14

उनानी भासीकू बड़राता हँकुःआ होड़कू अरू एटाः एटाः भासीकू बड़राता हँकुःआ होड़कू, कनहूनदारकू अरू अलीगवारकू, हँकू जमाकू एचेरे नपाय सरवन उउदुःवाकू लगा इदा।

रूमी 10:12

भगवानराः ओंगोलरे एहूदाकू अरू बेगर एहूदाकू जमाकू मिनी इदानकुःआ, अरू तोनोंगीग एटाः कोवाकुःआ। जमाकू लगा मिनीटोंग परबू इदानिया अरू हाँय एचेरेकू अरजीता, हँकुःआ होड़कू मिनी जीवकियानखने सडावकूता।

रूमी 3:22

अरू ईसू मसी एचेरेकू बिसवासगेता हँकुःआ जमा होड़कू भगवान बेगर पाचपटीते आँयगराः ओंगोल इया बेगर गारबार होड़कूय बड़ाँवकूता।

रूमी 3:29

भगवान एकला एहूदाकूरीग भगवान हवे जा? अरू बेगर एहूदाकूरीग भगवान ना लवे जा? हाव, हाँय जनामा होड़कूरीग भगवान हवे।

1 कुरिंती 12:13

अबू अते तोनोंग तोनोंग होड़कू एहूदाकू हवे अरू तोनोंग तोनोंग होड़कू बेगर एहूदाकू हवे। अबू अते तोनोंग तोनोंग होड़कू बेगारी होड़कू इदानकुःआ अरू तोनोंग तोनोंग होड़कू बेगारी होड़कू कोवाकुःआ। मनदो भगवान सुद बिरुवाते अबू जमाकू बतिसमाय एमेवाडबुःआ अरू मसीराः देहराः एटाः एटाः दगलीकूने बड़ाँवकेडबुःआ। नुँहू भगवान अबू जमाकू जीवरे हनानाः बिरुवाय एमेकेरा।

1 कुरिंती 14:11

हनालगा ईंग तोनोंगीगराः भासी मेरिंग बुझाः दो ईंग हाँय लगा अनबुझ होड़ इदानिंगा, अरू ईंग लगा हों हाँय अनबुझ होड़े होया जुवाःता।

1 कुरिंती 7:19

खतनान सहे मेरेय खतनान, बनरते तोनोंगाः मतलोब कोवानेःआ। मनदो भगवानराः हुकुम मनानाः मइद हवे।

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

इपीसी 1:23

दो कलसिया मसीराः देह हवे अरू कलसिया हाँयराः जीवते पेरेगतो इदा। अरू हाँय अनँयग आँयगते जमाकून जमा इयाय एचे पुरावगोडता।

इपीसी 2:14

एहूदाकू अरू बेगर एहूदाकू तलारे भीट इया दोहोना हना हिगार हटिंगतो, भगवान रूब एंडागोतेडा अरू बनर गउदारिकुःआ होड़कूय एचे सलसतगोतेडकुःआ।

इपीसी 2:15

ईसू अनँयग गुजुःते एहूदाकूराः नियमकून, रिती-बिधी अरू हुकुमकून सुदाय चलाः एंडागोतेडा, जेमहा हाँय बनर गतररिकुःआ होड़कूय एचे राजू नमागोडकू अरू मिनी देह इया सलसतरेय एचे जुमावगोडकू।

इपीसी 3:17

अपेराः बिसवासते ईसू मसी अपेराः इंदरीरेय डेरान लगायिंग अरजीतना। जेर गहीर सेनेकियानखन सींग बड़ियाड़गेता अरू ओड़ाः खुंटा बड़ियाड़गेता, हनन इया अपेराः जीव अलार दुलारते बड़ियाड़ जुवाः लगा होयिंग अरजीतना।

इपीसी 3:6

ओकोत कता ननानाः हवे, ईसू मसीराः नपाय सरवनते अपे बेगर एहूदाकू, एहूदाकू सुदा इताडदारपे बड़ाँवयना अरू मिनीटोंग देहराः दगलीकूनपे बड़ाँवयना अरू ईसू मसीतेकू पवाःता हना जबान अपे होँपे पवावयना।

इपीसी 6:8

अपे नाःआ कता उहियारबाःकापे, सेवकियाकू सहे मालिककू दोहोन, नपाय बुताकू बुताता हँकुःआ जमा होड़कू लगा अँनकूराः बुता इया, परबू इमाने एमेवाकूता।

कुलूसी 2:10

जमा इयाःआ हातपातदारकू अरू राइजगेताकू अते हनाँय मूक हवे। अरू अपे हाँय सुदापे मिनीयान दो, अपे हों उडु-बुडू जीवपे पवावकिया।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

2 एहुना 1:9

ईसू मसी चेडतिरिया हना सरवन बदलाकेडखन एटाः इयाय चेडकूता अरू सताय सरवन इया मेरेय सलाःता हाँयग होड़ भगवान सुदा अनसिनहारे दोहोनता। मनदो ईसू मसीराः सताय सरवन इयाय सलाःतना हाँयग होड़ भगवान अरू ईसू मसीरीग होड़े दोहोनता।