मूक चेलाकू 8:17 - Korwa Bible

¹⁷ हनते पतरस अरू एहुना हँकुःआ होड़कू सुद बिरुवाकू पवाः लगा तिःईकिन खेपातेरा।

मूक चेलाकू 8:17 ပူးပေါင်းရင်းမြစ်များ

मरकूस 5:23

“ईंगरीग हुडिंगीग बिटी गुजुः इया इदानिया। आम ईंग ओड़ाःरे वेगकियानखन हाँय चोटरे तिःईम मंडाव। दो हाँय नपायकियानखन जीयते दोहोनता।”

मूक चेलाकू 13:3

दो हँकू जमाकू अरू उपास घड़ीनकू अरजीतेरा। हनते हँकू हँकिन बना होड़किन चोटरे तिःई खेपातेडखन भगवान हँकिने एटाःकेरा हना बुता एचे लगाकू वारगोतेडकिन।

मूक चेलाकू 19:6

हनते पउलूस हँकुःआ होड़कू चोटरे तिःईय खेपातेड दो सुद बिरुवा हँकू एचेरेय उतरावनेन अरू हँकू एटाः एटाः भासीरेकू बड़राःआ अरू दरवाःआ हना कताकूनकू कता उदुःतेरा।

मूक चेलाकू 2:4

हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

मूक चेलाकू 6:6

एटाः बिसवासी होड़कू नँकुःआ होड़कू ईसूरिकुःआ मूक चेलाकू एचेरेकू अगूतेडकुःआ। हनते हँकुःआ मूक चेलाकू अरजीतेडखन हँकू बोःरे तिःईकू खेपातेरा अरू हना बुता बुता लगाकू एटाःतेडकुःआ।

मूक चेलाकू 8:18

मूक चेलाकिन तिःईकिन खेपातेड दो हँकुःआ होड़कू लगा भगवान आँयग सुद बिरुवाय एमेतेरा। दो सिमोन नाःआ जमाकूने ञेलतेरा अरू हँकिन एचेरे ढिबुवा एमेतेडखने कताया,

मूक चेलाकू 9:17

हनते हनानियाह हना ओड़ाः अगी सेनेडखन हंडाय बोलोनेन। हाँय साहूलराः बोःरे तिःई खेपातेडखने कताया, “ने बोहोयिंग साहूल, आम नंडा वेग मेला आम एचेरे दूररेय एचे ञिलुःआ, हाँयग परबू ईसू आम मेड नपायगुः लगा अरू सुद बिरुवातेम पेरेगगुः लगा आम एचेरेय वारकिरिंगा।”

रूमी 1:11

अपे ञेल लगा उंभराव घड़ीनिंग दोहोनतना। सुद बिरुवाराः तोनोंग तोनोंग दहिनकून अपेयिंग एमेवा लगा होयिंग चहाःतना, जेमहा अपेराः बिसवास बड़ियाड़ जुवाः।

1 तिमुतियूस 4:14

भगवानराः बड़रा कता होड़कू कतातेरा हना कता अरू कलसियारिकुःआ अगुवा होड़कू आम बोःरेकू खेपातेड मेला भगवान दहिनवातेडमेःआ, हना दहिन अहम एरांगवा।

1 तिमुतियूस 5:22

तोनोंगीग होड़राः बोःरे ओहेन तिःई खेपाकेडखन मूक होड़ अहाम बड़ाँवगेय। अरू आम तोनोंगीगराः कसूररे अहम मेसान अरू अनम आम सुदमे दोहोन।

2 तिमुतियूस 1:6

हनालगा ईंग आम बोःरे तिःई खेपाकेडखनिंग अरजी मेला भगवान दहिनवाडमेःआ हनाम वेर बडेगे लगा आमिंग एचे उहियारतना।

इबरानी 6:2

अरू बतिसमा बदीरे अरू तिःई खेपा बदीरे अरू गोएगतो अते जियाव रिमुः बदीरे अरू ओरो टुटीगनेना हना डंड बदीरे चेडतो इया नेव अनउर अहाबू गडाय।