मूक चेलाकू 5:36 - Korwa Bible

³⁶ तोनोंग बरिस मड़ंग तियुदास ञावीग होड़ दोहोना। हाँय अनँयग आँयग मरंगे ओंगलुःआ। हाँय सुदा अंदांज चइर सव होड़कू होंकू मेसानेना। मनदो सइना होड़कू हाँयकू ञेड गोएग एंडातेरा अरू हाँय सुदाकू दोहोना हँकुःआ जमा होड़कू सितिर-बितिरयनाकू।

मूक चेलाकू 5:36 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मती ओजाःतेरा भगवानराः नपाय सरवन 24:26

दो होड़कू अपे एचेरेकू कताय, ञेलेयपे, माँय टयंगाब ततेररे इदानिया। दो अपे हना अगी अलोपे सेन। हँकू अपेकू कतावा, ञेलेयपे, माँय कुठरीरे इदानिया, दो अपे अलोपे बिसवासगे।

मती ओजाःतेरा भगवानराः नपाय सरवन 24:5

मुरुक बगरा होड़कू ईंगराः ञावते अपे एचेरेकू वेगता अरूकू कतायता, ईंग मसी हवे, माःआन अरू हँकू मुरुक होड़कूकू अडिगगोडकूता।

मूक चेलाकू 21:38

दो हाँय कता कुदातेरा, “अरे! आम उनानी भासीम बड़रा अवेनता जा? दो तोनोंग बेला मड़ंगरे मीटोंग कड़ीग रेमनेनखन चइर हजार होड़कू टयंगाब ततेररेकू गोःगेया हाँयग मिसिरी होड़ अनम हवे जा?”

मूक चेलाकू 5:35

हनते हाँय मरंग पंचाइतरिकुःआ होड़कू एचेरेय कतातेरा, “ने इसराएल होड़कू, नँकुःआ होड़कू तोनोंग इया करेगकू अते मड़ंग नपायतेपे ओंगोल बुझावा।

मूक चेलाकू 8:9

दो हना सहररे मी होड़ होड़ दोहोना। हाँयराः ञाव दोहोना सिमोन। हाँय तोनोंग बेला वरी समरिया छतररिकुःआ होड़कू एचेरे बरा रूपी एचेतेडखने एचे बयावतेडकुःआ अरू हाँय अनँयग बदीरे होड़कू एचेरेय बड़वारा।

गलातिया 2:6

होड़कू अदोम मूक होड़कू बदीरे मरंग होड़कू माःआनकू ओंगोलकूता। मनदो भगवान तोनोंगीग मेरेय पाचपटीगेयता। हनालगा नाःआ अते ईंगके कही आँच ओरो लगावनेना, अरू ईंग परसारतेरा हना सरवनरे तोनोंग इया मेरकू बदलाव अवेगाड।

गलातिया 6:3

मनदो अपे अते तोनोंगीग होड़ हुडिंग इदानीग हों, हाँय अनँयग आँयगते मरंगे उंगलुःता दो हाँय अनँयग अडिग जोमता।

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।

2 पतरस 2:2

अरू मुरुक बगरा होड़कू हों हँकूराः सनहा-सनहिःआ दूरकू साबता, अरू हँकुःआ होड़कू अते, होड़कू सताय दूरकू बदीगेता।

जूदा 1:16

हँकुःआ होड़कू कुरबुराः होड़कू अरू लालिस होड़कू इदानकुःआ, हँकू अँकूराः बेलूर ओंगोल इयाकू सलाःता, अँननकू बदीरेकू बड़वारता अरू अँननकू नफा पवाः लगाकू बड़रा बोनाःता।

उदुःतो कताकून 17:3

हनते ईंग सुद बिरुवातेयिंग पेरेगयान अरू हाँयग बराहील ईंग टयंगाब ततेर अगीय गोःयाडिंग। हंडा मीटोंग लाल रंगीग जानरिंग ञेलतेरा। हाँयग जानर चोटरे मी होड़ अइमी दुड़ुःकुःआ। हाँयग जानर चोटरे भगवान ओपतागेराः मुरुक ञावकून ओजाःतो दोहोना। हाँयग जानरराः सातगोटोंग बोः अरू दसगोटोंग देरेंग दोहोना।

उदुःतो कताकून 17:5

अरू हाँयराः समांगरे नाःआ ओकोत इयाःआ ञाव ओजाःतो दोहोना, मरंग सहर बाबील, जमा चउंदीसरिकुःआ सनही अइमीकूरीग एंगात अरू जमा बरानाः एरंगवाताकू हना जिनिसकूनराः सूती।