मूक चेलाकू 8:14 - Korwa Bible

¹⁴ एरुसलेमरेकू दोहोना ईसूरिकुःआ मूक चेलाकू अयूमतेरा, समरियारिकुःआ होड़कू भगवानराः सरवनकू मनेवातेरा, माःआन। दो हँकू पतरस अरू एहुना हंडाकू वारतेरा।

मूक चेलाकू 8:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:23

अरू नपाय ओतरे लोजोरनेना हना बिहान, सरवन नपायते अयूमकेडखन अँननकूराः जीवरे दोहोकेडखनकू जोःता हँकुःआ होड़कू हवे। तोनोंगीग मी सव मन, तोनोंगीग साठ मन अरू तोनोंगीग तीस मने अदरेता।”

लूका 22:8

ईसू, पतरस अरू एहुना नाःआ इया कतावातेडखने वारतेडकिना, “अबा सेनेवाडखन पसहा परोबरे अबू जोम लगा सरबहा हतड़ेबा।”

एहुना 12:48

ईंग आड-बेकारकेडखन ईंगराः कता मेरेय मनाःता हाँयग होड़ फड़ियावगेय लगा मी होड़ फड़ियावदार इदानिया। ईंग कता उदुःतेरा हनानाः कताते टुटीगगुः दिनरे हाँयराः डड़ियाव होयाःता।

मूक चेलाकू 11:1

ईसूरिकुःआ मूक चेलाकू अरू एहूदिया छतररिकुःआ जमा बिसवासी होड़कू अयूमकेरा बेगर एहूदाकू हों भगवानराः सरवन अयूमकेडखनकू मनेवाडा।

मूक चेलाकू 15:4

हँकिन एरुसलेमकिन सोदोरनेन दो कलसियारिकुःआ बिसवासी होड़कू, ईसूरिकुःआ मूक चेलाकू अरू कलसियारिकुःआ अगुवा होड़कू हँकिनकू नेत-नेवारतेडकिना। दो हँकिन हँकू एचेरे भगवान अँकूतेय एचेतेरा हना जमाकूनकिन कता उदुःतेरा।

मूक चेलाकू 17:11

बिरिया सहररिकुःआ होड़कू तिसलूनिका सहररिकुःआ होड़कू अते नपाय होड़कूकू दोहोना। नँकुःआ होड़कू भगवानराः सरवन मिनी जीवतेकू अयुमेःआ अरू सगर दिन भगवानराः कागद अते पउलूस कतातेरा हना कता सताय हवे जा कोवान, हनाकू जासतेरा।

मूक चेलाकू 2:41

हाँयराः सरवनकू कबुलावयना, हँकुःआ होड़कू बतिसमाकू गोःतेरा अरू हना दिन पेय हजार होड़कू बिसवासी होड़कू सुदाकू मेसानेना।

मूक चेलाकू 8:1

साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

गलातिया 2:9

कलसियारिकुःआ अगुवा मूक होड़कू हवे माःआनकू कतावाकुःआ, हँकुःआ एकूब, पतरस अरू एहुना, भगवान ईंग लगाय एमेवाडिंगा हना जिमेवारीकू सुदीगोतेड। दो हँकू ईंग अरू बरनाबास, अबूरिकिनाः सेवा देंगवा होड़किन हवे, माःआनकू मनेवातेडलिंगा। नाःआते अलिंग बेगर एहूदाकू एचेरे अरू हँकू एहूदाकू एचेरे सेवाकू लगा मिनी राययानकू।

1 तिसलूनिका 2:13

अले अपे एचेरेले परसारतेरा हना नपाय सरवन होड़कूराः सरवन इया मेरपे ओंगोलगाड, मनदो भगवान कतातेरा हना सताय सरवन इयापे ओंगोलतेरा अरूपे मनाःआ। हननलगा अपे लगा अले भगवानले धनियाबादगोड ञवनतना अरू भगवानराः नाःआ सरवनरेकू बिसवासगेता अपेराः इंदरीरे बुतागोड ञवनता।

1 तिसलूनिका 3:2

हनाते अले अबूरीग बिसवासी वगाबू अरू ईसू मसीराः नपाय सरवनराः परसाररे भगवानरीग सेवकिया होड़ तिमुतियूस अपेराः बिसवास एचे बड़ियाड़गे लगा अरू बिनिसवासरे सलाः लगाय कता बहालवापे लगा अपे एचेरेले वारकिरिया,

2 तिसलूनिका 2:10

हाँय, सडावकेकुःआ हना सताय सरवन मेरकू दुलारगाड हँकुःआ लायतो होड़कू, जमा बरानाः बेलूर बुताकूनतेय अडिगगोडकूता।