कुलूसी 2:1 - Korwa Bible

¹ ईंग अपे लगा, अरू लउदिकियारे इदानकुःआ हँकुःआ होड़कू लगा मुरुकिंग मिहिनइतगेतना। अरू ईंग सुदा नुँहू वरी मेरकू जुमावगना, हँकुःआ होड़कू लगा हों ईंग मुरुकिंग मिहिनइतगेतना। नाःआ कता अपे सुदीगे लगा ईंग चहाःतना।

कुलूसी 2:1 ပူးပေါင်းရင်းမြစ်များ

लूका 22:44

ईसूराः जीव अगम सिकिसतारे परावनेना अरू हाँय कुहकाः घड़ीने अरजीःआ। अरू हाँयराः उगार दाः, बडे बडे बलंगी इया उडुंगगुः घड़ीन जोरोःआ।

मूक चेलाकू 20:25

नुँहू ईंग सुदीयतना ईंग भगवानराः राइज बदीरे अपे एचेरेयिंग परसार उदुःतेरा अपे अते तोनोंगीग होड़, ईंग अनउर ओरोपे ञेल अवेतिरिंगा।

मूक चेलाकू 20:38

पउलूस मड़ंग हँकू एचेरेय कतातेरा, अपे ईंग अरू ओरोपे ञेल अवेतिरिंगा, माःआन। हना कता अयूमतेडखन हँकूराः जीव मुरुक हुडिंगयान। हनते हाँय जहाज वरी नपायतेकू पइड़घाव इदी अटूतिरिया।

गलातिया 4:19

ने ईंगरिकुःआ लइंकू, ईसू मसीराः लूर-नेवन इया अपेराः लूर-नेवन अरीन होयाः वरी, ईंग अपे लगा लरकुरहिया अइमी इया कटसियायिंग सहावगोड ञवनता।

पिलिपी 1:30

ईंगके परावनेना हना कटसियापे ञेलतेरा अरू नुँहू हों ईंग सेने पारतना हनानाः कटसियाराः बदीरेपे अयुमेतना। अरू अपे हों हनानाः कटसियातेपे सेने पारतना।

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

कुलूसी 1:29

ननानाः लगा ईसू मसी ईंगे एमेवारा हना जंगरते, मुरुक मिहनइत घड़ीनिंग सेवाकूतना।

कुलूसी 2:5

ईंग अपे सुदा कोवायिंगा, मनदो ईंगराः जीव अँननपे चोटरे इदा। अपेराः नपाय लूर-नेवन, अरू ईसू मसी एचेरे अपेराः बड़ियाड़ बिसवास बदीरे, ईंग अयूमकेडखन मुरुक बहालते इदानिंगा।

1 तिसलूनिका 2:2

अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।

इबरानी 5:7

ईसू चउंदीसरेय दोनोहोन मेला हाँय मुरुक सटी खिररी घड़ीन अरू मेड दाः जोरो जोरो हाँय गुजुः अते बनसाव अवेयता, हाँयग भगवान एचेरे असे घड़ीने अरजीःआ। अरू हाँय अकूस मनाः घड़ीने अरजीःआ अते भगवान अनायूमबाःकातेरा।

1 पतरस 1:8

अपे नुँहू वरी ईसू मसी मेरपे ञेलगडिया। हनते हों अपे हाँयपे दुलारतना। अपे नुँहू हों हाँय मेरपे ञेलेयतना, हनते हों अपे हाँय एचेरेपे बिसवासगोड ञवनतना, अरू ओरोपे उदुः चबा अवेतेरा हना मुरुक बगरा बहालते इदानपेःआ।

उदुःतो कताकून 1:11

“आम ञेलता हना मीटोंग कागदरेम ओजाःगे अरू सातगोटोंग कलसियारिकुःआ होड़कू एचेरेम इदीगोड। इपीसी सहर, इसमुरना सहर, पिरगामून सहर, थायतिरा सहर, सरदीस सहर, पिलादिलपिया सहर अरू लउदिकिया सहररे इदानकुःआ हँकुःआ कलसियारिकुःआ होड़कू एचेरे नाःआ सरवनमे इदीगोड।”