मूक चेलाकू 8:1 - Korwa Bible

¹ साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

मूक चेलाकू 8:1 ပူးပေါင်းရင်းမြစ်များ

मती ओजाःतेरा भगवानराः नपाय सरवन 22:6

अरू एटाः एटाः होड़कू, हँकुःआ सेवकियाकूकू साबतेरा अरू बेग-हतावातेडकूखन ञेड एंडागोतेडकुःआ।

मती ओजाःतेरा भगवानराः नपाय सरवन 23:34

हनालगा ईंग अपे एचेरे भगवानराः बड़रा कता होड़कू अरू कनहूनदारकू अरू चेडदार होड़कूयिंग वारकूतना। अपे अदोम होड़कूपे ञेड एंडागोडता अरू अदोम होड़कू कुरूसरेपे ठोंकावगोडकूता। अपे अदोम होड़कू अपेराः अरजी ओड़ाःकूनरे गुरुंदतेपे ञेडकूता अरू मी सहर अते एटाः सहर अगी हँकूपे झुटियावता।

मती ओजाःतेरा भगवानराः नपाय सरवन 5:13

“अपे चउंदीसराः बुलुंग हवे। मनदो बुलुंगराः सेबेल मेर दोहोन दो, चिला जिनिसते हना बुलुंग सेबेलगुःता? दो हना बुलुंग तोनोंगाः बुतारे मेर वेगता। हना होड़कू बहरीकू तेके एंडागोडता अरू चोडकेडखनकू सेने पारता।

एहुना 15:20

अपे एचेरेयिंग कतातेरा हना बड़रा अपे उहियार अगूयपे, तोनोंगीग बेगारी होड़ आँयगरीग मालिक अते मरंग मेरेय दोहोनता। हँकू ईंगकू संतावतेरा दो, अपे होंकू संतावपेता। अरू हँकू ईंगराः कताकू मनाः दो, अपेराः कता होंकू मनाःता।

एहुना 16:2

हँकू अपे अरजी ओड़ाःकून अतेकू उडुंग एंडागोडपेता। मी बेला निचकाःतना अरू हनमेला हँकू अपेकू ञेड एंडागोडपेता अरूकू ओंगलेता, अले भगवानराः सेवाले सेवातना, माःआन।

मूक चेलाकू 1:8

मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”

मूक चेलाकू 13:1

अंतकियाराः कलसियारे तोनोंग तोनोंग भगवानराः बड़रा कता होड़कू अरू चेडदार होड़कू होंकू दोहोना। हँकूराः ञाव दोहोना बरनाबास, निगर माःआन एटाः ञाव दोहोना हाँयग सिमोन, कुरेनरीग लुकियूस, हरदोस सुदा मिनी सउंगताकिन दोहोना हाँयग मनाहेम अरू साहूल।

मूक चेलाकू 13:36

दाऊद आँयग जूगरिकुःआ होड़कू भगवानराः ओंगोल इया सेवातेडकूखने गोएगनेना अरू हाँयराः मुरदा दो सेयायना।

मूक चेलाकू 2:47

हँकुःआ बिसवासी होड़कू भगवानकू जागा अरू जमा इसराएल होड़कूराः ओंगोलरे नपायकू दोहोना। भगवान सडावकेडकुःआ, हँकुःआ होड़कू बिसवासी होड़कू सुदा परबू दिनो-दिने एचे मेसातेडकुःआ।

मूक चेलाकू 22:20

अरू आमरीग चेला इसतपनूसराः गुजुःरे होयिंग राययना अरू हाँयकू ञेड एंडातेरा हँकुःआ होड़कूराः सोनहेयिंग अगुरातेरा, माःआन।

मूक चेलाकू 26:10

अरू एरुसलेमरे हनानाःयिंग एचेतेरा। मरंग पुजउरी होड़कू अते हातपात पवावनेनखन मुरुक बगरा बिसवासी होड़कू जेहेलरेयिंग एचे सींगतेडकुःआ। अरू हँकुःआ होड़कूकू ञेड एंडाःआ बेला ईंग हों नाःआ कतारे हँकू बदीरेयिंग रायनेना।

मूक चेलाकू 5:18

हँकू ईसूरिकुःआ मूक चेलाकूकू एचे साबतेडखन जेहेलरेकू एचे सींगगोतेडकू।

मूक चेलाकू 5:20

हँकू एचेरेय कतातेरा, “दूपे, अपे भगवान ओड़ाःरेपे सेन अरू हंडा चड़ाँकियानखन नाःआ नँवा जीवराः कताकून जमा होड़कू एचेरेपे कता उदुःगे।”

