मूक चेलाकू 7:36 - Korwa Bible

³⁶ हाँयग मोसेस हँकू मिसिरी देस अतेय एचे उडुंगतेडकुःआ अरू लाल समुंदररे अरू चालीस बरिस वरी टयंगाब ततेररे बयाव जुवाः इया बुताकूने एचेःआ।

मूक चेलाकू 7:36 ပူးပေါင်းရင်းမြစ်များ

एहुना 4:48

दो ईसू कतातेरा, “अपे बयाव जुवाः इयाःआ बुताकून अरू चिनहाकून मेरपे ञेल वरी अपे ओरोपे बिसवासतेरा।”

मूक चेलाकू 13:18

हनते चालीस बरिस वरी टयंगाब ततेररे भगवान हँकूराः लूर-नेवने सहावतेरा।

मूक चेलाकू 7:42

हनालगा भगवान हँकूय अड़ाःगोतेड अरू हँकू बेर, बांगो अरू इपीलकू जाग लगाय जिमागोतेडकू। नाःआ कता भगवानराः बड़रा कता होड़कूराः कागदरे ओजाःतो इदा हना कताते मेसा जुवाःता; ने इसराएल होड़कू, अपे चालीस बरिस टयंगाब ततेररेपे दोहोन मेला इनिंग लगा जानरकूराः बलिदानकून अरू सराराः बलिदानकूनपे अगूकेरा जा?

इबरानी 3:8

अगड़-बगड़ अरू अंदजावराः दिनरे टयंगाब ततेररेकू एचेतेरा, हनन इया अपेराः जीव अलोपे कटकटगे।

इबरानी 3:9

हंडा अपेरिकुःआ खुटिपहार होड़कू ईंगकू अंदजावतिडिंगा अरू चालीस बरिस वरी ईंगराः बुताकूनकू ञेलतेरा।

इबरानी 8:9

हँकूरिकुःआ खुटिपहार होड़कू मिसिरी देस अतेयिंग उडुंग अगूतेडकू मेला, हँकू ईंग कता-जमकावतेरा हनारे मेरकू सलावगान। हनालगा ईंग हँकू सुदा मेरिंग ननायगान। दो हँकू सुदायिंग कता-जमकावतेरा हना इया नाःआ नँवा कता-जमकाव ओरो होयानेना, माःआन भगवान कतायतना।