कुलूसी 1:28 - Korwa Bible

²⁸ हनाँय बदीरेले परसारगेतना अरू भगवान अलेय एमेवाडलेःआ हना कनहूनते जमा होड़कूले सेतावतना अरूले चेडकूतना, जेमहा मसीराः बिसवासरेकू उडु-बुडूयना हँकुःआ जमा होड़कू भगवान मड़ंगरेले जिमा अवेकू।

कुलूसी 1:28 ပူးပေါင်းရင်းမြစ်များ

मती ओजाःतेरा भगवानराः नपाय सरवन 28:20

ईंग अपेयिंग हुकुमवारा हना जमा कताकून मनाः लगा हँकूपे चेडकू। अयुमेपे, नाःआ जूग अरीन टुटीगगुः वरी, ईंग सगर सइट अपे सुदायिंग दोहोनता।”

मती ओजाःतेरा भगवानराः नपाय सरवन 3:7

फरीसी होड़कू अरू सदूकी होड़कू बतिसमा गोः लगाकू वेजेडा दो, हाँय हँकू एचेरेय कतातेड, “ने महुरा बींग इया होड़कू, दरवाःआ हना डंडियाव पवाः अते बनसाः लगा इये सेतावकेडपेःआ?

मती ओजाःतेरा भगवानराः नपाय सरवन 5:48

हनालगा सेरमो देसरीग अपांग उडु-बुडूत इदानिया हनन इया अपे हों उडु-बुडूतपे बड़ाँः लगा इदा।”

मरकूस 6:34

हँकू डोंगा अते उतरावनेनखन मुरुक बगरा होड़कू जुमावतोय ञेलतेडकुःआ। अरू हँकू बेगर सरवाहातेकू दोहोनता हँकुःआ भेड़ाकू इयाकू दोहोना। हनालगा ईसू हँकूय सोगावातेडकुःआ अरू हाँय हँकू मुरुके चेडकुःआ।

लूका 21:15

हननमेला अपे हँकू सुदा बड़रा लगा कनहूनिंग एमेवापेता। अपेराः हना बड़रा अयूमकेडखन अपेरिकुःआ मुदइ होड़कू ओरोकू हरुवाव अवेतेडपेःआ अरू ओरोकू घंटाव अवेतेडपेःआ।

मूक चेलाकू 10:36

अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा।

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 13:38

हनालगा ईंगरिकुःआ अजी बोपोहकूतिंग, नाःआ कता अपे सुदीगे लगायिंग चहाःतना। नाःआ नपाय सरवनलिंग परसार उदुःगेतना, नाँयग होड़ ईसूते अपेराः कसूर भगवान बराव एंडागेता,

मूक चेलाकू 17:18

तोनोंग तोनोंग इपिकुरी अरू इसतोइकी गउदारिकुःआ कनहून चेडदार होड़कू पउलूस सुदाकू अड़ा-चउकीःआ। हँकू अते अदोम होड़कू होंबोरतेरा, “नाँयग बेलूर बउकाः होड़ चेले माःआन कताय लगाय चहाःतना?” एटाः होड़कू कतातेरा, “नाँय दो एटाः देसरिकुःआ होड़कूराः तोनोंग देवताराः बदीरेय कतायतना।” पउलूस, ईसूराः नपाय सरवन अरू गोएगतो होड़कूय जियाव रेमता हना कताय परसार उदुःतेरा, हनालगा हँकुःआ होड़कू नाःआ इयाकू कतातेरा।

मूक चेलाकू 17:3

हाँय हँकू एचेरेय कताया, “मसी मुरुक कटसिया सहावतेडखने गोएगनेन तयोमरे गोएगतो होड़कू अतेय जियाव रिमुः लगा दोहोना। दो ईंग परसार उदुःगेतना हाँयग ईसू, मसी हवे।”

मूक चेलाकू 20:31

हनालगा सवासितीपे दोहोन। अंदांज पेय बरिस वरी ईंग इयाम घड़ीन दिन रइत अपेयिंग सेतावगोड ञवना।

मूक चेलाकू 3:20

अरू हाँय अपे लगा आँयग सुनावतो मसी, ईसूय वारगोडता।

मूक चेलाकू 5:42

अरू हँकू सगर दिन भगवान ओड़ाःरे अरू ओड़ाः ओड़ाः सेनेवाडखन ईसू, मसी हवे माःआनकू परसार ञवना अरूकू चेडकुःआ।

मूक चेलाकू 8:35

दो पिलिप भगवानराः कागदराः हना पाठते बुँहड़ीतेडखन ईसू बदीरे नपाय सरवने कता उदुःतेरा।

मूक चेलाकू 8:5

दो पिलिप समरिया छतरराः मीटोंग मरंग सहररेय सेनेडा अरू ईसू मसी बदीरेय परसार उदुःतेरा।

मूक चेलाकू 9:20

हनते साहूल तोनोंग दिन दिमसकूसरिकुःआ चेलाकू सुदाय दोहोना।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

1 कुरिंती 1:23

मनदो अले कुरूसरेकू ठोंकाव गोएगतिरिया हाँयग ईसू मसी बदीरेले परसारगेतना। नाःआ सरवन एहूदाकू लगा एरंगवा इया इदा अरू बेगर एहूदाकू लगा बेगर लूर इदा।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

1 कुरिंती 12:8

तोनोंगीग होड़ सुद बिरुवाते कनहूनराः सरवने कतायता, अरू तोनोंगीग होड़ सुद बिरुवाते बुझाःराः सरवने कतायता। मनदो नाःआ दहिनकून मिनीटोंग सुद बिरुवा एमेयता।

1 कुरिंती 15:12

भगवान ईसू मसीय जियाव रेमकेरा माःआनले परसारतेरा अरू हनानाः सरवनपे बिसवासकेरा। दो अपे अते तोनोंग तोनोंग होड़कू करा इयाकू कता अवेयता, गोएगतो होड़कू मेरकू जियाव रिमुःता, माःआन?

