मूक चेलाकू 9:24 - Korwa Bible

²⁴ मनदो साहूल हँकूराः ओंगोले सुदीगोतेड। दिन रइत साहूल ञेड एंडा लगा हना सहरराः हता दुवारकूनकू अगुरातेरा।

मूक चेलाकू 9:24 ပူးပေါင်းရင်းမြစ်များ

मूक चेलाकू 20:19

एहूदाकू बुइदकून तुलातेडखन ईंगकू संतावतेरा, हनायिंग सहावतेरा अरू ईंग इनिंग हुडिंग ओंगोलकियानखन अपे लगा मुरुक इयाम घड़ीन परबूयिंग सेवातेरा।

मूक चेलाकू 20:3

हाँय हंडा पेय महिना वरीय दोहोना। हाँय सिरिया अगी जहाजरे सेन लगा सपड़ावतोय दोहोना। हनमेला एहूदाकू हाँय ञेड गोएगगेय लगा बुइदकू तुलातेरा। हनालगा हाँय मकिदुनिया देस पारनेनखन कुदा सेन लगाय रायनेना।

मूक चेलाकू 23:30

ईंगे उदुःवातेरा, नाँयग होड़ ञेड गोएगगे लगाकू सपड़ावकिया दो ओहेन ईंग आम एचेरेयिंग वारगोतेडीग अरू हाँयकू बदीःआ, हँकुःआ होड़कू हों अँकूराः लालिस आम मड़ंगरेकू उदुःगे लगायिंग हुकुमतेरा।

मूक चेलाकू 25:11

गुजुः इयाःआ तोनोंगाः गारबारिंग एचेकेरा दो गुजुः अते बनसाः लगा मेरिंग चहाःतना। मनदो नँकू ईंगकू जाःतना हना कताकून अते तोनोंगाः कता सताय मेर दोहोना दो तोनोंगीग ईंग हँकू तिःईरे ओरोकू जिमा अवेतिरिंगा। दो नुँहू कनइसर मरंग राजा ईंग फड़ियावगींग लगायिंग असेयतना।”

मूक चेलाकू 25:3

हँकुःआ होड़कू पउलूस दूनूररेकू एचे ञेडगेय लगाकू ओंगलेःआ। हनालगा हँकू पिसतूस एचेरेकू कताया, “अले मयावाडलेखन आम पउलूस एरुसलेम सहररे एचे अगूगेय।”

मूक चेलाकू 9:25

मनदो चेलाकू हाँय रइत मेला सहरराः हताराः बुचाःते मीटोंग दउड़ारे हाँयकू टुवांग लोजोरतेरा।

2 कुरिंती 11:32

दिमसकूस सहररे अरितास राजारीग मरंग हातपात होड़ आँयगरिकुःआ सइनाकू ईंग साब लगा हना सहरे एचे अगुरातेडकुःआ।