मूक चेलाकू 9:21 - Korwa Bible

²¹ हाँय ईसू, भगवानरीग बेटात हवे माःआन अरजी ओड़ाःकूनरेय परसारगे लगा ओहेने बुँहड़ीगोतेड। हाँयराः परसारकू अयूमतेरा हँकुःआ होड़कू बयावनेनखनकू कता होड़ेंगा, “ईसूराः ञावरेकू बिसवासतेरा एरुसलेम सहररिकुःआ होड़कूय ञेड एंडातेरा अरू मरंग पुजउरीकूते चिठी एचे ओजाःतेडखन नंडाकुःआ होड़कू एचे साबकू लगाय वेजेडा हाँयग होड़ ननाँय हवे माःआन अले मेरले बिसवास अवेयता।”

मूक चेलाकू 9:21 ပူးပေါင်းရင်းမြစ်များ

मूक चेलाकू 2:12

हँकुःआ जमा होड़कू बयावयान अरू बोरोनेनखनकू होंबोर होड़ेंगा, “नाःआ चिला होयाःतना?”

मूक चेलाकू 2:6

सेरमो अते हर हराः घड़ीन होयकू अयूमतेरा दो मुरुक बगरा एहूदाकू हंडाकू जुमावनेना अरू बयावनेनखनकू कताया, “नँकुःआ होड़कू अँननबूराः भासीरेकू बड़रातना।

मूक चेलाकू 3:10

अरू हाँयकू सिनहागोतेडीग, नाँय दो भगवान ओड़ाःराः सुघर ञावाः हता दुवाररे दुडुःकियानखने असे जोमा हनाँयग होड़ हवे। अरू हाँयके चिला होयानेना हना ओंगोलतेडखनकू बयावयान।

मूक चेलाकू 4:13

दो हँकुःआ होड़कू पतरस अरू एहुनाराः डीड़कू ञेलतेरा अरू मुरुककू बयावयान। हँकू सुदीबाःगोतेड, नँकिन नियम बदीरे अलीगवार इदानकिना अरू ईसू सुदाकिन दोहोना, माःआन।

मूक चेलाकू 7:59

हँकुःआ होड़कू इसतपनूस दिरितेकू तेकेया हनमेला हाँय अरजीतेरा, “परबू ईसू, ईंग आम तिःईरे ईंगराः हनसायिंग जिमागेतना।”

मूक चेलाकू 8:3

अरू साहूल दो कलसियारिकुःआ होड़कू लाय एंडाकू लगाय बुँहड़ीतेरा अरू ओड़ाः ओड़ाः बोल घड़ीन हाँय बिसवासी होड़कू, मरदकू अरू अइमीकू, एचे उडुंगकेडकूखन जेहेलरेय एचे सींगकुःआ।

मूक चेलाकू 9:22

मनदो साहूल अनउर नपायते परसारगे लगा भगवान संघराय एमेवातेरिया। हाँय भगवानराः कागद अते ईसू, मसी हवे माःआने एचे सतायगोतेडा। हनालगा दिमसकूसरेकू दोहोना हँकुःआ एहूदाकू हाँयराः कता बदला तोनोंगाः मेरकू कता कुदा अवेगाड।

2 तिसलूनिका 1:10

ईसू मसी अनँयग एचेरेकू बिसवासकेरा अरू सुद इदानकुःआ हँकुःआ होड़कू एचेरे मान मरजइत जुवाः लगा, अरूकू बयाव जुवाः लगाय कुदा वेगता हना दिन, नाःआ जमाकून होयाःता। अरू अपे अलेराः हिदइतरेपे बिसवासकेरा। हनलगा अपे हों हना गउदारेपे दोहोनता।

1 एहुना 3:1

अबूरीग अपांग भगवान मुरुक बगरा दुलारकेडबूखन ईंगरिकुःआ लइंकू माःआने कतावाबूता, अरू सनातायते अबू हाँयरिकुःआ लनाइंकू हवे। चउंदीसरिकुःआ होड़कू भगवान मेरकू सुदीगेयता। हनालगा हँकू अबू भगवानरिकुःआ लइंकू हवे माःआन मेरकू सुदीबूतना।