1 कुरिंती 2:15

सुद बिरुवा इदानीग होड़, नपाय अरू बेलूर कताकूने बुझाव अवेनता, मनदो एटाः होड़कू हाँयग होड़ मेनेरकू बुझाव अवेनता।

1 कुरिंती 2:6

हनते हों अले बिसवासरे उडु-बुडूत इदानकुःआ हँकुःआ होड़कू एचेरे कनहूनराः सरवनले कता उदुःता। मनदो हना कनहून होड़कूराः ओंगोल इया कोवान सहे लाय एंडानताकू हँकुःआ चउंदीसरिकुःआ मूक होड़कूराः कनहून इया हों कोवानेःआ।

1 कुरिंती 4:14

अपे एचे गियूपे लगा मेरिंग ओजाःगेतना, मनदो ईंगरिकुःआ दुलार लइंकू हवे माःआन ओंगोलकेडखन अपेयिंग डंटावता।

2 कुरिंती 10:14

भगवान नाःआ हातपाते ओवाडलेःआ अते, अपे एचेरे नपाय सरवन परसार लगा मड़ंगले सेनेडा। मनदो अले अपे एचेरे मेरले सेनेकुः दो, अलेराः भल-भलाय सदाःआ होयाकुःआ।

2 कुरिंती 11:2

भगवान अपे बदीरेय ओंगलेता हनन इया ईंग अपे बदीरेयिंग ओंगलेतना। ईंग अपे मिनीटोंग मरद, मसी सुदायिंग मंगा-बरागोतेडपेःआ, जेमहा अपे सुद डिंडा धंगड़ी इया मसी एचेरेयिंग जिमा अवेपे।

2 कुरिंती 4:5

अले अँननले बदीरे कोवान मनदो ईसू मसी, परबू हवे माःआनले परसारगेता, अरू हाँय लगा अले अपेरिकुःआ सेवकियाकू इदानलेःआ।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

इपीसी 5:27

जेमहा कलसिया बेगर जोरोडते अरू बेगर कोकोड़ावते, सुघर बड़ाँवकेडखन सुद अरू बेगर गारबारते अनँयग लगाय सपड़ाव अवेय।

कुलूसी 1:22

मनदो मसी मनुवा इयाय गोएगनेनते, भगवान अनँयग सुदा अपेय राजू नमागोतेडपेःआ, जेमहा हाँय अपे सुद अरू बेगर गारबारते अरू बेगर बदीते अनँयग मड़ंगरेय चड़ाँपे।

कुलूसी 2:10

जमा इयाःआ हातपातदारकू अरू राइजगेताकू अते हनाँय मूक हवे। अरू अपे हाँय सुदापे मिनीयान दो, अपे हों उडु-बुडू जीवपे पवावकिया।

कुलूसी 2:3

हनाँयग ईसू भगवानराः जमालेःआ सताय अरू कनहूने उदुःवाबूता।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

कुलूसी 4:12

इपापरास, अपे अते मी होड़ इदानिया अरू हाँय ईसू मसीरीग सेवकिया हवे। हाँय अपेय सलामतना। अरू हाँय, अपे भगवानराः ओंगोल इया, अपेराः बिसवास जमालेःआ बड़ियाड़ जुवाः लगा, मुरुक मिहनइततेय अरजीगोड ञवनतना।

1 तिसलूनिका 4:6

नाःआ बड़रारे तोनोंगीग होड़ अनँयग बिसवासी वगत अडिगकेडखन हाँयरीग अइमी सुदा अहाय कसूरगे। अले मड़ंगरेले सेतावतेडपेःआ हना इया, नाःआ इयाकू एचेयता हँकुःआ होड़कू परबू भगवान डंडियावकूता।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

1 तिमुतियूस 3:2

दो कलसियारीग मूक होड़ बेगर गारबार होड़ अरू मिनीटोंग अइमी अअसूल इदा। हाँय ओंगोल समझाः होड़ अरू मान मरजइतगेयीग, नेत-नेवारगेयीग अरू नपाय चेडदारे दोहोन।

इबरानी 10:14

मसीराः मिनी तुरहाःआ बलिदानते, सुदकू होया जुवाःता हँकुःआ होड़कू, सगर सइट लगाय उडु-बुडूगोतेडकुःआ।

इबरानी 13:21

दो हाँयग भगवान अपे आँयगराः हिछापे पुरावगोड लगा जमालेःआ नपाय कताकूनतेय ओसताजगोडपे लगायिंग अरजीतना। अरू भगवान ननायगुःता हना कताकून ईसू मसीते अपे एचे अवेय लगा भगवान अपेय संघरावा लगा होयिंग अरजीतना। सगर सइट होड़कू ईसू मसीकू जागगोड ञवन। आमीन!

2 पतरस 3:15

अबूरीग परबू अबू सुदा सहाव घड़ीने दोहोना दो, हना अबू सडावगुःराः बेलाबू बुझाः। ननानाः कता बदीरे अबूरीग बिसवासी वगाबू पउलूस हों हाँय पवावनेना हना कनहून इया अपे लगाय ओजाःकेरा।