मूक चेलाकू 7:35 - Korwa Bible

³⁵ अले एचेरे हातपातगे लगा इये आम फड़ियावदारे तुलाकेडमेःआ, माःआन इसराएल होड़कू मड़ंगरे आड-बेकारवाडिगखनकू कतावाया हाँयग होड़ ननाँयग मोसेस हवे। हाँयग मोसेस हँकुःआ होड़कूरीग हातपात होड़ अरू सडावदार होयाः लगा भनगवान आँयग बराहीलतेय वारतेरा अरू हाँयग मोसेस एचेरे सलगाःतो बुदारेय एचे ञेलनेना।

मूक चेलाकू 7:35 ပူးပေါင်းရင်းမြစ်များ

मरकूस 12:26

गोएगतो होड़कूराः बदीरेयिंग कतायता, मोसेस ओजाःतेरा हना कागदरे भगवान हाँय सुदा सलगावतो बुदारेय बड़रानेना हना मेरपे बछावगना जा? हनमेला भगवान मोसेस एचेरेय कतातेड, ईंग इबराहीमरीग, इसहाकरीग अरू एकूबरीग भगवान इदानिंगा।

लूका 19:14

मनदो गिरहत होड़राः सहररिकुःआ होड़कू हाँयकू हिनइस-बिनइसवाःआ अरू तोनोंग तोनोंग होड़कू नाःआ इया कताय लगाकू वारतेडकुःआ, नाँयग होड़ अलेरीग राजा बड़ाँः लगा अले मेरले चहाःतना, माःआन।

एहुना 18:40

दो हँकू मुरुक सटीतेकू कतातेड, “नाँय कोवान। अले लगा बराबा अड़ाःगोडेयमे।” अरू हाँयग बराबा लुलुड़ी होड़े दोहोना।

एहुना 19:15

मनदो हँकू मुरुक सटीतेकू कताया, “गोनोनोःयायमे! नाँय कुरूसरेम एचे ठोंकावगेय।” दो पिलातूस होंबोरतेरा, “अपेरीग राजा कुरूसरेयिंग एचे ठोंकावगोडेय जा?” दो मरंग पुजउरीकू कतातेड, “कइसर राजा अते एटाः अलेरीग तोनोंगीग राजा कोनोवाया।”

मूक चेलाकू 2:36

दो जमा इसराएल होड़कू अपे नाःआ कता सुनुदीबाःकापे, अपे कुरूसरेपे एचे ठोंकाव गोएगतिरिया हनाँयग ईसू, भगवान मसी अरू परबूय बड़ाँवगोतेडिया।”

मूक चेलाकू 3:22

मोसेस हनाँयग बदीरेय कतातेरा, आमरीग परबू भगवान अपे लगा ईंग इया मी होड़ होड़ भगवानराः बड़रा कतायीग होड़ अपे तलारेतेय वारेयता। दो हाँय चिन चिलाय कतायता हना जमाकूनपे मनाः।

मूक चेलाकू 5:31

भगवान अनँयग खउना तिःई गतर हाँय एचे दुड़ुःकिरिगखन राजा अरू सडावदारे तुलाकिरिया, अरूय मान मरजइतकिरिया। नाःआ अते इसराएल होड़कू अँकूराः कसूर अते जीवकू कुदाता अरू हँकूराः कसूर भगवान बराव एंडागोडता।

मूक चेलाकू 7:30

चालीस बरिस तयोमरे, सेरमो देसरीग बराहील मोसेस एचेरे सीनाई पहाड़ गतर टयंगाब ततेररे सलगाःतो बुदारेय एचे ञेलनेना।

मूक चेलाकू 7:51

दो इसतपनूस अरूय कताया, “अपे तुड़ेंग-तपेग होड़कू हवे अरू मुरुक हेहेर होड़कू इदानपेःआ। अपे भगवानराः तोनोंगाः बड़रा अयूम लगा सहे मनाव लगा अपे मेरपे चहाःतना। अपे अपेरिकुःआ खुटिपरिया होड़कू इया इदानपेःआ। अपे सुद बिरुवा भगवानराः बड़रा कता होड़कू एचेरे कतातेरा, हना कतापे एरंगवाःआ।

कुलूसी 1:15

भगवान तोनोंगीग ओरोबू ञेल अवेतिरिया, मनदो ईसू मसी सिरामइत भगवान बरोबइर इदानिया। हाँय मड़ंगीग बेटात हवे, अरू जमालेःआते मनारंग इदानिया।

इबरानी 2:2

सेरमो देसरिकुःआ बराहीलकूते भगवान कतातेरा हना सरवन तोल दोहोत दोहोना, अरू हना सरवनकू टड़ावतेरा हँकुःआ होड़कू, बेगर गारबारतेःआ फड़ियावराः डंडकू पनावावनेना।

उदुःतो कताकून 15:3

अरू भगवानरीग सेवकिया मोसेसराः सेरेंग अरू भेड़ा होनराः सेरेंगकू सेरेंगा, “ने अगम जंगरदार परबू भगवान, आमराः बुता मरंग अरू बयाव जुवाः इया इदा। ने जूग परिया वरीयीग राजा, आमराः दूर नपाय अरू सताय हवे।