मूक चेलाकू 8:12 - Korwa Bible

¹² मनदो पिलिप भगवानराः राइजराः नपाय सरवन अरू ईसू मसीराः ञाव बदीरेय परसारतेरा दो हँकुःआ जमा होड़कू, मरदकू अरू अइमीकू, हाँयराः कता बिसवासकेडखन बतिसमाकू गोःतेरा।

मूक चेलाकू 8:12 ပူးပေါင်းရင်းမြစ်များ

मती ओजाःतेरा भगवानराः नपाय सरवन 28:19

हनालगा अपे जमा जइत होड़कू एचेरे सेनेकियानखन ईंगरिकुःआ चेलाकूपे बड़ाँव अरू हँकू अपात अरू बेटात अरू सुद बिरुवाराः ञावते बतिसमापे एमेवाकू।

लूका 9:2

हनते हाँय हँकू भगवानराः राइज बदीरे परसारगे लगा अरू बेमरियाकू नपायकू लगाय वारगोतेडकू।

लूका 9:60

दो ईसू हाँय एचेरेय कताया, “गोएगतो होड़कू अँननकूरिकुःआ गोएगतो होड़कूम तील ओवा। मनदो आम सेनेवाडखन भगवानराः राइज बदीरे होड़कू एचेरेम कता उदुःगे।”

मूक चेलाकू 1:3

ईसू कटसिया सहावतेडखन कुरूसरेय गोएगनेन तयोमरे हाँय जीयत इदानिया, माःआन मुरुक सताय चिनहाकून हँकुःआ होड़कू एचेरे चालीस दिन वरीय एचे उदुःतेरा अरू भगवानराः राइज बदीरेय कता उदुःतेरा।

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 18:8

अरजी ओड़ाःरीग हातपात होड़ किरिसपूस आँयग ओड़ाःरिकुःआ जमा होड़कू सुदा परबू ईसू एचेरेकू बिसवासतेरा। कुरिंतीरिकुःआ मुरुक बगरा होड़कू, पउलूसराः परसारकू अयूमतेरा हँकुःआ होड़कू हों परबू ईसू एचेरे बिसवासतेडखन बतिसमाकू गोःतेरा।

मूक चेलाकू 19:5

नाःआ कता अयूमकेडखन हँकुःआ होड़कू ईसूराः ञावरे बतिसमाकू गोःतेरा।

मूक चेलाकू 2:38

दो पतरस कता कुदातेरा, “अपे कसूर अते जीवपे कुदा। अरू अपे जमा होड़कू ईसू मसीराः ञावते बतिसमापे गोः। दो अपेराः कसूर भगवान बराव एंडायता अरू भगवान अगीते सुद बिरुवापे पवाःता।

मूक चेलाकू 2:41

हाँयराः सरवनकू कबुलावयना, हँकुःआ होड़कू बतिसमाकू गोःतेरा अरू हना दिन पेय हजार होड़कू बिसवासी होड़कू सुदाकू मेसानेना।

मूक चेलाकू 20:21

ईंग एहूदाकू अरू बेगर एहूदाकू एचेरे हों हँकू अँकूराः कसूर अड़ाःतेडखन भगवान अगी जीवकू कुदागे लगा अरू परबू ईसू एचेरेकू बिसवासगे लगायिंग कता उदुःवातेडकुःआ।

मूक चेलाकू 20:25

नुँहू ईंग सुदीयतना ईंग भगवानराः राइज बदीरे अपे एचेरेयिंग परसार उदुःतेरा अपे अते तोनोंगीग होड़, ईंग अनउर ओरोपे ञेल अवेतिरिंगा।

मूक चेलाकू 28:31

हंडा हाँय एचेरेकू सेना, हँकुःआ होड़कूय नेत-नेवारा। हाँय मुरुक डीड़ अरू बेगर रोंकावते भगवानराः राइज बदीरे परसारगेःआ अरू परबू ईसू मसीराः कताय चेडकुःआ।

मूक चेलाकू 5:14

हनारे हों मुरुक बगरा होड़कू परबू ईसू एचेरेकू बिसवासतेरा अरू बिसवासी होड़कू सुदाकू मेसायान।

मूक चेलाकू 8:4

ञीर सितिर-बितिरनेना हँकुःआ बिसवासी होड़कू सेनेडा हना जमा देसरिकुःआ होड़कू एचेरे ईसूराः नपाय सरवनकू परसार उदुःतेरा।

रूमी 10:10

मी होड़ अनँयग जीवरे बिसवासकेडखन भगवानराः ओंगोलरे फड़ियावतो होड़े बड़ाँव जुवाःता अरू हाँय कबुलाः घड़ीने सडाव जुवाःता।

1 कुरिंती 11:11

हनते हों परबूराः ओंगोलरे अइमी अरू मरद मिनी इयाय ओंगोलकिनता। अरू हँकिन बना होड़ संघरा होड़ेंग लगा इदानकिना।

गलातिया 3:28

अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

1 पतरस 3:21

अरू हना दाः बतिसमाराः अउल-तउल इया इदा। ईसू मसी गोएगतो होड़कू अतेय जियाव रेमकिया अते बतिसमाते अपे बनसाव जुवाःता। नाःआ बतिसमाते अपेराः देहराः मइल बुहाल अमिंगगुः लगा कोवानेःआ। मनदो हन बतिसमा अपेराः इंदरी नपायते दोहो ञवन लगा भगवान एचेरे मीटोंग अरजी इया इदा।