मूक चेलाकू 6:12 - Korwa Bible

¹² दो हँकुःआ होड़कू इसराएल मूक होड़कू, चेडदार होड़कू अरू एटाः होड़कू इसतपनूस बदीरेकू बहकावतेडकूखन हँकू हाँय साबतिरिगखन मरंग पंचाइतरेकू एचे चड़ाँतिरिया।

मूक चेलाकू 6:12 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:57

हनते हँकुःआ होड़कू ईसू मूक पुजउरी कइपा एचेरेकू गोःयाडीग। हाँयग ओड़ाःरे इसराएल मूक होड़कू अरू नियम चेडदार होड़कू मुरुक बगराकू जुमावनेना।

मती ओजाःतेरा भगवानराः नपाय सरवन 5:22

मनदो अपे ईंगपे अयूम, तोनोंगीग होड़ अनँयगरीग सउंगता सुदाय रीस जुवाः, दो हाँय कोट कछेरीरे डंडे पवाःता। अरू तोनोंगीग होड़ अनँयग सउंगताय बेग-हतावा, हाँय मरंग पंचाइतरे डंडे पवाःता। अरू तोनोंगीग होड़ अनँयग सउंगता एचेरे, ने बुयांग होड़, माःआने कताय दो, भगवान हाँयग होड़ नरगराः सेंगेलरेय सोलोंगगोडेयता।

लूका 20:1

मी दिन ईसू भगवान ओड़ाःरे होड़कूय चेचेडा अरू भगवानराः नपाय सरवने कता उदुःवाकुःआ। दो मरंग पुजउरीकू अरू नियम चेडदार होड़कू इसराएल होड़कूरिकुःआ मूक होड़कू सुदा वेगवाडखन,

मूक चेलाकू 13:50

मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।

मूक चेलाकू 14:2

मनदो ईसू एचेरे मेरकू बिसवासगाड हँकुःआ एहूदाकू, बेगर एहूदाकू एचेरे बिसवासी होड़कू बदीरे बेलूर बेलूर कतावाडकूखनकू एचे रीसवाकुःआ।

मूक चेलाकू 17:13

तिसलूनिकारिकुःआ एहूदाकू पउलूस बिरिया सहररे भगवानराः सरवने परसारगेतना माःआनकू अयूमतेरा दो हँकू हंडाकू सेनेडा अरू पउलूस बदीरे होड़कूकू एचे जुमावतेडखन कड़ीगकू रेमा।

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 21:27

सात दिन होनोयाः बेला आसिया राइजरिकुःआ तोनोंग तोनोंग एहूदाकू पउलूस भगवानराः ओड़ाःरेकू ञेलतिरिया। हँकू जमा होड़कू पउलूस बदीरे कड़ीगकू एचे रेमा अरू हाँयकू साबतेरा,

मूक चेलाकू 5:18

हँकू ईसूरिकुःआ मूक चेलाकूकू एचे साबतेडखन जेहेलरेकू एचे सींगगोतेडकू।

मूक चेलाकू 5:27

अरू हँकू मूक चेलाकू साब अगूतेडकूखन मरंग पंचाइतरेकू एचे चड़ाँतेडकुःआ।

मूक चेलाकू 6:11

हनालगा हँकुःआ मरदकू तोनोंग तोनोंग लबरा हिदइतदारकूकू एचे कतावाकुःआ, “नाँयग होड़ इसतपनूस भगवान अरू मोसेस बदीरे ओपता बड़रा कततले अयूमकिरिया।”