मूक चेलाकू 5:33

पंचाइतरिकुःआ होड़कू नाःआ बड़राकू अयूमतेड दो हँकू मुरुक रीसतेकू रंजावयान अरू हँकू ञेड एंडा लगाकू ओंगलेःआ।

मूक चेलाकू 5:40

दो हना कतारे मरंग पंचाइतरिकुःआ जमा होड़कू रायनेना। हनते हँकू मूक चेलाकू राःतेडखन गुरुंदतेकू एचे ञेडतेडकुःआ। हनते हँकू ईसूराः ञावते तोनोंगीग एचेरे अहाकू कताय लगा सेतावतेडकूखनकू अड़ाःगोतेडकू।

मूक चेलाकू 7:38

सेरमो देसरीग बराहील सीनाई पहाड़रे मोसेस एचेरेय बड़रानेन मेला मोसेस टयंगाब ततेररे भगवानरिकुःआ होड़कू दोहोना अबूरिकुःआ खुटिपरिया होड़कू सुदाय दोहोना। अरू हाँयग मोसेस भगवान अगीते अबूय एमेवा लगा जीयत सरवने पवावकिया।

मूक चेलाकू 7:54

नाःआ बड़रा हँकू अयूमतेरा दो हँकू रीसनेनखन तिरिंग रेटेग-रेटेगकू कड़रावगेःआ।

मूक चेलाकू 7:58

हनते हँकू हाँय हना सहर अते बहरीकू ओर उडुंगतिरिया अरू हाँय चोटरे दिरिकून हाँय तेके गोजेय लगाकू तेकेया। दो हंडा मी होड़ डिंघा होड़ दोहोना। हाँयराः ञाव दोहोना साहूल। दो इसतपनूस चोटरे दिरिकू तेकेःआ हँकुःआ होड़कू, हाँयग साहूल एचेरे हँकूराः सेरमो तुसिंगतो सोनहेकू जिमाःतेरा।

मूक चेलाकू 8:14

एरुसलेमरेकू दोहोना ईसूरिकुःआ मूक चेलाकू अयूमतेरा, समरियारिकुःआ होड़कू भगवानराः सरवनकू मनेवातेरा, माःआन। दो हँकू पतरस अरू एहुना हंडाकू वारतेरा।

मूक चेलाकू 8:2

भगवानकू मनवेयता हँकुःआ होड़कू इसतपनूसकू तीलतेरा अरू हाँय लगा मुरुककू फिकीरावयान।

मूक चेलाकू 8:4

ञीर सितिर-बितिरनेना हँकुःआ बिसवासी होड़कू सेनेडा हना जमा देसरिकुःआ होड़कू एचेरे ईसूराः नपाय सरवनकू परसार उदुःतेरा।

मूक चेलाकू 8:5

दो पिलिप समरिया छतरराः मीटोंग मरंग सहररेय सेनेडा अरू ईसू मसी बदीरेय परसार उदुःतेरा।

मूक चेलाकू 9:31

हना तयोमरे एहूदिया छतररिकुःआ, गलील छतर अरू समरिया छतरराः कलसियारिकुःआ होड़कू सलसतरेकू दोहोना। अरू भगवानराः सुद बिरुवा हँकुःआ होड़कूराः जीव बड़ियाड़गोतेड अरूय कता बहालगोतेड। हँकू परबूराः अकूस मनाः घड़ीनकू दोहोना अरू मुरुक होड़कू हों बिसवासी होड़कूकू बड़ाँवनेना।

रूमी 1:32

हँकू भगवानराः नियम नपायतेकू सुदीयता, नाःआ इया बेलूर बुताकू एचेयता हँकुःआ होड़कू गुजुःराः डंड पनावाः जुकूर इदानकुःआ। हनते हों हँकू हनानाः कसूरकूनकू एचेगोड ञवनता अरू हनानाः कसूरकून एचे ञवन लगा होड़कूकू लहराव ञवनता।

पिलिपी 1:12

दो ईंगरिकुःआ अजी बोपोहकूतिंग, अपे नाःआ कता सुनुदीबाःगोडपे लगायिंग चहाःतना। ईंग जीवरे होयानेना हना जमा कटसियाकूनते भगवानराः नपाय सरवन मुरुक बगरा होड़कू अयुमे लगा होयाकिया।

इबरानी 11:27

बिनिसवासते मोसेस मेरेय ञेल ञामुःता हाँयग भगवान एचेरे, ञिलुःतना हना इयाय बड़ियाड़यान। हनालगा हाँय पिरोन राजा रीस भीकनेना हना मेरेय बोरोवागाड अरू मिसिरी देसे अड़ाः एंडागोतेड।